2023-07-12 09:47:01
مربعه للأمام الحسين عليه السلام
اصوابك طاب لو بعدك تون منه
ماضل ماي عندي اشلون أبردنه
ما ضل ماي عندي ولا دوه البيه فود
اصوابك حار خويه والكلب ممرود
ادور اعليك كلي بياكتر موجود
بعد ما شوف دربي ولا أوجدنه
بعد ماشوف دربي وراح شوف العين
عميت امن النوايب والعمني اثنين
سهم الصوباك وفركتك يحسين
صعب يومك يخويه وماأريدنه
صعب يومك يبو السجاد ماردته
لو راح الاخو اتعيل الغرب بخته
مدري اشلون سهم البلكلب شفته
لا أكدر اعوفنه ولا أجرنه
سهم الصوبك دولاب دولبني
اجره اشلون خاف اتكول يلجمني
اون اعليك يبن امي ويخال ابني
من شفتك ذبيح انكطعت الضنه
من شفتك تون ضنس انكطع فد نوب
مسلوب وذبيح وعالوجه مكلوب
خويه حسين راسك بالحجر مصيوب
ما هي اعمامتك واشلون أشدنه
وين اعمامتك يحسين ماهيه
خذوها الكوم لو عالكاع مرميه
شحمل يا مصيبه ويا مهضميه
حرمه والهضم ما بيه احملنه
صعب خويه الهضم وايعور الدلال
يا ريتك عدل شفت الضعن من شال
واعيالك سبايه امرافكه الجتال
كلساع العدو بالسوط يضربنه
*تـــمت والـــــفضـــ ـــل لله تعالى*
*بقلم الشاعره أم هجران العمارجيه*
*صاحبه ديوان صبر العقيلة*
* لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ
110 views06:47