قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-12 09:37:24 #محرم_الحرام١٤٤٥ه‍
#نعي_لهلال_شهر_محرم


يهلال النوايب عسى لاجيت
شفت منك هظم وأهات لاجيت
بكثر ما روح عبد الله لاجت
روحي بطلعتك جتهه المنيــة

━─━────༺༻────━─━

يهلال عاشور أنوحن وأنتحب يهلال عاشور..
ماخذلي البدور مكسور الظهر ماخذلي البدور..
والمدمع يفور لحسين وهله والمدمع يفور..


غصة بدليلي من هليت والغصة بدليلي..
مهدوم حيلي على أحبابي المشو مهدوم حيلي..
مانام ليلي عــيوني مـساهرة ومانام ليلي..


من شفتك تلوح أتذكرت الخيم من شفتك تلوح..
كل غالي مذبوح حسين وكافلي وكل غالي مذبوح..
مهظومة ياروح على الصار وجرى مهظومة ياروح..

مكسور ظهري على آحبابي المشو مكسور ظهري..
مارحـــم دهري بيه مارحم ظالم يدهري..
شيجبرة كسري آنه مفارك نَفس شيجبرة كسري..

━─━────༺༻────━─━

هليت والأكوان صارت مظلمة..
ناحت حزن الأملاك تنعى ولاطمة..
نصبت عزة بهل اليوم أمنه فاطمة..
نشرت قميص حسين مخضوب بدمة..

هل هلال حزني وزاد الونين..
أنحب للكفل وأبجي عله حسين..
نامو بالترب أهلي مطاعين..

شمالك ياشهر عذبت حالي..
بس هم وگدر منك جرالي..
تروح وتنفكد بيك الغوالي..

شفتك ياشهر وأنخطف لوني..
بجيتك ينكلب كل هذا كوني..
أصدلك من دمـة هلن أعيوني..


آنه زينب والحزن عنواني..
نزف دمعي دمة بطيحة أخواني..
شفتك بالسمه ومدري شجاني..

━─━────༺༻────━─━

تمــت بعون اللــه..

آلّشآعرهً آلــــّعــلّويِـــه آلّمٌوسويِــــۿ
لاإجيــــز حذف الأسم


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-12 09:37:02 ❁•• موشح لهلال محرم الحرام ••❁

الزهره كون الليله الله يعينهه
هل عليهه هلال ذبح حسينهه
'''''''''''''''''''''''''''''''''''''''''''''''''''''''''''''''''''''''''

الليله هل اعليهه عاشور الذبح
بالسمه وانلچم عدهه اشچم جرح
چنّه راس وليدهه الفوگ الرمح
ضجت املاك السمه اعله اونينهه

#ام_محمد_الحجاج
• ━━━━━━ ❁ ━━━━━━ •

تنادي يبني ولازمه اصواب الضلع
استقبلت شهر المصايب بالدمع
تلطم شلون وصدرها المنوجع
وشافت هلال المصيبه بعينهه

#ام_محمد_الحجاج
• ━━━━━━ ❁ ━━━━━━ •

هل محرم والدمع من فاطمة
الليله راس حسين تنعاه السمه
شفافه متفطرات ويلي من الضمه
الزهره ملچومة گلب ببنينهه

#ام_باقر_الشويلي
• ━━━━━━ ❁ ━━━━━━ •

صبت دموع الحزن من شافته
يعني زينب تنسبي لو فكدته
والكفيل يطيح هوة ورايته
لطمت الخدين ويه جبينهه

#آلّشآعرهً آلــــّ؏ــلّويِـــــه آلّمٌوسويِــــۿ
• ━━━━━━ ❁ ━━━━━━ •

گليبها اتصدع يويلي ام الحسَن
عالحُسين و عالحرم من ينسبَن
والمَلا اوياها يون لاجل المِحَن
شما نطينة نبقى مموفينهه

#ولائـية_وافتـخر (دعاء العامري)
• ━━━━━━ ❁ ━━━━━━ •

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-12 09:36:38 قصيده شور لهلال محرم

لوعاشور هل وهلّت ايامه
كون الساده ماتلبس العمامه


احتراماً للحسين اعمامته الخضره
تقديسا لان ضلت عله الغبره
حرت اشلون اوصف محنته واقره
وراسه عالرماح تشيله ضلاّمه


كون الساده ماتلبس خواجيهه
ابو السجاد مسلوب اعله ذاريهه
حته ابنيته ماسلمت تراجيهه
تاهت بالبراري تضيع كداامه


كون الساده تتحزم تدك اصدور
عله جدهم الحيد الفرهده عاشور
لطمه علصدر وشمحله لطم الشور
كون الصدر لجله تكسرّ اعضامه


كون الساده تحضر بالحسينيات
تتطين لجدهه وتجهر الونات
وتعين العقيله ومشن مسبياات
وتلطم للكفيل وتدك عالهامه


كون الساده تطبر راسهه وتفخر
وفاءاً للشباب والعلي الاكبر
الضل جسمه عله التربان المطبرر
والجسام يوم الصابته اسهامه


تمت بقلم خادمه اهل البيت ع
ام زهراء الفااطميه
اسالكم الدعاء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-12 09:35:58 #محرم_الحرام١٤٤٥ه‍
#لطمية_لهلال_محرم


بين هلال الحزن.. والچفن دامي الچفن
ياثكل همي وحنيني ويا عذابي..
مارجع بس صوت الأحزان لجوابي..

ـــ❀••❀ـــ❀••❀ـــ❀••❀ـــ❀••❀

الليلــة أول ليلة لــهلالك وألآلآم
شفت بَخيال السمة نيران الخيام
أتذكرت ركضة خواتي ونوح الأيتام
نزف جرح الغاضرية وجفني مـــانام

مرت بعيني الصور والمدمع يسيل..
ألطم آعله المات أضرب راسي بالويل..

بين هلال الحزن.. بين هلال الحزن..

ـــ❀••❀ـــ❀••❀ـــ❀••❀ـــ❀••❀

آه يــاشهر الألــم بيك أصــعب جـروح
بيك جم واحد من أهلي بنحره مذبوح
ريت من شــالو أحبابي مــودعة الروح
عشت بالهم و المصايب مدمعي يلــوح

شنسى من الصار بيكم ياضوة العين..
نار تسري بنص دليلي جرحي بأثنين..

بين هلال الحزن.. بين هلال الحزن..

ـــ❀••❀ـــ❀••❀ـــ❀••❀ـــ❀••❀

مانسيتك لحظة يا طف النوايب
ناحلة وخلص دليلي من المصايب
عشت لوعات وألم شفت العجايب
فاركت بيك الأخو وكــل الحبايب

شابت الروح ودمة تنزفها الجفون..
من عكب طيحة هلي ما ظلت عيون..

بين هلال الحزن.. بين هلال الحزن..

ـــ❀••❀ـــ❀••❀ـــ❀••❀ـــ❀••❀

زجر وصياح وحرك وأحزان يهلال
بيك ودعت الأحبة ودمعي همال
بجيتك ينكسر ظهري تروح الأرجال
راح مني الجان شايل حمل الجبال

ذوبت گلب الزجية وتكسر ظهور..
جيت يهلال المناية هلال عاشور..

بين هلال الحزن.. بين هلال الحزن..

ـــ❀••❀ـــ❀••❀ـــ❀••❀ـــ❀••❀

آه يا جرح السبي مملي بالأشجان
أفترت آعلينه النوايب والدهر خان
عل الثرى ظلو ضحايا ابلاية أچفان
ولعبت الخيل أعله صدر حسين ميدان

كافلي من طاح ماظلتلي خيمة..
طيحتك ياأبا الفضل أكبر هظيمة..

بين هلال الحزن.. بين هلال الحزن..

ـــ❀••❀ـــ❀••❀ـــ❀••❀ـــ❀••❀

تمــت بعون اللــه..

آلّشآعرهً آلــــّعــلّويِـــه آلّمٌوسويِــــۿ
لاإجيــــز حذف الأسم



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-12 09:34:37 حصریا
قصیده لفقد الشباب
اهداء الی روح خال الملا مریم

ملتمین ــــ صبیان ویریدونه
ما ترهم الگعده مهدي ابدونه
ـــــــــــــــــــــــــــــــــــــــــــــــــــ
متعلمین کل لیله یگعدون
علیهم لایگه الونسه ویضحکون
یـم باب الگبر گعدوا یبچّون

{{یا مهدي اگعد // رد ویانه}}
ـــــــــــــــــــــــــــــــــــــــــــــــــــ
رد ویانه ما نسلک تره ابدونک
خوانک وکل ربعک یریدونک
یبو طول الحلو یا مهدي اشلونک

{{انون اعلیه // الیسوه الونه}}
ــــــــــــــــــــــــــــــــــــــــــ
اتسیر عل ربع صبیان لیلیه
چا یمن بعد تحصل الگعدیه
عساها ابذمت اتراب الغریریه

{{وفلوهه اخلافه الگعده }}
ـــــــــــــــــــــــــــــــــــــــــــــــــــــ
الصحبه خلصت واخلافه فلوهه
وبتراب النجف یم مهدي دفنوهه
منا ونتهت والعیشه کرهوهه

{{والموت اهون من افراگه}}
ـــــــــــــــــــــــــــــــــــــــــــ
ما نچهب ولا نگدر نصد بیته
بفراگک یمهدي الحیل رهنیته
خلصت روحي اخوي ابیوم دفنیته

{{وحزامي انفل//من دفنیته }}
ـــــــــــــــــــــــــــــــــــــــــــــــــــ
تمت بعون الله تعالی
کلمات یاسمین الشموسي
نسالکم الدعاء وقراءة الفاتحه الی روح الشاب مهدي خال الملا مریم



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-12 08:06:22 ❉❉❉❉❉❉❉﷽❉❉❉❉❉❉❉
لسـتة #دعم_العراق .
#التثبــيت_سـاعـه
#الحــــــــــذف
بـعـــد نشر اللسـتـةّ بـ٢  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك .
إرفع البوت ادمِن بقناتك : @Hashdawi5611_bot
وإرسل قناتك هُنا : @sayaddd
للمحظورين : @Alsayad123_bot
------------------------------------------------------

قناة الدعم
https://t.me/joinchat/AAAAAFLKOx5nRih2adM0UA Aprire / Come

2023-07-11 23:23:19 الرادود ستار الصالحي
باجر بالقبر جسمي ورادود
الله الرادني انحبه ورادود
وصرت خادم لبو اليمه ورادود
واضل انعه ذبيح الغاضريه

الشاعر الشيخ محسن الشمري Aprire / Come

2023-07-11 23:16:39 الشاعر رائد الناشي

الرادود ستار الصالحي Aprire / Come

2023-07-11 23:16:21 عالوجه كمنه نحط جفوفنه
للستر خاف الغريب يشوفنه
...
نوگ هزلة ومامش عليها غطه
والضعون يسوگ بيها ابن الخطه
وين حامي ضعونه اعلينه بطه
شلون بيد الما رحمنه يعوفنه
……
نمشي ممشه نياگهم مانستريح
نخاف خاف گبالهم وحدة تطيح
وانتم ابين الموذر والذبيح
خلص طفكم واحنا هاي اطفوفنه
………
ناس تضحك ناس تشتمنه وتروح
وناس ترمي حجار من فوگ السطوح
واحنا مابين المجتف والينوح
والسياط انطبعت اعلى چتوفنه
…………
بالنهار يصير مسراها الضعون
وعمده باوساط المدن بينه يجون
يساره واعلينه الخلگ يتفرجون
بلايه والي ونرتجف من خوفنه
…………
بلا غطة وشي حافيه وشي اعلى نوگ
والهزل چتالكم بيهن يسوك
عمده كل ما يضعن يمر اعلى سوگ
بلايه غيره وبالسواگ يطوفنه
………
مالهم نخوه ويضربون الاسير
وبالطبول الناس تتلگه المسير
طحنه بيد الماكو عدهم مايصير
وانولينه ولا غيور يروفنه
………
بالشتم والضرب گضينه الطريج
وحالنه يبچي العدو گبل الصديج
درب غربه ومامش ويانه رفيج
وتاكل احبال السبي بجفوفنه
…………
گبال باب الساعة وگفنه يزيد
مچتفين تشوفنه الوادم يريد
ويذبح بسجادكم طوگ الحديد
ويم هذاك الباب طال وگوفنه
…………
وما انسى شما طولت بيه السنين
شلون للمجلس دخلنه مربطين
يزيد سبنه وضحك مروان اللعين
وسلت الكوفة علينه سيوفنه
…………
يا آل هاشم ابد ما عالبال جان
يزيد بينه گبال مروان استهان
ويضرب شفاف السبط بالخيزران
وعاف ملتنه ونكر معروفنه

رائد الناشي

#اللهم_عجل_لوليك_الفرج Aprire / Come

2023-07-11 16:10:44 دعم قنوات دينيه فارس الحجاز




ــــــــــــــــــــــــــ
الدوله المهدويه
@satob_mn_ajl_al_mahde
ـــــــــــــــــــــــــ

الشجرة الطيبة
@T_O_Tjj
قصائد حسينية كتابة النساء فقط
@fffru1
طالبة حوزة
@nrjss_313
الشاعرة ام كرار الساعدي
@shrahpk
الحسين ع
@K_H_M313
تجمع الزهراء ع العاشورائي
@tajalzahraa1
تجمع الزهراء ع للموالد
@tajMawaledalathar
ام عراق الشمري
@kEc5VGVP81k2Nzgy
لبيك يا قائم ال محمد
@EAMAHDDE
ستوريات حسينية
@ppppfgggg
الشاعره الحاجه ام حسين العسكري
@Vvb313
قصص وعبر ...
@methakamad555
الدرر الشيعية
@wr6ip
الشاعره زينب المالكي
@moohamd9
قصائد قلم الولاء الحسيني
@kadimatAlmouhamad
الشاعرة العلويه الموسويه
@alweyaamosaweyarrrr2626
خدام الامام الحسين (ع)
@labaykahoussein
اسرار و خفایا من اهل البیت (ع)
@ssoammar
النعي و الرثاء لمجالس سيد الشهداء
@AL_Nay_and_Alrthaa
العشق الالاهیه
@ZAXLM
صوتيات الشيعه
@media313
ذكر الامام علي بن طالب (ع) عبادة
@qwpaslzmx
ال محمد وكفي
@m_mostafa313
قناة :(خواطر الوالهين)
@mohammadssadiq
أللهم عجل لوليك الفرج
@lmam1234567
اقترب من الله
@yousef_fatima
ارشاد القلوب
@shjgbbgdsju
مملكة دمعتي
@vbggfd
في سبيل الزهراء
@fatima313fatm
خادمة الزهراء ام حيدر
@aseel1278
معهد القرآن و العترة
@Kalamukumnnur
تصاميم دينيه
@hssnhssnn
الشاعر فالح العامري
@falehalameri
العارف يالله السيد القاضي ر ه
@gjjfkugkoyo
ستوريات حسينيه
@qato2
الشاعره الحسينيه دمع الفواطم
@tteef
شاعره العلويه ام حسام
@sdghjjjvcdgghhhhggfff
نعي ولطميات حسينيه
@ltmaeit
القران الكريم من النجف
@tilaawtmenalngf
قصائد وعد الكفيل
@heznashwor
القران و العتره
@Qra_com
بشارات ام البنين للختمات
@GYsvBXS8uEPA
منازل الآخره و المطالب الفاخرة
@manazel_ar
سفینة النجاة
@safenatalnajat
قصص علماء العرفانين
@alarfan
لقاء العاشقين
@jkhkll
قناة خادمة الزهراء (ع)
@fvyhbib
الشاعره ام مهدي الفرطوسيه
@alikerem
قناة دمع زينب للقصائد و الالحان
@eazinaab
قناة استمري
@Aistamri
قناة صراط الانتظار
@dfnnn
قناة أدعية آل البيت
@Azkar_alulbaiyt
قناة مهدي آل البيت
@Mahdi_Allbayt
قناة ثقافة آل البيت
@Thaqaft_alulbayt
قناة لااله الا الله
@imam313hussein
قناة ستوريات حسينيه
@rdawea
قناة فقه النساء
@fakhh1
قناة الياقوته الخضراء
@yaqotakhdraa
قناة أحاديث اهل البيت عليهم السلام
@bbbcgl
قناة لانجاة لنا الا بالظهور
@MulayMAHDl
قناة عطر الحروف
@Aklam_rakiya
قصص وعبر
@methakamad555
قناة حب الحسين يجمعنا
@ahobalhosseinyajmeauna
قناة كربلاء الحسين ع
@Karblaaalhusain
قناة قصاید نسائیة فقط
@ghsahdhossinyat
قناة مواليد مكتوبة
@ashaghalhosseinn
قناة الأبوذیة مكتوبة
@ashaghalhossein3
قناة الشاعر عزیز الفیصلي
@azizalfesli
قناة تلحين قصاید مکتوبه
@ashaghalhossein
قناة مثقفو آخرالزمان لتعجيل الفرج
@yaimahde313
قناة طريق الحسين نبض الحياة
@sheaAli
خادمة ام البنين ام محمد تقي
@KADMTAMALBNEN




#شروط_الدعم

غير مبري الذمه يخالف قوانين دعم
مدير القناة احذف لسته من بعد وقت مذكور
تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
تحذف البوت يحذف قناتك متحب تبقي بالدعم بلغ مدير الدعم
اوقات نشر ساعه 4 العصر و 10 مساء قنوات مقبوله من 500 متابع فما فوق
زياده مضمونه أن شاء الله ولذلك سوف يتم نشر قناة بشكل فردي كل يوم قناة لضمان الزياده لكم حسب تسلسلها باللسته

للاشتراك بدعم عبر معرف مثبت
@ansar_313_m

@satobmnbot



https://t.me/satob_mn_ajl_al_mahde Aprire / Come