قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-25 06:32:53
صــبــآحــكــم حــســيــنــي

السلام على الحسين الشهيد (عليه السلام).

اَلسَّلامُ عَلَيْكَ يا اَبا عَبْدِاللهِ وَعَلَى الاَْرْواحِ الَّتي حَلَّتْ بِفِنائِكَ عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ وَلا جَعَلَهُ اللهُ آخِرَ الْعَهْدِ مِنّي لِزِيارَتِكُمْ ،

اَلسَّلامُ عَلَى الْحُسَيْنِ
وَعَلى عَلِيِّ بْنِ الْحُسَيْن
ِ وَعَلى اَوْلادِ الْحُسَيْنِ
وَعَلى اَصْحابِ الْحُسَيْن ِ

صباح الإشتياق لأرض الحسيــن
Aprire / Come

2023-07-25 06:29:28 جلوه للقاسم ابن الحسن عليهم السلام
===========


دوري الصواني بلحزن دوريها

هسه يجي شمعاته لتطفيها

وسكنه العروسه للولد زفيها

وحنت الولد يم الولد عجنيها

ثوب العرس مرت الولد لبسيها

وحنه بيديها يم طهر حنيها

اليوم العرس ولخيمته عدليها

فرشه عرس للمعرس وفرشيها

شمعة عرس ولزفته علگيها



طفوها طفوها شموع العرس طفوها

طلعوها طلعوها صواني العرس طلعوها

عازوها عازوها ام الولد عازوها

واسوها واسوها سكنه تون واسوها

لبسوها لبسوها ثوب الحزن لبسوها


لا حول ولاقوة الا بالله العلي العظيم وسيعلم الذين ظلمو ال محمد اي منقلب ينقلبون والعاقبة للمتقين  صلوات ....
اللهم صل على محمد وال محمد
========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:29:18 ابوذيه مع نعي مجرد للقاسم عليه السلام
========


اعجنت حناتك ابوني وبدمعاي

ظيمي من زغر سني وبدمعاي

بديت ويه الدهر هم  وبدمعاي

من يوم المشت امي الزچيه

=========

يلعفت عرسك رد اليه

عيني على دربك اربيه

ماحسبت هاي المنيه

.................

يمه الولد ردلي يوالي

وخلافكم بلظيم حالي

ضايع ارباي ويادلالي

...............

اليوم جفني من الصبح رف

والگلب ضل ملهوف يرجف

طير المنيه اعليك رفرف

................

يلماشي صوت الحومه محروس

والخيل چنها بروحي اتدوس

گلبي تره من الظيم متروس

................

ضل بلخيم ياتالي اهلي

لو رحت  چا بلعمر شلي

يادمعتي من دم تهلي

................

منين اجاني يوم عاشور

طگني واخذ من حضني البدور

وضليت حرمه بغير ناطور

...............

للحومه يوليدي منمشيت

وراك اطلعت ونحبت وبچيت

سالم ترد يمه تمنيت

..............

يامصعبه يوم العراريس

يوجع بگلبي حيل ويجيس

ضليت ماعندي الونيس

...............

عريس من الدمه تحنه

ماشاف عرسه ولاتهنه

مهنه  يلمعرس مهنه

............

اطفي شموعك يمه ميهون

بلمگبره وسفه تنامون

انساك يمه گلي اشلون


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:29:00 قصيده للعريس القاسم ابن الحسن عليه السلام
تقرأ شده ومربوعه  وفزاعيه
=========


گومي هلهليله شد على حصانه

روح  ام الولد  علولد خلصانه

=========

گومي هلهلي وعجنيها حناته

وحضري كلته وشعليها شمعاته

كلجن هلهلن فرحن يعماته

خافن مايرد القاسم ويانه



گومي هلهليله وعجني الحنه

يارمله الولد چن مايرد النه

مهنه بنومتك يمعرس مهنه

جاسم من طلع ليهسه ماجانه



شلون اولاد راحو ما اجو ليه

ياشبان يهل ارواح ورديه

علو بلدمه الرايه الحسينيه

لدين الله ورسوله ضحه شريانه



كون الروح راحت يمه وياكم

يلرحتو من ادينه وين نلگاكم

شيصبر الگلب من بعد عيناكم

الدنيه من عگب عيناك خربانه



ياوسفه لمعرس علثرى مطروح

دمه من النحر ويلي الولد مسفوح

خليت الگلب يبن الحسن مجروح

وعفت امك تون والعين جريانه



شلون اصبر يخلگ الله دگلولي

وابني بلگبر نايم يمدلولي

كاتلني القهر يمه دلحگولي

البيت اظلم صفه والدار خلوانه


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:28:49 قصيده للقاسم ابن الحسن
تقرأ بعده اطوار مربعه فزاعيه شده
=========


بس ياام الولد عوفي الهلهوله

جابولچ  المدلل  يتچوله

=========

هلهولة  وليدچ  لاتعليها

بس يوالده الهلهوله گطعيها

وشمعات العرس بلدمع طفيها

وهدوم العرس للحسن وديها

وبلطينه // شبان ونامو



جابوه الولد متحني ابدمه

وينوح الحسين وينتحب يمه

ضهره منحني من الفاجعه عمه

يمسح دم جبينه برگبته يشمه

انهد حيلي // من گالو مات



فلشي خيمته والحنه بدّيها

ومرته حزّنيها وغسلي ايديها

ثوب اسود على المذبوح لبسيها

لرمله أمه نروح  وخل نعازيها

ابن الغالي // صابوه الگوم



نعازي المجتبى بلقاسم ويومه

تره روحه على العريس مالومه

طاح ابن الحسن ياوسفه بلحومه

وامه من ابنها اصبحت محرومه

امه تريده // رد يلعريس



نعازي المصطفى ونهازي الزهره

بمصاب الشباب امكدره العتره

المعرس يوسفه رضرضو صدره

ماشفنه المعرس زفته الگبره

ويزفونه // بدموع ونوح


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:27:07 قصيده لشيخ الانصار حبيب


وين الطف حبيب ايدور اعليچ
هذا اربات نيبه ومو كواريچ

يدَور الطف وصلها اوفل النگاب
وسيفه من الشهامه اهتز بالگراب
على اوليد الزچيه الروح عطاب

(وبذاك الحد هز الرايه)


هزهز بيرغه وانگلبت الصوبين
ما چنه چبير اتگول بالعشرين
هلا بالجاي ينصر بالطفوف حسين

(امتانينه يوصل للطف)


امتاني حسين ربعه ويعرف ربعه
وبجيت حبيب اكتملت الجَمعه
امشابگ ويه ابو السجاد بالدمعه

(ينطي عيونه جاي المولاه)


ينطي العين جاي وما يهم بيها
وجاي ارگاب عدوانك يدميها
النشدو عالشجاعه هذا راعيها

( ميدانه يرهب يوم الطف)


يرهب والجمع ما ثبت گدامه
امعصب بالعصابه وشاد حزامه
ينطي ارگاب فدوه الرگبة ايمامه

(ايطر بيها الروس ابسيفه)



أم علي رضا الشريفي الحسيني

القصيدة في ديوان

الكوكب الخامس
الجزء الاول

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:26:58 قصيدة لشجاعة عون عليه السلام (انصار الحسين عليه السلام)

يزينب عون هَد اونومس الخال
ابنچ عالشجاعه يرهم اعگال



على امتون الكحيله واگف اوگوف
يلكدها ابيمينه وطرت اصفوف
احسين هنا تنومس صولته ايشوف
ولا خله ابن اختهم غاد خيال




تنومس ببن اخيته احسين المچنه
على العز امهاته الولد ربنه
يفزع وي خواله ولا يفزعنه
حيّهم بس الك يا عون تنگال




يزينب بيه اشمتنسيه فلا ينزاح
گص روس الرجال وعيب ما يلاح
ومن فرسانهم جايبلچ السباح
مثل عباس صيد ابنچ بالثگال



بس فرسان يتخّير سبع عونچ
يبعد امه البچر يا فتشت اعيونچ
ما جت كربله بالربه ابماعونچ
جازه ارباچ يوم اعله الرجس صال



صال ابنچ يحره اووفه للخوله
شگ حلوگ يوم الصال هالصوله
الشيمه والرجوله مفصله ابطوله
ينگط مرجله عالمهر لو مال



ام علي رضا الشريفي الحسيني
القصيدة في ديوان

الكوكب الخامس الجزء الاول

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:22:33 فزاعيه

اكعد شوفني. ياخال الأولاد
مضيعتهم سويه وگلبي مرّاد

ليش تعوفني امتيهه الراي
دور ولدي خويه انته لحماي
نايم ماسمع اعتابي وبجاي
عباس اكعد. شوف احوالي

شوف الحال من ضاعو سويه
اولاد اثنين تاهو بالمسيه
جاعو ولدي من سوده عليه
ماينطونه. عطشان ابني

عطشان الولد ويريدله ماي
تعاي اليوم كلجن نوحن وياي
راحو ولدي وماكام ملفاي
اكعد شوف اختك. مشدوهه

حالي منشده كعدو يهلنه
اونن دوم مااكطع الونه
ماادري بيا نيه ولدنه
بيا ديره. هاليوم اولادي

تمت بعون الله تعالى الى خادمه اهل البيت عليهم السلام الشاعره والمله ام حيدر الحلفي لنا ولكم الاجر والثواب


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:22:10 نعي

شحال گلبج يم الاولاد
يايومهم يذوب الفاد
للعازه كلت الولد ينراد

روحت اولادي سويه
نخيت الاخو ماگام ليه
ماكسر خاطركم عليه

اعاتبك ياخوي گوم
مضيعه حلو الرسوم
اگعد يوالي شوفني اليوم

يوم الولد شادهه احوالي
سمعنه المره برگبه الوالي
ماكامو وشافو جهالي

طاهر ومطهر يانويه
جعتو يمن سوده عليه
مدري عطشتو عله الاميه

تمت بعون الله تعالى الى خادمه اهل البيت عليهم السلام الشاعره والمله ام حيدر الحلفي لنا ولكم الاجر والثواب



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 06:21:43 قصيده لأولاد مسلم تقره بطور المربع والفزاعي

المستهل

ويا ذباح لاتذبح الويلاد
على طاهر واخيه حزني يزداد

•───✧◐ ◐✧───•

بالله اعليك ياذباح تانيني
لاتذبح اوليدي وبي تاذيني
ياطاهر ييمه وين دليني
ييمه افراكم للروح مراد

•───✧◐ ◐✧───•

يالحارث انشدك ليش متعادي
كلي ياذنب سووه ويلادي
بريئه ارواحهم لاتوجع افادي
اتوسلو بيك رجعنه للبلاد

•───✧◐ ◐✧───•

شلون انطاك كلبك واذبحتهم
اولاد ثنين وازغار ارعبتهم
على جسر المسيب ذبحتهم
خسرت الجائزه من رحت لزياد

•───✧◐ ◐✧───•

على الويلاد كلبي اليوم حزنان
راحو من اديه شلون صبيان
مثل الورد يالجنهم غصن بان
الف وسفه مشو لدروب البعاد

•───✧◐ ◐✧───•

ويلادي مشو ضيعو دربهم
الف وسفه الدهر حارمني منهم
اشلون اثنين من ايدي اخذهم
مشو عني وعليهم حزني ينعاد

•───✧◐ ◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come