قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-11 13:42:38 محرم2023

مو للعـرس اشعل شمع
صينـيتك انترست دمع
يبني يجسام

°°°°°°°°°°°°°°°°°°°
للموت صارت زفتك وشعل شمع بمصابك
نيران گلبي اموجره شيطفي جمر اغيابك
ينطــــيك گلبك تبتعد وتعوف كل احبابك
عمك رجع محني الظهر للخيمه لمن جابك

ماادري عرسـك نايحه
وبيض الهنادي ملوحه
يبني يجسام
°°°°°°°°°°°°°°°°°°°°

هدمت حيلي بروحتك يبني وتغير حالي
وبعيـني ضلمت دينـتي لمن غبت يهلالي
ممرود گلبي مـن الالم كلش عزيز وغالي
مـو مال ازتك للحــــد ردتك تضل اگبالي

بغيــــــــــابك اليله بشهر
كفت اعيوني امن السهر
يبني يجسام
°°°°°°°°°°°°°°°°°°°°°°

قدمت اعظم تضحيه من دافعت عن عمك
ولمن اجاك المصرعك خضب لحيته ابدمك
ضل لازم اصفاحه ويون صب المدامع يمك
مـن الطعن سالم ابد ماضل مكان ابجسمك

بعدك شسوي بالعمر
لويمي طولك مايمر
يبني يجسام
°°°°°°°°°°°°°°°°°°°°°°

جانت تسرني شوفتك وتباها بيك هوايه
تذكرني بيام الحســـن لوشلت بيدك رايه
يم الفرات استشهدت بس ماضگت من مايه
ياحيرتي الما تنوصف من عندي راحت ثايه

بالدنيه من بعدك شلي
همـــــك ابد ما ينجلي
يبني يجسام
°°°°°°°°°°°°°°°°°°°°°°

كل حلم وياك انتهى اســـباب فگدك توحـي
مجروحه ونتظرك ترد بيدك تضمد اجروحي
جســام ياريع العمــر مايهــده بعــدك نوحي
وياك ياريت اندفن يالعنــدي اعز من روحي

يالكاشخ ابثوب العشگ
ماچنـت احسب نفترگ
يبني يجسام

°°°°°°°°°°°°°°°°°°°°°°

الخادم
كامل السعيدي Aprire / Come

2023-07-11 13:42:37 محرم 2023
قصيدة الانصار

لوكملت من صـــــلاتك
هد بينه ولقِي بعصاتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°°

لبيك ياضــــــنوة علي وسيد شباب الساده
هد بينه وكت الموزمه وهاي الرگب سداده

نصبح الك ســـــور اوطن
ونحـــــــارب اوياك الفتن
لجلك ندوس اعله المحن ـ يحسين تدرينه

وكت العسر نصبح يسر
بينه يبو سكينه افتـخر
بسيوفنه انجيب النصر ـ ونبث عناوينه

نقسملك احنه بغلاتك
انصـــــير ماي البناتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

الليل نتخـــذه جَمَل وتريــــــــد منه نعوفك
انضيع من دونك ترى وانته النجاة انشوفك

ماجينه حتى انرد ترى
ونعوفــك انته ابنينوى
انموت كل احنه ســـوه ـ هالشرف شارينه

نحمي خيام العايله
نفديك يابو المرجله
ضعن العقيله اندللـه ـ وندلل اسكينه

گــــدامك ايرف علمنه
بالطف نشوفك هممنه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°

يحسين تامرنه امر والكلمه هاي اسمعها
گدام رجلك سيــدي روس الزلم نگطعها

خصمك وحقك بس عدد
محد يظاهيــــــــــنه ابد
كل جيشهم يصــبح بدد ـ ونزلزل اصفوفه

نسحگ على الموت ابعزم
نهــــزم وبـــــد ماننــــهزم
ونكس اركــاب الزلــــــــم ـ صولتنه معروفه

يحسين حگك علينه
انجيب نصرك بدينه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°


عمرين لوعدنه الك يحسين رخصناهن
وراياتنه ابعلو النجم بالحومه عليناهن

هبّت صـــــــورامنه عصف
چن ريح صرصر من نصف
برواحــــهم نخطف خطف ـ كل العزم بينه

بالجيـــش حَلّت ضغبره
مدهوش بالصـار اوجره
خيــول ورجال امطشره ـ بالحومه خلينه

واحدنه روح البساله
وتحـــيْر اميه ابنزاله
لبيك اباعبدالله
لبيك اباعبدالله
°°°°°°°°°°°°°°°°°°°°°°°

اصدورنه ادروع الخيم ونرد سهام العسكر
ويـاك حـد آخــر نفس وفـايه يابو الاكــــبر

بصدورنه نلاگي السهم
نطلع علم يســـبگ علم
لجل الشرف نهتف نعم ـ صرختنه ثوريه

كل طاغي لجلك ينسحگ
نرســــم الك لوحة عشگ
مثل الهوه انته وتنشــهگ ـ يحسين بالريه

متحزمين الغــياره
ننتـضر منك اشاره
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

الخادم
كامل السعيدي Aprire / Come

2023-07-11 13:42:36 محرم 2023
وصية ام البنين ع

يا يمه يا عبــاس .. بحســــين اوصيك
بالشده شدله احزام .. خل يفتخر بيك
صير صير سور اعله الخيم صير
°°°°°°°°°°°°°°°°°°° 

يا عبـــــــــاس برباي ارد احلفنك
گمر وتهل اگبال حســين اريدنك
تحشمك غيرتك مو انه احشمنك
شهم متعوف اخيك يبني عرفنك

رايدتك اتضل دوم ــ للخوه وفاي
يايمه گبل حسين ــ لاتشرب الماي
صير صير سور اعله الخيم صير
°°°°°°°°°°°°°°°°°°°°°°°°°

وصيتي ابزينب المحـد مشاهدها
صـيرلها ذره وعنها الشمس صدها
يالدگيت صـــــدرك غيرك شعدها
اوفي ابكل وعـــد لمن تواعــــدها

لخيمته روح ازحوف ـ لمـن تنــاديك
بالطف يبو الكلفات ـ خل تفتخر بيك
صير صير سور اعله الخيم صير
°°°°°°°°°°°°°°°°°°°°°°°

لو صـــاحت كفيلي الجــــابني وينه
حافي اركض ييمه الخيمت اسكينه
گلهـــا ادللـي شـــــــنهو التريــــدينه
عمــچ مايردلچ طلـــب تدريــــــــنه

لمن تطلـــبك ماي ـ جيب النهر گود
لاتبطي عنها بهاي ـ لوطــاحن زنود
صير صير سور اعله الخيم صير
°°°°°°°°°°°°°°°°°°°°°°°°

بالطف اربعتـــكم يبني تفـــــــدونه
ومــــــن اربع جهات انتم تحطيونه
اجــه يوم الوفـــــه ولازم توفـــونه
ابنص اگلوبكم واجــب اتخـــــلونه

افرشله روحك دوم ـ من يمشي عالگاع
ما ريدن يگـــــولون ــ بيـك التعب ضاع
صير صير سور اعله الخيم صير
°°°°°°°°°°°°°°°°°°°°°

دون حســين روحك لطعن خلهه
بدمك هالمــواقف يبني ســجلهه
عل راســك اوروس اعداك نزلهه
خل الزلم كون اتخاف من ضلهه

زلزل صفوف اعداك ـ وتحزم احزام
وتبختر اعله الجيش ـ ضل ارفع الهام
صير صير سور اعله الخيم صير
°°°°°°°°°°°°°°°°°°°°°°

الخادم
كامل السعيدي Aprire / Come

2023-07-11 13:42:23 محرم 2023
حميده بنت مسلم


الطول غيبته ايجيب الغنايم
وانته طــــولت بالگــــبر نايم
يمـــــته اترد عليه
يالرحت امن اديه  ـ يمسلم
°°°°°°°°°°°°°°°°°°°°°°°°°°

الك يشتاگ گلبي اهواي
الورد يتريه جاري الماي
بعيد وصورتك بالعين…
بخيالك عايش انته اوياي

يهلال الفرح ليش غايب وانه اعاني
فراگك شيب الراس يتمـني وعماني
اتاني وانته ماجيت لا طارش لفاني
بويه وجـــمر فرگاك ما يبـــرد ثواني

نومك بالگـــــبر موش ابمحله
رحلت موتك والله ادهه رحله
منك ماكو جــــــيه
يالرحت امـن اديه  ـ يمسلم
°°°°°°°°°°°°°°°°°°°°°°°°°°

بعد صعبه استــــــلذ ابنوم
الوسن ماشاف عيني بيوم
انتــه راحــتي ابدنياي…..
رحت والگلب ضل ملچوم

ينفعني العمر بيش ميته اوياك ودي
شمحله الموته وياك وتمـدد ابلحدي
من اشرحلك الحال من ياجرح ابدي
سهم الهجر چتال وتوســط ابچبدي

ضل يبچي الصخر دم اعله حالي
راحـــت ذيــچ گعــــــدات الليالي
الموت ارحــم أليه
يالرحت امن اديه  ـ يمسلم
°°°°°°°°°°°°°°°°°°°°°°°°°°

غايب يا عمـــــــود البيت
بحميده ابنيتك اشخليت
يمسلم بويه من بعدك…
يتيمه ابلا ابو ضـــــليت

رحت وصــعبه انســـــــاك وتحمل الفرگه
سنيني يخلصن وياك نوح وبچي وحرگه
غرگانه ابحر شــــــــــــوگ وتأملك شهگه
حضني اعليك ملهوف حن ويريد شـبگه

يالعايفـــــني ورگـه والزمـــــن ريــح
دمعي اعله الوجن مثل النده ايطيح
رد ونضل ســويه
يالرحت امن اديه  ـ يمسلم
°°°°°°°°°°°°°°°°°°°°°°°°°°

شجره آنه ويبس عودي
ودمعي امفطر اخدودي
طفح بركان صبري اعليك…
وطلب عون معبــــودي


عطشانه اعله ملگاك يالظهري حنيته
گلبي بشوفتك ليش ماجيت ورويته
ضاگت بيه دنياي طــــــولك مالگيته
ماخففلي اي نار كل دمعي البجـــيته

انتظرك يبــويه ولازمه الباب
يدمي ناضري امناطر الغياب
شدهتـــني الرزيه
يالرحت امن اديه  ـ يمسلم
°°°°°°°°°°°°°°°°°°°°°°°°°°

اسولف بيك وتحـــلم
تضعضع حيلي وتهدم
مكسورة گلب بعدك
مـــن فرگاك ما اسلم

بروحي اتهيج الاشواگ يتفايض حنيني
مــنك بويه ياريت بس طيفك يجـــيني
يخـــلص ليلي حســــبات وتسله بونيني
يامـــن تارس العـــــين رد لا تطفه عيني

مهجت روحي انته وسر حياتي
بمـــوتك ودعـــــت كل امنياتي
شــــوف اصار بيه
يالرحت امن اديه  ـ يمسلم
°°°°°°°°°°°°°°°°°°°°°°°°°°

الخادم
كامل السعيدي Aprire / Come

2023-07-11 13:42:09 فاطمة العليله (محرم1445)

كل البــنات اويه الابو  گعدن يلعبن
بس انه دمعـاتي على  خدي يصبن
يگولن.  هاي الماخـذوها
يگولن.  ماموجود ابوها
كل البنات
°°°°°°°°°°°°°°°°°°°°°°°°°

خيــــعون الابوهـا اويـاها ليليه
ويضمها اعله صدره الكله حنيه
الابو مثل الدعاء لوجبنه طاريه
خيمه وتســــتراح التگعد ابفيه

يوجعني گلبي اشما شفت اب وي بناته
چا ماخـــــذاني والدي اويه امــــدللاته
انوحن ـ  روحـي عـذبوها
انوحن ـ  والونه اسمعوها
كل البنات
°°°°°°°°°°°°°°°°°°°°°

اذا عـن الدلال ايســــولفن يمي
اذكـــر لمت اهلي اوالدي وعمي
يخلص ليلي بالون وغرگ بهمي
ليليه عليهم يحــــــــــترگ دمي

ياطفله مثلي اتعــــــذبت بفراگ اهلها
ومن شوفت عزاز الگلب گطعت املها
تناطر .. لكن ما اجــوها
تناطر .. بالدار اتركــوها
كل البنات
°°°°°°°°°°°°°°°°°°°°°

يجن يمي ويســـــألن عن اخياتي
وتكــبر حســـــرتي وتزيد لوعاتي
گلبـــي ايذوب امن اذكر عزيزاتي
ماضن طفله عاشت نص معاناتي

كل غايب الاهله رجـع بس انه أتاني
لارد ضعـــنهم لاخـــــبر منهم اجاني
يوحــشة .. داري المــا لفوها
بالاحزان .. مــن راحو ملوها
كل البنات
°°°°°°°°°°°°°°°°°°°°°°°

ما اطلــــــع والعب وي البحـــــلي
ماضل عندي واهس فارگت خلي
ارد مــــــن يستقر بينه الامر گلي
ولحد هسه ولا مرســـــال واصلي

ماادري شنهو العطله مرسال الاحباب
ضلـيت اركض عالهـوه لو حـرك الباب
يروحي .. حنت عل جفوها
يروحي .. كلش مرمــــروها
كل البنات
°°°°°°°°°°°°°°°°°°°°°

جفو نور البصـــر والدنيه خذلتني
على جمرة هجرهم امشي خلتني
تضعضع حيلي والحسبات سلتني
ومن كثــــر البواچي الناس ملتني

اتحير دليلي ونهظم عگب العزيزين
لايمي زينب لاعلي لا والدي حسين
بالوداع .. روحي حيروها
بالوداع .. عله چملـــــوها
كل البنات
°°°°°°°°°°°°°°°°°°

الخادم
كامل السعيدي Aprire / Come

2023-07-11 09:44:45 ماضل بس جم يوم

مرتضى حرب

استعدوا لشهر محرم Aprire / Come

2023-07-11 09:44:21 من هسه گلبي انعاب او رفت العين
حتي الورد حزنان لمصاب الحسين

ام محمود الصليحاوي Aprire / Come

2023-07-11 09:35:59 الدمعـه الزينبـيـه:
لسان حال السيده زينب
::تخاطب الأمام زين العابدين

أجيتك يخويه ابگلب مالوم
شفتک تون ماتگدر اتگوم
جروحک چثیره وتنزف ادموم
وسهم البگلبک چنه مسموم

فأجابها::
گلهه یزینب یا حزینه
جرح الگلب لا تلچمینه
عصابتچ لو تشدینه
لو دوه یحصل تداوینه

فأجابته::

تگله یخویه ومای عینای
والله ابیتنه ما ینوجد مای
یخویه امردت گلبی یرجوای
لوگف وفییلک ابهدمای

السیده زینب تخاطب العباس ::

یعباس یلکافل دلالی
یصعب علی رکب العوالی
وضعن الحریم ایرید والی
أنه الماشایف احد اخیالی
تالی الغرب تشمت ابحالی
چانت گبل تطلب  انوالی


ملا عاشور الصيداوي


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-11 09:34:13 #حصري_من_سلاطين_الحومه_الجزء-الثاني


هوسات للامام الحسين ع


طلعي من الخيم يم عون كالو طاح ابو اليمه
جاب اعلوم هلميمون وجاب اثــار من دمـــه
ياهـو الحضــر ذبح حسين وياهو الڪعد يمه
حسيــن اتنڪطر / طلــعي من الخيـــمـــــــه


صدك طايح يبـو السجاد نايــم فوك الاتـراب
اسمع ونــه من ابعيــــٓد وبيها الكــــلــب ذاب
امن العطش ون حسين مــوش من الاصواب
مـــن والينــــــــــــه/ يـــاشمـــر ابــعـــــــــــد


ولك ملعــون بالك توصل وتكرب لبو سكينـــه
بعــدنه بعـازتــه وبعــــدنه اويـــاه متوادعينــه
اريـــد اوصــل لعــد يمه وبيدي اســـد عينــــه
مـــاخلـــونــــي / اوصـــــل لــحسيــــــــــــــن



مــاخلتني العــدوان ابن امـــي اشـــــوفنـــه
حرت مابين حرك الخـيم وحرت بهاي الونه
يـون حسين وضـلوعــه يحبـابه يلجمنـــــــه
خيل وعسكــــــر  / داســـن بضــــلـــوعــــــه


لعبت فـوك صـدر الــولـي اشكــر الاخيـــــول
ماعدهم رحــم هلكـــوم ومابيـــهم يــــكــول
ابن الزجيــه وابن حيــدر وريحــانة الــرسول
مـــا هــابــوهـــــم / الـــــكــوم اهـــــــــــلــك


تمت بعون الله
بقلم الشاعره زينب المالكي
(ام ادم الزهرائية)


غير مبري الذمه اليمسح الاسم او يتلاعب بلقصيده

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-11 09:32:44 قصـيده فـاتحـه للسـيده زينب ع

❥❥ـــــــــــــ❁❂❁ـــــــــــــ❥❥

ثـلث ايام نصبت فاتحه ام عـون
تقــره بالخرابـــه ودك الامـتـون

❥❥ـــــــــــــ❁❂❁ـــــــــــــ❥❥

ثـلــث ايـام تــقــره بالخرابـات
نصبت فاتحه وسوت خميسات
بس هيــه تــون ماكو امعزيـات
ســـوتلـك عـزه بـين اليكرهـون

❥❥ـــــــــــــ❁❂❁ـــــــــــــ❥❥

اليوم احزام شــدت ولطم حيل
والعدوان ذبحو نجمـه اسهـيـل
قــران العرب داســوه بالخـيـل
اخوتي اسباع يالبيهـم يحلفـون

❥❥ـــــــــــــ❁❂❁ـــــــــــــ❥❥

لا نسوان زينــب هـيــه ملايــه
تكلهن يالحـرم شو ونن اويـايـه
تـون امحزمه والطمـه بهدايــه
كــون الفـاتحـه بيـها يعـزبـون

❥❥ـــــــــــــ❁❂❁ـــــــــــــ❥❥

صاحت يخوتي شنطي ثوابـات
ما ضلن خـيــم بس العبايـات
ثواب رواحكم يبن امي دمعات
لا خلـــو دمــع لا خـلو عيــون

❥❥ـــــــــــــ❁❂❁ـــــــــــــ❥❥

هاي الفاتحه خلصـت يلاحنان
فواتحكم تضل سـنين عنــوان
لهل المرجله والمات عطشـان
بس عدوان بيــنه ما يـرحـمون

❥❥ـــــــــــــ❁❂❁ـــــــــــــ❥❥

تــــمت بقــــ لم خادمه أهل البيت عليهم السلام

الشـــاعره الكبيره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come