قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-25 14:27:44 #كتاب_شكر
شور

ياعباس جبت الماي لسكينه


اتشكرك حيل يالوفيت بوعودك
يالضحيت لجل احسين بزنودك
جبت الماي وترويت من جـودك
يالملگـــاك مثل الماي يرويـــــنه


عمي اتصيح فدوه انروح لعيونه
جـاب المـاي مـنه اهـواي ممنونه
والاطـفال فضـله اشلون ينسونه
نضمه وگام يمطـر ماي واليــــنه


الگالو دوم عــذب الماي ما جابه
هاي النــاس يالعــباس چــــذابه
چم عطشان جبت الماي يم بابه
وشاطي ايگوم ينبع بين چفينه


رادت ماي ونته اتريد ترضيها
زمزم فاض حدر اتراب رجليها
يالسگاي مو بالماي تسگيها
ابدمع العين سكنه اتگول يسگينه



زينب حــيل يا عبـاس تتشـــكر
الغالي اتگول وفه ودوم ماقصر
مــن انخاه ما فـد يوم يتعــــذر
ابكلمة صـار يلهج دوم حاديــنه


الخادم
كامل السعيدي Aprire / Come

2023-07-25 14:27:43 #صوت_الاطفال



يالســــگاي وين الماي
وعدك طال يالوفـــاي


وينك يا عباس ادركنه
وانته الوفاي
ضمئانين ابشده وننطر
من جودك ماي
جيب الشاطي ابكبره ابجودك
ما تصعب هاي
غيرك يالكافل ما عدنه
بيرق وفياي


يمته اتعود مالي الجود
منتظــريك يالوفـــاي


يالنايم مو وكت النومه
يالكافل عود
ورد اخيامك بعدك ذبل
رد وملي الجود
مانعرف خوف ولاننذل
كونك موجود
ياتربات الضيغم حيدر
يالكلك زود

انريد احماك شيل الواك
جينه اوياك يالوفـــاي


ترضه اسكينه اتهل دمعتهه
وتحشم بيك
وباب الخـــيمه المحـــترگه
ارقيه اتانيك
كل ضــنها اتعودلها ابمايك
ماتدري اشبيك
ما تدري ابعينك مصيوبه
وگطعو چفيك

يالمصـــيوب يالمسلوب
صعبه اتغيب يالوفـــاي


ويـنك جسم حســــين اتوذر
بسيوف اوفوس
وخيول الجيش اعله ظلوعه
ابكل قسوه ادوس
والضـــعن ألي ابزودك جبته
محمي ومحروس
تقبـــل يتســـلب بغيــــــابك
ومهبط الروس

اعداك اشلون بيه يمشون
تقـــــــبل هاي يالوفـــــاي


لوتدري ابعبدالله اخـــلافك
بيمن فطموه
ابسهم امثلث وسط المنحر
ضامي وذبحوه
بحضين حسـين ابلا رحمه
خصمك صابوه
ومه امتانيته وللخـــــــيمه
امخضب جابوه

اتون وتنـوح عالمذبوح
شوف الحال يالوفـــاي



الخادم
كامل السعيدي Aprire / Come

2023-07-25 14:27:42 يابالفضل صـوت الفواطـــم ناداك
زينب بقت وحــدهه وتريد احماك
*****

صوت المسبيات اينادي .. انهض يا راعي النوماس
اعداكم سلبونه وضربونه .. وصحنه ادخيلك ياعباس
ابلا والي اخلافك ضلينه .. وأذتنه اسياط الارجاس
مهيوبات ابضلك عشنه .. ابعزه ومرفوعات الراس

رحنه غصب عنك وبالطف عفناك
يابالفضل صــوت الفواطـم ناداك
*****

تقبل بت حيدر مچتوفه .. بحبال ومسبيه اتروح
ياكافلهه انضر حالتهه .. مكسورة خاطر وتنوح
شدت ونهه ايعثر الناگه .. ونت ونات المجروح
راحت وي چتال اخوتهه .. وعافتك بالطف مذبوح

لمن طحت هضمونه ياخويه اعداك
يابالفضل صــــوت الفواطـــم ناداك
***

سكنه اتحشمك يابوالغيره .. وتشكيلك مــن الچمات
ترضاهه اخلافك نتلوع .. عالذله وعالهضمه انبات
شوف السوط اسوه ابمتني .. وسلبو مني الترجيات
عمي انهض مو وكت النومه .. ما هزنك هل چلمات

لو يحصلنه ابكربله انموت اوياك
يابالفضل صــوت الفواطم ناداك
***

كم ثكله وكم طفله التصرخ .. من ظلم العسكر والجور
ليل الطف اظلم ويخوف .. ماعدهن غيرك ناطور
وزينب محتاره ابشدتها .. وخاطرهه اعليكم مكسور
گوم وادرك ضعن الخدر .. يامن چنت الضعنك سور

يابو الشيم زينب غريبه وتنخاك
يابالفضل صــوت الفواطم ناداك
*****

اطفالك كلهه امتانيتك .. وين اوعودك يالوفاي
عطشانين ونطرو جودك .. يمته اترويهم بالماي
ضنو ترجع وتفرحهم .. ويسئلون اعليك اهواي
لاتتركهم يا كافلهم .. ماعدهم بالطف افياي

حسره وألم يابو المراجل فرگاك
يابالفضل صــوت الفواطم ناداك
**

الخادم
كامل السعيدي Aprire / Come

2023-07-25 14:26:38 نزل سبع الگنطره وحطاب الرگاب
عاد خيــبر ولقلع بيها اثنعش باب
كله نخوه ومرجله
صوته شبه الزلزله
               حطاب الرگاب
     ـــــــــــــــــ ❁ ❁ ❁ ــــــــــــــــــ

بخيــبر الكرار مــن طب صــنع بيهه المعجـزات
وابو فاضـل منـه وراث همـــته وكل الصـــفات
ابكــربله ســـــوه العجـــائب كلمن يگربله مـات
مايطخ راسه ابوفاضل فقط بس وكت الصلات

ابعزمه طب للمعركه وصــدر قوانين
يموت گال الراد يگرب خيمة حسين
عـاد ابوه ابكربـله
صوته شبة الزلزله
            حطاب الرگاب
     ـــــــــــــــــ ❁ ❁ ❁ ــــــــــــــــــ

ابمدرسة حيـــدر نشأته ودارس افنون القتال
الگنطر شاهد عيـانه اتخاف من اسمه الرجال
اتشوفهه موحده يحارب من برز سيفين شال
واحـد ابچـفه يحمله اواحـــد ابچف الخـــيال

وده مرسال العظيده ويرتجز گام
ذوله شـبه موزلم خل زينب اتنام
وعـد تبقه امدللـه
صوته شبه الزلزله
               حطاب الرگاب
   ـــــــــــــــــ ❁ ❁ ❁ ــــــــــــــــــ

مـن تنخـت بيـه زينب شــاربه اهتـز ابزعـل
گلهه وعيــــــونج اذلهــم ذوله عبــادة هبـل
دخنت حرحارت ايده من حمل سيفه ونزل
گال اخلي العرب كله ابضربتي تضـرب مثل

روس تردم روس ضلت والدمه اتسيل
هجت الفرســان منـه وصـاحو ادخيـل
منــه هجـو بالفله
صوته شبة الزلزله
              حطاب الرگاب
    ـــــــــــــــــ ❁ ❁ ❁ ــــــــــــــــــ

خورس احلــوگ الكتـائب دنگت مـنه الجــيم
كحل اعيــون العقيـــله مــن طلع من الخـــيم
جبل بالميـــدان واكف هامـته اطـــخ بالقمـــم
حبس حتى الهوى البالطف ونعم راعي الشيم

ويلكم يا آل اميـــــــــــه من زعل صاح
چنه ملك الموت سيفه ويخطف ارواح
الزلم كلها امچتله
صوته شبه الزلزله
              حطاب الرگاب
   ـــــــــــــــــ ❁ ❁ ❁ ــــــــــــــــــ

من عطش ورد المخيم صاح افه وانه الگمر
اليوم يم كل باب خيمه احـــفر الزينب نهـر
الوسعه مني اتضيگ بيهم ما يصحلهم مفـر
من اجل خــدر الفواطـــم اله اســويهم وذر

العلگمي مگيود جابه الباب الخيام
وصاح يازينب الچ كل احنه خدام
ما گرب واحـد اله
صوته شبه الزلزله
                حطاب الرگاب
    ـــــــــــــــــ ❁ ❁ ❁ ــــــــــــــــــ


     الخادم
كامل السعيدي Aprire / Come

2023-07-25 13:24:36 نعي للعباس عليه السلام

قريض :

ابكيك مقطوع اليدين معفرا
نفسي الفداء لجسمك المتعفر

ولرأسك المفضوخ والعين التي
انطفأت بسهم في الجهاد مقدر


نعي گرناوي :

المضيع عضيده ينوح ماينلام
وحگه اشما يون ويبچي حسين

تعنه المشرعه وشاف البطل عباس
امطبر بالعمد وامگطع الچفين


شاف السيف طايح والعلم مشمور
واشد من ذني كلهن نبلت العين

صاح بصوت ضهري الگبل مامكسور
هاليوم انكسر ياناس نصين


ابوذيه :


ايا فگدك كسر ضهري     وشل بي
كلساع الجرح يكبر     وشل بي
بجفني ادموع ماضلت     وشل وبي
انوح اعليك يعضيدي الشفيه


نعي مجرد :


والله لسويلك مناحه
راسك حسافه العمد لاحه
روحي گضت مامستراحه


اليفگد عضيده اشلون يرتاح
يبچي الغريب وعالنهر صاح
عباس حيلي بطيحتك طاح


عالنهر يمك طاح حيلي
واتكسرن ضهري ودليلي
اشلون ارجع الزينب احچيلي


اشلون ارجع الزينب شگلهه
ادخيلك يعباس اگعد الهه
عالغرب لاتشمر حملهه


لاتشمر احمول الجبتهه
واتموت اضن لو فارگتهه
شلك بهالنومه النمتهه


شلك بهالنومه طويله
انت الچنت تحرس العيله
عفتني وعفت زينب الليله


عفتني وعفت زينب غريبه
الليله عدنه اثگل مصيبه
لو غبت مانحمل الغيبه


لو غبت مانحمل غيابك
بگلوبنه انهيس اصوابك
والحرم يتباچن ابابك


اباب صيوانك اموگفات
ينشدن عليك الفاطميات
اشلون اگلهن عالنهر مات


نعي طور الفراق :

اشلون اگلهن ... مات ايسن من رجعته
اشلون اگلهن ... والسهم بالعين شفته
اشلون اگلهن ... عالنهر مشمور عفته
اشلون اگلهن ... تسعر بگلبي طبرته



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:23:18 موشح للعباس عليه السلام (والوعد چا وينه)


واعدتني والوعد چا وينه
زينب اتنادي يعم سكينه


ليش فليت الكفاله والعهد
لااجيت ولاشفت حالي بعد
راسك العالي تهشم وانمرد
عفت اخوك حسين تهمل عينه
واعدتني والوعد چا وينه


عفت ابو السجاد مهضوم اوحيد
عاليتامه ايخاف من عسكر يزيد
گال يازينب بعد ماضل عضيد
والكفلچن گطعوا چفينه
واعدتني والوعد چا وينه


گال كافلچن عله الراس انطبر
فلت الخوه وگضت يم النهر
العلم مكسور والسيف انشمر
اشلون يرجع مارضه اتشوفينه
واعدتني والوعد چا وينه


مارضه العباس ارده للخيم
لاترس جوده ولاجاب العلم
وانجسم نصين راسه وانهشم
هالمصاب الماضن اتحملينه
واعدتني والوعد چا وينه


ماتحملينه كلف هاذه المصاب
چف ابو فاضل تگنطر عالتراب
بطلي يازينب ونينچ والعتاب
لو مشيتي المصرعه اتودعينه
واعدتني والوعد چا وينه


لو مشيتي المصرعه بطلي الونين
ولاتلچمين الصواب البالجبين
لادرع لاطاس تلگين الحنين
وياحسافه البيرغ امسلبينه
واعدتني الوعد چا وينه


لادرع لاطاس ضل عالمشرعه
حگچ اتنوحين عافچ ضايعه
اشلون لو شفتي الزنود امگطعه
مايسمعچ والمن اتحشمينه
واعدتني والوعد چا وينه


لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:23:13 لطمية للعباس عليه السلام (وتريد الكفلهه)


زينب هاي وتريد الكفلهه
               وتريد الكفلهه
شلون يعوفهه ومايگعد الهه
                وتريد الكفلهه
للشاطي تعنت ... ومثل حسين ونت
صاحت نومتك موش بمحلهه
                  وتريد الكفلهه


مثل حسين ونت عالشفيه
مهضومه اعتنت للعلگميه
اصواب البيك صاحت كون بيه
هاك الروح هاك اچفوف اديه
اختك بالعمر والروح شلهه
                وتريد الكفلهه


بعد ماريد روحي ولاحياتي
اجيتك حايره ونار بعباتي
يبس من الهضم گلبي ولهاتي
گلت ماعوفچن وانتن خواتي
عباس الحرم هسه شتگلهه
                 وتريد الكفلهه


وينك يالگلت ماعوفچن دوم
فليت العهد تالي يجيدوم
هاك العين هاك الزند بس گوم
ادخيلك لاتعوف حسين مهضوم
امگابل خيمتك يتنوع الهه
                وتريد الكفلهه


امگابل خيمتك ويصيح عباس
اگعد شيل درعك والبس الطاس
باچر صدر اخوك حسين ينداس
باچر عالفواطم تلتم الناس
عوف النوم لاتشمر حملهه
               وتريد الكفلهه


نوم المشرعه عباس عوفه
وارحم حال ابو اليمه وضروفه
باچر ينذبح گدامي اشوفه
ترضه ام الخدر تدخل الكوفه
والشمات تنشد وين اهلهه
               وتريد الكفلهه


لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:23:00 حديث للعباس عليه السلام


لاحول ولاقوة الا بالله العلي العظيم ... انا لله وانا اليه راجعون

عندما كان ابو الفضل العباس عليه السلام يلفظ اخر انفاسه الزاكيات كانت عينه السليمه تلاحق قطرات الماء التي اريقت من القربه واختلطت بدمائه الطاهره واخذت تغوص قليلا قليلا في رمال كربلاء لتخلط مع الدم قصة من اعظم ملاحم البطوله والفداء والايثار ...
وبينما الحسين عليه السلام عنده واذا بالعباس قد شهق شهقه وفاضت روحه الزكيه فقام الحسين عليه السلام من عنده مهدود الحيل منهوك القوى واقبل الى المخيم منكسرا حزينا يكفكف الدموع بكمه كي لاتراه النساء ...
فاستقبلته  العقيله زينب سلام الله عليها قائله له : ابا عبد الله اراك رجعت وحيدا فريدا اين ابن والدي ؟ اين اخي ابو الفضل العباس ؟


        گالت

وين التخاف الزلم منه
چا ليش عفته وجيت عنه
مهضوم وبگلبك الونه


مهضوم وبصدرك العبره
اجيت الجدم گوه تجره
لاتسكت ابداعت الزهره


لانسكت اترجاك گلي
وين البطل شيال حملي
هاي الحرم منتضره مثله


وكفن فرد وگفه خواته
كلهن يخويه متانياته
من الصبح ماشايفاته


من الصبح للضهر مارد
ياهو البعد يوگف عله الحد
ويطشر العدوان لو هد


لو صول ايطشر العدوان
چا وينه حاچيني يعطشان
بس لاتكلي بدون ذرعان


بس لاتگلي بدون چفين
ماقبل يرجع للصواوين
گلبي انصدع وانشلع يحسين


قال لها الحسين عليه السلام : عظم الله لك الاجر باخيك ابي الفضل ثم ذهب الى خيمة العباس فاسقط عمودها فارتفعت الاصوات بالبكاء والنحيب ونادت زينب واخاه .. واعباساه .. واضيعتاه من بعدك وارادت ان تذهب اليه فمنعها الحسين عليه السلام ولم تخرج اليه الا في ليل الحادي عشر من المحرم واخذت تتخطى القتلى حتى وصلت اليه وكاني بها معاتبه مناديه له ..


        گالت

ماشوف دربي وچلچل الليل
واتعثر ابين المچاتيل
بهداي اصيحن ماصحت حيل
خافن تجيني الزلم والخيل
عباس عنك باچر انشيل


باچر انرافگ ناس ظلام
ونسمع طبل يرگع ودمام
اشلون عينك قبلت تنام
اجتنه العده وطبت للخيام
وصحنه فرد صيحه يضرغام



صحنه فرد صيحه يعباس
حسين اخوك انذبح وانداس
بعمامته يهوسون والراس
واحنه سبايه بوليت الناس
صارو علينه اعداكم حراس



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:22:48 لطمية للعباس عليه السلام (الجو مگلوب)


الجو مگلوب ... والله اليستر اليوم
غضبان ونزل عباس للگوم


للميدان طب عباس غضبان
ايگلهم ويلكم مني يعدوان
يصب الماي وابن حسين عطشان
عن اطفال اخوي الماي ملزوم
الجو مگلوب ... والله اليستر اليوم


ياهو الگال عنكم نلزم الماي
اذا زلمه يجيني ويوگف احذاي
اليوم الكون اگلبه بصولتي هاي
اخلي السيف يحصد روس وادموم
الجو مگلوب ... والله اليستر اليوم


اخلي السيف يحصد روس منكم
فنكم توگفون اگبالي فنكم
اضنكم ماتعرفوني اضنكم
انه ابن الصميده اربات جيدوم
الجو مگلوب ... والله اليستر اليوم


انه ابن الصميده وفارس الكون
وين اليوم من عندي تشردون
اشلون اسكت نختني الغاليه ام عون
وحق زينب لخلي الجيش مهزوم
الجو مكلوب ... والله اليستر اليوم


وحق زينب لسوي الماجره وصار
واخلي النوح والصايح بكل دار
الهاذه اليوم ضماني الكرار
وگال الكربله العباس مضموم
الجو مگلوب ... والله اليستر اليوم


احزام وسور ضماني العضيدي
واضحيله بحياتي ودمي وايدي
افرح بالحرب واليوم عيدي
كلشي ولايبات حسين مهضوم
الجو مگلوب ... والله اليستر اليوم


كلشي ولاحسين امحير يبات
ريتك ماطحت فوگ المسنات
وشفته اشلون وحده وبين شمات
كلهه تريد راسه الوادم اتحوم
الجو مگلوب ... والله اليستر اليوم


لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:22:42 موشح للعباس عليه السلام (خوش ربيتي سبع)


خوش ربيتي سبع يم البنين
جاب روحه وگال فدوه للحسين


جاب روحه وجاب عينه وهامته
فدوه للمظلوم گال وعيلته
البطل عباس حلوه خوته
امعدل وضرغام جيدوم وحنين
خوش ربيتي سبع يم البنين


امعدل وضرغام سبع الگنطره
بكربله يگولون سوه الماجره
خله گوم ايزيد كلهه امحيره
وين عنه ايروح جيش الظالمين
خوش ربيتي سبع يم البنين


ضيعت مشرادهه اجيوش العده
من دخل للكون سوه الماسده
ياهله بعباس يشبه والده
ايريد ياخذ ماي لم گلب الحزين
خوش ربيتي سبع يم البنين


ايريد ياخذ ماي لخته وبت اخوه
طشر العدوان يوم العارضوه
هاذه مو عباس گالو هاذه ابوه
خلفه ومامات امير المؤمنين
خوش ربيتي سبع يم البنين


خلف العباس ماميت علي
من دخل للكون صاح الكون الي
يصول ويجول وابد ماينولي
مايطخ الراس مرفوع الجبين
خوش ربيتي سبع يم البنين


مايطخ الراس ابو فاضل صعب
للنهر غصبن اعله العسكر يطب
شال بيده الماي لاچن ماشرب
صاح عبد الله ورقيه امعطشين
خوش ربيتي سبع يم البنين


الماي ذبه وگال ماضوگه ابد
سكنه عطشانه واخيهه البالمهد
والنعم عباس وفيت العهد
قدمت لم عون دمك واليمين
خوش ربيتي سبع يم البنين


لشاعرة اهل البيت
ام هجران العمارچية

غير مبري الذمه من يمسح اسم الشاعره او يغيره وينسب الرثاء لشخص اخر

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come