قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-10 10:58:29 نعي حول الاخوان وكأني بمولاتي زينب ع



لحكيت ضعن الوالي بصياح
صيحت  حد   الحيل  ماراح
متني  عيز منه  الهدم  طاح



محملين  مدري  وين يردون
نكطع  الضنه   ما   ايرجعون
عليهم  لودر   شوف  العيون



كوطر ضعنهم  وانه ونيت
عليه ابعدوا مهمومه رديت
اشيل الجدم مابيه ضليت



حافي لحكت الضعن ماتان
ابجي وصيحن حيلي عيزان
صوب  دليلي  يوم  الخوان



ماينحمل   يا   يومهم  يوم
صبح    دليلي  ثلم    مثلوم
شالوا  وراحت ذيج الرسوم



يا  يومهم   يا  يوم   ماصار
هدم   دليلي   وكل    الكتار
تشتعل   بيه  وتسعر   النار



ماطفت  ناري  وبيش تطفه
يا   روحت   الوليان    كلفه
احسب  وعيني  عيب تغفه



كل  وكت   روحي    رايدتهم
يا  ريحت    امي    الفاكدتهم
انه    العزيزه    عمت    ابنهم



ملكه   بعد     بالنفس    ملكه
ويه   الاخو   ماردت     فركه
يسدر    ونين    الكلب   حكه

الشاعرة ام كرار الساعدي


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 09:09:18 ‏ربيّ آسعد قلوبّ جميعَ متابعينآ وآرزقهم توفيقاً

‏يملأ دنياهم بهجة وفرحّاً


صباح الخير Aprire / Come

2023-07-10 09:05:40 حصریا محرم 1445
قصیده لابوفاضل ع{{اگعد رجع الخیل}}


اجتنه ارکاض ــ اگعد رجع الخیل
و یا عباس مات احذالک الحیل
ـــــــــــــ ـــــــــــــ
اگعد یا ابوفاضل رجع العیله
تره انه امزامطه بالیعدل المیله
علی العایل صحتله رایحه اشکیله

{{یزماط الحد // عالو بینه}}
ـــــــــــــ ـــــــــــــ
زلم والخیل رکضت کلها هداده
یگولون الهواشم بالخلی اوساده
ابطرگ الچف تعال ادریهه سداده

{{ وبچفک // طشر العیاله}}
ـــــــــــــ ـــــــــــــ
تعال اعله الخیم فزعوا فرد فرعه
صهیل الخیل  یا عباس متسمعه؟
حسینک والحوافر کسرن ظلعه

{{تشیّم //غمان اعلینه}}
ـــــــــــــ ـــــــــــــ
واحد صاح بیهم هدوا علیهن
احرگوهن خیمهن نام والیهن
راس الزماطهن عباس جافیهن

{{ ماصدگ // نایم بالهیمه}}
ـــــــــــــ ـــــــــــــ
شلون اتنام یمخرس الزلم کلهه
چا خویه ابختمن خوتي اتفلهه
احمول المایله چا بیمن اعدلهه

{{واخلافه // انعدیهه العیله}}
ـــــــــــــ ـــــــــــــ
تمت بعون الله تعالی
کلمات یاسمین الشموسي
نسالکم الدعاء للفرج عن اخي



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 09:05:18 لطميه للأم بثواب الزهراء ؏ { يا كحيله }


ويا كحيله ضيعت ملگاهه
الدار وحشه ومضلمه أبلياهه
❥━──➸➽❥ ❥━──➸➽❥
للنجف يا ناس شالت ماترد
ويا فگدهه اليوم كل حيلي يهد
الربت أبنيتي أبحضنهه والولد
ويا حلاته من يمر طرواهه
❥━──➸➽❥ ❥━──➸➽❥
أشلون عافتني ومشت للمگبره
ونار فرگاهه أبدليلي مسعره
وأشتريهه بروحي لو بس تنشره
الحلوه عشرتهه صعب أنساهه
❥━──➸➽❥ ❥━──➸➽❥
راحت أويه أم الهله عافيتي
ومن عگبهه بالغرب تاليتي
أمنيتي ترجع ما تروح أمنيتي
وما ردت وياي أنه فرگاهه
❥━──➸➽❥ ❥━──➸➽❥
أفراگهه صعبه علي ما أريده
ويا حسافه أتصير عني أبعيده
أو يا جرح گلبي بعد شيهيده
وبالگبر ردت أنه أنام وياهه
❥━──➸➽❥ ❥━──➸➽❥
بس صورهه أمعلگه يا ويلي
أو هدمتلي من مشت كل حيلي
يم المحنه أشويه متريضيلي
والروح حزنانه أو كثر بلواهه
❥━──➸➽❥ ❥━──➸➽❥

*لخادمة الأمام الحسين 《ع》*
*الشاعرة نشوان الكناني*
*غير مبرء الذمة كل من يتلاعب بلقصيدة*

الثلاثاء / ١٥ من شهر ذي الحجة
الموافق / ٢٠٢٣/٧/٤


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 09:04:13
قصيدة للابو

شلع گلبي.. جنازك يمهيوب
ببوي اتريد وين تروح ياصوب


شلع گلبي وعماني بيوم شالاك
مايرضى يبويه اتعاتب وياك
يدريون صحت رچبني وياك

دفانه شوخذني وياكم


دفانه واهيل اترابه بهداي
واوسع حفرته وانه الارش ماي
و اصيحن راده ماترد وياي

فشلانه .....ياردة بتك


فشلانه اردن بويه للدار
ماكو من الابو لارجعه لا اخبار
شماله البين ياخذ بس الاخيار

ابعد عنهم ...ذوله الهيبه


هنا يابيين ذوله اهل الحميه
خليهم ستر خيمه اليه
عگب اعيونهم اصفك بديه

اعله الهامه....وعليهم الطم


يم راسك يوالي اكعد . الليله
لبيتك جيتي صارت ثگيله
جدامي من التعب بويه انحيله

ماطب البيت....ولااريده


تمت بعون الله وتوفيقه

#الشاعرة_أم_ذوالفقار_إسراء_اللامي



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 08:56:35 #النعي_بديوان_أئمة_الهدى_الجزء_٦_.


نعي للرضيع عليه السلام


شنهوه ذنبك يذبحونك
شربت اميه مينطونك
عطشان يمه انخطف لونك
❥━──➸➽❥ ❥━──➸➽❥
يبجي الرضيع ايريدله الماي
انوحن وكلهه تنوح وياي
وامنين اجتني امصيبتي هاي
ميدري اظن عمك الرواي
❥━──➸➽❥ ❥━──➸➽❥
اصد للمهد خالي بعيني
زودت يوليدي ونيني
جا شنهو ذنبك يا جنيني
❥━──➸➽❥ ❥━──➸➽❥
يمه يعبدالله اشبديه
واتريد من عندي اميه
بعينك تصد يمه عليه
❥━──➸➽❥ ❥━──➸➽❥
شابح عيونه اليوم عطشان
شنهوه ذنبك يلولد جان
خليت كلبي ليش حيران
طول العمر لكضيه بلاحزان
❥━──➸➽❥ ❥━──➸➽❥
شنهو الذنب يلولد منك
اسهام العده يمه اذبحنك
ابنص المهد واسمعت ونك
ليش الليالي حاربنك
❥━──➸➽❥ ❥━──➸➽❥
اصد للمهد خالي اشوفه
ووليدي هل يبسن جفوفه
يلعافني وشلون اعوفه
❥━──➸➽❥ ❥━──➸➽❥
عمرك سنه لا ما تعده
التربان عد راسك مخده
شنهوه ذنب الطفل عنده
يلما الك للمهد رده
❥━──➸➽❥ ❥━──➸➽❥
يلرضع امنلدنيه حرمك
يمه العده ليش ذبحوك
اسهام ابدال الماي يسكوك
❥━──➸➽❥ ❥━──➸➽❥
ذبحوك ليش اعداك يبني
يمن ريت ذباحك ذبحني
هل جرح كلبي زاد حزني
❥━──➸➽❥ ❥━──➸➽❥

*تـــمت والـــــفضـــ ـــل لله تعالى*
*بقلم الشاعره أم محمد الكناني*
*صاحبه ديوان أقل الوفاء في مصائب كربلاء*
* لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام *


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 08:56:07 لطميه فزاعيه للرضيع (ع)
من ديوان أرض الحتوف ج٢
❥❈┉┉┅━━❀❀━━┉┉❥❈┉
اسم الله على الولد من طاري الغياب
زغيرون وترف يتوسد اتراب
❥❈┉┉┅━━❀❀━━┉┉❥❈┉
بعده ازغير مو مالت لحد ويل
يحتاج لحناني ودرتي حيل
شلون شلون لو جلجل اجه الليل
اخاف على الولد من الهوه الهاب
❥❈┉┉┅━━❀❀━━┉┉❥❈┉
نوم المكبره مو مال رضعان
عبدالله زغير يحن للاحضان
اون عليه ومني الحيل خلصان
كلبي لفركته ياناس عطاب
❥❈┉┉┅━━❀❀━━┉┉❥❈┉
ينام شلون من سوده عليه
رضيعي ومهجتي يروح من اديه
تشب ناري على وليدي سريه
مجروح الكلب ينزف فلاطاب
❥❈┉┉┅━━❀❀━━┉┉❥❈┉
افز بالليل صوت ابني اسمعه
اذوبن واحترك جن حال شمعه
بعد هيهات انه لحضني ارجعه
اون اعليه ودمع العين سجاب
❥❈┉┉┅━━❀❀━━┉┉❥❈┉
شلون اصبر واعيش بدونه اشلون
وتغمض اعليه وتطبك الجفون
ايَ فراكه عليه موش بالهون
نحل عظمي بغيابه وراسي لن شاب


بقلم خادمة أهل البيت الشاعرة أم عباس السكيني


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 08:54:31 قصيده/بحق العباس (ع)
طور جنوبي +هوسات
صولاته حربيه
بقلم؛؛ام علي المالكي


تعرفونه صعب صولاته حربيه
هذا بن الصميده اربات بدويه
______
لوطب الحرب يرسم نياشينه
كلها تنهزم يربات حامينه
شحده اليوصل الزينب وابو سكينه

(يعرفوها/هدات النشمي )
تعرفونه صعب صولاته حربيه
______
يطگ ابروسهم ويگول هذا انه
كلها طافرت شوف السبع جانه
بالميدان لازم رشمة احصانه

(يهوس بالطف /عباس الهيبه)
تعرفونه صعب هدات حربيه
______
من نص الخيم صاحت المهيوبه
عنوانه الشجاعه وخاضها حروبه
بطگ السيف محد حافظ ادروبه

(والسيف يطگ //يعرف
زوده )
تعرفونه صعب هدات حربيه
______
زوده ماخذه من عالي الشان
والتاريخ يشهد كتب عنوان
كلمن گابله يخليله نيشان

(تتطافر منه//الخياله)
تعرفونه صعب هداته حربيه
______
زينب شالت الرايه وتهوسله
تقره اية الكرسي وتعوذله
وجبرائيل من السما يكبر له

ابخزراته//هزمها النشمي
تعرفونه صعب هداته حربيه
_____تمت


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 08:53:39 فزاعيه لولاد مسلم ع


راحو من اديه اثنين
وين الي يدورهم


من الخيل مهزومين
بيد عدانه ملزومين
لاعباس لا لحسين
وابن زياد لازمهم


وين اليحمي لطفالي
يكوم الحيد حسبالي
صفه بالظيم ياحالي
الطاغي بسجنه عذبهم


بيوم الهجمو وهدوا
اطفال اثنين من ركضوا
ضاعو مني ماردوا
احن وابجي اريدنهم


شردو من اجتني الخيل
ظلمه وهندس بهاليل
ونتهم تهد الحيل
ماكو كل خبر منهم


كلمن خربت ارسومه
ضاعو مني بالحومه
حسين وتنزف ادمومه
الكافر بيده ذابحهم


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاحد2023/7/9
٢٠ذوالحجه سنة هجري١٤٤٤نسالكم الدعاء
لي والوالدي اللهم عجل لوليك الفرج

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 08:53:17 الطميه لولادمسلم عليهم السلام


افز بالليل مالكه الزغيرون
اظن يمه الولد بالكاع مدفون


افز باليل هم خالي بجانه
زغيرون الولد هالودعانه
ليش عالترب نام ونسانه
شلون بهاي خيبه هالظنون


شايل من وكت ياوسفه لوليد
مغرب ياحسافه ودربه ابعيد
جتاله بعد من عنده شيريد
وتجري دموم لمصابه هالعيون


مدفون الولد صورته كبالي
مدري وين رايح يادلالي
غريبه بلا ولي محد بقالي
جاوين الاهل اليه ويكعدون


مالوم الكلب هالتجري الدموع
ضايع يالولد هم حيل مفجوع
كلب امه عليه خلصان مشلوع
ومن اذكر رباه وشيل المتون


مايدري طهر يومه كظاني
ريت الموت وبداله خذاني
ميت عالنهر وخلافه عاني
عليه يوم الولد جتال ميهون


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه 2023/7/7
١٨ذوالحجه سنة هجري١٤٤٤نسالكم الدعاء
لي والوالدي اللهم عجل لوليك الفرج

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come