قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-24 12:58:29 قصيده للخدمه


خدام خدام خدام نبقى لفاطمة


هالجمع يافاطمة متحمسين
سجلي أسماءهم باسم الحسين
هالقسم يا فاطمة لا ترفضيه
ولحقوق الزينب احنا موثقين
ربحان ربحان كلمن يحبك فاطمه
خدام خدام خدام نبقى لفاطمة

احنا باسمك فاطمه نعزي الرسول
على مصاب اللي جرى ابـ بنت الرسول
والمقصر بالعزى عذره شيقول
ما تسجله فاطمه عدها البتول
بالصراط يوقفه فحل الفحول
خسران خسران كلمن يضدج فاطمه
خدام خدام خدام نبقى لفاطمة

هالعزاء وهاللطم ما ينتهي
شيعتك يابالحسن ما تنتهي
احنا اقوى من الجبال التنفني
لو يطب مليون عدنا اجنبي
ما يغير نهجك اسمه يا علي
للموت للموت للموت نخدم فاطمه
خدام خدام خدام نبقى لفاطمة

آنا من اندفن والله بالقبر
حسين بيه بيش قضيت العمر
بخدمة الزهراء وآنا مفتخر
هالجواب يخلي منكر يعتذر
الجنة الجنة تدخلنا احنا فاطمة
خدام خدام خدام نبقى لفاطمة

نقسم بدم الحسين بكربلاء
احنا هذا النهج لا من بدله
هذا مجلس هذا بيده فاطمه
كل يوم كل يوم نبقى نردد فاطمه
خدام خدام خدام نبقى لفاطمة


ناعية الطف

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-24 11:37:13 الشاعر المرحوم معين السباك

بصوت الرادود ستار الصالحي Aprire / Come

2023-07-24 11:37:01 #تراث    موشح

الخيل يهل الخيل يا فرسانها
الحرب ساعه اوتشب نيرانهـا
ــــــــــــــــــــــــــــــــــــــ
الخيل يهل الخيل يا مردم الخيل
الحيل المن ينضخر منكم الحيل
هله هله تصيح بت حامي الدخيل
وعينها على الوجن كت جروانهـا
ــــــــــــــــــــــــــــــــــــــ
يا انصار حسين يا روس الحزم
بيكم وبسيوفكم يگوه العزم
بت علي ترضون ما بين الزلم
توكف وليهـا تصد عدوانها
ــــــــــــــــــــــــــــــــــــــ
يا انصار حسين يسباع الرجال
يا ليوث الحرب يا موت الأبطال
هاي زينب بت علي خير الأعمال
جاعده وتتناكم بصیوانها
ــــــــــــــــــــــــــــــــــــــ
يا أنصار حسين هاي أخت الحسين
زينب الما حصلت غير الونين
هاي زينب بت أمير المؤمنين
تحجي وياكم غدت بالسانها
ــــــــــــــــــــــــــــــــــــــ
يا أنصار حسين بت حيدر تگول
عالخيم خيل العده تحوم وتجول
والله يكرام العذر ماهو امقبول
منكم ولا اگول من خوانها
ــــــــــــــــــــــــــــــــــــــ
اشلون عن خدر الحرم تتعذرون
وغدت من عين الحرم تنبع عيون
لا وحك الله عليكم مايهون
الحرم تنضام يا وليانها
ــــــــــــــــــــــــــــــــــــــ
يا أنصار حسين يا ليوث الحرب
زين يصحاب الوفه عدكم كلب
تخلون الحرم بديار الغرب
خدّر وبعدت عليها اوطانها
ــــــــــــــــــــــــــــــــــــــ
لن حبيب يصيح ويهز صارمه
لا على بختج يبت حامي الحمه
اليوم دون الخدر نسبح بالدمه
ليوم اكر عيوج بميدانها
ــــــــــــــــــــــــــــــــــــــ
لا تخافين أيغدي عنج الخوف
والأنصار امجرّده بيض السيوف
اليوم يم الخدر خل عينج تشـوف
نسلب ارواح العده من ابدانها

الشاعر المرحوم
الحاج مُعين السباك

(180)
#اللهم_عجل_لوليك_الفرج Aprire / Come

2023-07-24 11:32:08 الشاعر رائد الناشي

الرادود ستار الصالحي Aprire / Come

2023-07-24 11:31:57 مسلم نزل للحومة واتنخه بالعبــاس
كامت تروج الكوفه والماشرد ينداس
ــــــــــــــــــــــــــــــــــــــ
مسلــم نـزل للكــوفة ... كل العزم بجفوفة
حكه اليموت بخوفــه ... مسلم اسد ومخيف

حيدر صفاته وحيله  ...يتبختر اعلى كحيله
بس اليصيـح ادخيله ... مـاينجســـم بالسيـف

واليسلم منالطبره من ينجرح لاباس
ــــــــــــــــــــــــــــــــــــــ
فوك السطوح القادة ...ذبهـم عجيـد السادة
خيبر يعيد امجاده  ... يشبه علـــي الكرار

ســد الشــوارع بيها  ... تتكـردس ويجفيهــا
ضاكت الوسعه اعليها  ... والكــوفه شبت نـــار

من صوته مو من سيفه كامت تطيح الناس
ــــــــــــــــــــــــــــــــــــــ
ويــاها ملكــه تلاكـه  ... سوك المعسكر ساكه
والفارس من ازياكه  ... مسلـم يشيلـه شيــول

حيـد الحـرب تكليفه  ... خلــه المنــايا بكيفـه
كام اعلى خفة سيفه  ... يذبح زلم وخيول

نشمي وطلع من نشمي  فرّاس ابن فرّاس
ــــــــــــــــــــــــــــــــــــــ
بعد امي صاحت طوعة  ...خلــي بكلبهـــم لوعـــة
رايـــة علــي مـرفـوعة   ... بـزنــــودك الحلــــوات

جنك علي اعلى المهرة  ... والخـزرة نفس الخــزرة
بيــدك تــرف الخضـره  ... يـــامـــردم الكلفـــــات

مسلم يتاج الغيرة بالدنيا ما تنقاس
ــــــــــــــــــــــــــــــــــــــ
تخيل مهرته الزينة ... نار وشرار بعينـه
موت الحمر بيمينه ... يتخيــر الشجعــان

ميت يطيح الزلمه  ... بجفــوفه من يلزمه
بزنوده شمرة عمه ... مــن يقلــع البيبــان

ما يلتفت بالعركة من عمه بيه انفاس
ــــــــــــــــــــــــــــــــــــــ
ماظل درب ماخله  ... بـي من جثثهم تلـه
ويـن الثكيل يكتلـه  ... حي الله اخو العباس

والد حميدة الهيبة ... جـازيتـه دوم العيبـة
صيد البعيد يجيبه  ... عز الله رفعة راس

هذا الكلف والهيبة والحكَه ما ينجاس
ــــــــــــــــــــــــــــــــــــــ
تشتد وهوه يحلها  ... مـن تكثــر يكيفلهـا
تتمـايل ويعدلهــا  ... عنده الحرايب كيف

ماجن زلم جدامه  ... يسحكها تحت اجدامه
شد للمناية حزامه  ... مــن الهــواشم سيف

حيا الله راعي الغيرة دك للمراجل ساس

رائد الناشي

#اللهم_عجل_لوليك_الفرج Aprire / Come

2023-07-24 10:40:13 شده لاولاد مسلم
------
شيكول كلب الوالده الضاعوا ولدها
تدور بوادي كربله عليهم وحدها
----
شيكول كلب الوالده الضايع ضناها
تحشم يبو فاظل اخوها ومااجاها
وتكول ليش الوالي بت عوده نساها
ماكال اختي ولا ولي هاليوم عدها
------
ظلت حزينه اعلى الولد من فاركتهم
وتكول شيصبر الكلب عالضيعتهم
ماعندي والي واهلي بالحومه افكدتهم
ياهو اليدور عالولد ياهو اليردها
-------
شيكول كلب الوالده الضايع طفلها
تحشم بهلها اليوم والدمعه تهلها
واخوانها نومه على التربان كلها
ايست منهم ظلت تفرفح وحدها
------
شكول كلبي وراحوا اولادي سويه
والليل اجاني والوكت اظلم عليه
حيرني دهري وافكدت طاهر واخيه
الليل مانامت ودمعتها اعلى خدها
-----
حشمت بالوليان والوليان نومه
بين الذي عالمشرعه فاضت ادمومه
بين الذي ممذبوح ومسلبه اهدومه

والله عظيم مصابهم روحي مردها
-----
شيكول كلبي افكدت حلوين المعاني
وهذا المصاب امنين ياهالناس اجاني
بخواني والويلاد حاربني زماني
احباب كلبي والوكت عني بعدها
----
شاعرة اهل البيت
ام حسين الهلالي
لتنسوني ووالدّي من صالح الدعاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-24 10:39:52 فزاعيه لولاد مسلم

------
ويلي على الايتام
مارحموهم
------
ايتام فروا وين
من طاح اخويه حسين
تصيح وتهل العين
ايتام مسلم هالعده تولوهم
------
من هجمت العدوان
من حركوا الصيوان
فروا من الميدان
شنهو ذنب الاطفال ويضربوهم
-------
اتنوح وتهد الحيل
وتصيح اجاني الليل
اولادي المداليل
اعزاز كلبي والعده تولوهم
------
من العده يخافون
وبالليل يرتاعون
واعلى الاهل يبجون
هاي اليتامه امن الاهل حرموهم
-----
اطفال وارتهبوا
ومن العده خافوا
وللوالده صاحوا
ولورادوا ينامومون ميخلوهم
-------
اطفال ظلموها
لمن تولوها
عالنهر ذبحوها
عتره الهادي ليش ماراعوهم

-----
شاعرة اهل البيت
ام حسين الهلالي
من ديوان عبرات الموالين
الجزء الرابع
---------
لتنسوني ووالدي من الدعاء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-24 10:39:06 لطميه لأولاد مسلم عليهم السلام


فـــروا مـــن أديــه ويــــن ويــــلادي
والعـــباس بيـــه مــا دره أشــــسادي
❥━──➸➽❥ ❥━──➸➽❥
فـــروا مـــن أديــه ويــــن الأگـــيهم
ومــا گــام الــكفيل ورد الــي بـــيهم
راحـــوا ويـــن يــــالحلوه مـــعانيهم
وأمـــهم ضــلت أمــدوهنه وأتـــنادي
❥━──➸➽❥ ❥━──➸➽❥
الخـيل أعـلينه أجـت للـخيم هــداده
ومـــسلم خـوف فــرت مــني أولاده
وعــمهم طايـح وداسـوا علــه أفـاده
وأنـــه أمحــيره وأبـــوليت الحــادي
❥━──➸➽❥ ❥━──➸➽❥
اليـوم أبـكربله بعــد أخـوتي أغـريبه
ومــنهوا أيــدور المــدلول وأيــجيبه
وچـا وينـك صـحت يا راعــي الهيبه
ولــد أعــزيز گـلبك ضـاعوا أبـــوادي
❥━──➸➽❥ ❥━──➸➽❥
خــويه حــسين مهــضومه تــخليني
للمــصرع أجيـــتك يــــا بعد عيــني
چــنك ما سـمعته نوحـي وأونيـــني
وخـــويه أبـــذبحتك متـهدم أفـادي
❥━──➸➽❥ ❥━──➸➽❥
جيــتك أرد أخـبرك عــن ولـد مسلم
فــروا مـني خـويه أبـحرگ المــخيم
هــاك أسـمع حـميده تبچي وتـحشم
ويا عـــمي الـحگنه الطـــفله أتـنادي
❥━──➸➽❥ ❥━──➸➽❥

*لخادمة الأمام الحسين 《ع》*
*الشاعرة نشوان الكناني*
*غير مبرء الذمة كل من يتلاعب بلقصيدة*

الأثنين / ٥ من شهر محرم الحرام
الموافق / ٢٠٢٣/٧/٢٤


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-24 10:38:37 لطميه بهوسات لأولاد أم البنين عليهم السلام


حيود أو بالحرب كلهم أفاعيه
وخوش أزلام ربيتي يبدويه
❥━──➸➽❥ ❥━──➸➽❥
حيود أو بلحرب زلزال سووهه
ويم حسين روس الگوم جابوهه
ولد أم البنين الگاع خسفوهه
( الوهامه خسفوهه الگاع )
❥━──➸➽❥ ❥━──➸➽❥
وأحدهم سبع وأيعادل أهوايه
أتعنوا للحرب هاليوم عنايه
وبيد الكافل أترف عالي الرايه
( أشمحلاهه بيد العباس )
❥━──➸➽❥ ❥━──➸➽❥
ولد أم البنين الميله عدلوهه
والعدوان بالطف تبچي خلوهه
كل هاي المعارك همه داروهه
( والسادة هيبتهم تسطر )
❥━──➸➽❥ ❥━──➸➽❥
هد عباس والحومه صرخ بيهه
أو رايات النصر بيده يعليهه
وخله الگوم تتراجف أبواديهه
( أبصولاته أمبچي الگوم )
❥━──➸➽❥ ❥━──➸➽❥
ولد المرتضى حماي الدخيله
سووهم تتن من طبوا الليله
وخوش أزلام ربيتي يالكحيله
( وصفوهه والحومه اليوم )
❥━──➸➽❥ ❥━──➸➽❥

*لخادمة الأمام الحسين 《ع》*
*الشاعرة نشوان الكناني*
*غير مبرء الذمة كل من يتلاعب بلقصيدة*

الأثنين / ٥ من شهر محرم الحرام
الموافق / ٢٠٢٣/٧/٢٤


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-24 10:38:02 #نعي_لمسلم_ع

من ديوان عزاء اولاد الزهراء
الجزء الاول
❥❥❥❥ـــــــــــــ❁❁ـــــــــــــ❥❥❥❥

اليوم مسلم داير العين
غريب واحبابه بعيدين
عن حاله منهو يخبر حسين


منهو اليخبر ابن عمه
يكله ابوطاهر نزف دمه
كلها اعادي وغرب يمه

بين الغرب مسلم شلونه
لصوب الدرب شابح عيونه
اهل الحميه مايجونه


اهل الحميه مايحضرون
لمسلم وخليهم يفزعون
ماضن لبوطاهر يلحگون


لو يلحكون اعلى الشفيه
يلگونه نايم عالوطيه
بالسوگ جثمانه رميه


مذبوح مرمي على التربان
جا وين عنه بني عدنان
مسلم يريد اليوم دفان


وين النشامه خل يحضرون
ولمسلم وهاني يدفنون
بالسوگ جثته شلون يرضون


بالسوگ جثته وجرجرو بي
وعباس ويلي ماحضر لي
من القصر شمرو اعادي


بالحيله مسلم ليش غدرو
وبحبال خشنه جتفو
من القصر ياويلي شمرو
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come