قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-25 13:22:08 (( نعي للأمام العباس عليه السلام))
* **
وسفه على العباس وسفات
مفگود شيال الكلافات
عفيه اعله گلبي شلون ما مات

تذكر يخويه كان ما كان
ياريت ويعود الزمان
واگعد ييمه ابفي الحنان

محلا اخوتي ومحله جمعهم
ياريت ربي يسلمهم
من البين مدري وين اضمهم

عبداللهّٰ وي جعفر اوي عون
وعباس اخيي اغله من العيون
ياريت ياربي يسلمون

العباس ياحادي الضعينه
اگعُد يبو الغيره انولينه
انده يخويه و ماتجينه

اذكر يخويه وبطلعتي
تطلعين ياخويه ابختي
الحگ عليه وگول يختي

ايست من ردت الوالي
واصرخ واصيحن يادلالي
حال الهضم ياخويه حالي

كُل الحرم ونن وياهه
العباس اخوهه الدللاهه
وبشوفته وطوله اتباهه
شيعودهم ..شيعود طبتهم عليه

(( لخادمه اهل البيت عليهم السلام ام رحاب { سعاد حسين}
لا أجيز حذف الاسم او تنسب القصيدة لغيري))

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:21:13 (( ندبه لأبي الفضل العباس عليه السلام))
****
اهنا يلنادبه العباس
مشهوده وكفو منه

هوه الفارس المغوار
يحيي دوم للزوار
دومه يكرم الخطار
هوه الحيد المچنه

ترد لهفه المحتاره
وانته صاحب الشاره
يل ما خاب خطاره
محتاره شوصفنه

انته الحيدر مربيك
ترد لهفه الگاصد ليك
زايرلك ومتعنيك
يخيب ارجاي ماضنه

ماضنتي اتخيب ارجاي
وانته لكل محب وفاي
وحسين الشهدله أبهاي
من شافه ورجع منه

اندبك يابطل ياحيد
وتعرف گلبي شنهو ايريد
يابن حيدر الصنديد
وكلكم اهل المحنه

امدح وأنه الممنونه
وأريدن منكم العونه
خادمكم تحضرونه
واطلب منكم الجنه

(( لخادمه اهل البيت عليهم السلام ام رحاب { سعاد حسين}
لا أجيز حذف الاسم او تنسب القصيدة لغيري))

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:20:38 ٧‏/٨‏/٢٠١٨ ٩:٤٤ م - .: نعي من ديوان نحر الحسين ع الجزء الاول



وداع زينب واخيهه العباس (((ع))
لم يكن العباس (ع )اخ عادي بل كان نعم الخ حتى الاحضات من حياته جائه لتوديع زينب (ع) وقفت زينب وقالت ...

تكله

شلون خويه اوياك الوداع
جنهه العشره خلصت ابساع
من سمع زينب ثنه علكاع



ثنه وخواته كابلنه
عباس يلشايل حملنه
غصبن يخويه اتفاركنه



وياك اخذهه الضلت تنوح
فراكك يخويه ايعذب الروح
خال ابني وعليه الكلب مجروح



تانيني ياخويه اشويه
زينب انه وشلون بيه
عباس خويه رد عليه



اسمع يخويه ارد احاجيك
جلمه الخوه لايكه اعليك
عباس ياحلوه محاجيه



تصعب عليه الفركه ياحيد
عتبي عليكم بعد شيفيد
اخلافك اروح اديار البعيد



جنهه المروه خلصت اليوم
وهذا الوداع اوداع ميشوم
اختك عفتهه ابكلب مهضوم



اخوي يالماكو بغلاته
لو صاحلي بسمي شحلاته
اليوم عايفهن خواته



يلخوتك ماكو مثلهه
زينب عليكم زاد ونهه
عمت ولدكم لا تذلهه



عدمن يغالي ودعتني
عباس يالبيدك جبتني
جا ليش ياخويه عفتني




*لخادمة الحسين العلويه ام اياد لا يجوز حذف الاسم

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:19:44 قصيدة الى ابي الفضل العباس( ع)من ديوان نحر الحسين ع الجزء الاول



*خلصت عشرتي ويه الكافل اليوم*
*وياعباس مني الحيل مهدوم*


خلصت عشرتي وياك ياحيد
يا عباس بعد العتب شيفيد
نمت بلمشرعه وادروبها بعيد
عينك غمضت وسفه يجيدوم


جنها خلصت الخوه وياك
خويه انهض يبو فاضل اترجاك
اكعد شوف ضل حسين ينخاك
مجروح الكلب وعليك مالوم



ياجلمت الخوه انساهه اشلون
خويه عليك ضل الحيل مرهون
بعد ياهو اليباري الهاي الضعون
اكعد ونضر الحالت المظلوم


ريت على الشريعه انام وياك
يا عباس يلحلوه سجاياك
ماسمعته النخوه من انخاك
ينهر العلكمي ياريت مهدوم


وي راعي المحنه هذه الوداع
زينب حشمتكم كعدو بساع
ماسمعو يوسفه نومه علكاع
ضل كلبي عله الوليان مالوم


ياراعي العلم وينك يمغوار
كلب اختك كسرته وبي دوت نار
عله فراك الكفل ضل كلبي محتار
الفاكد اخيه دوم مهظوم



*لخادمه الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:19:08 هوسات للعباس ع





هوس العباس بالرايه ونزل للميدان
وابسيفه گام يحصد ارگاب العدوان
زينب شافته وصاحت علیه گمرعدنان


((ابن الطف لوعادالهوسه))

☆☆☆☆☆☆


خزرابحاجبه العباس چن سیفه خزران
ونزل للشریعه وماچنه عطشان
وذب المای من ایده ورکع للرحمان


((شال الشط جابه اعله متونه))


☆☆☆☆☆☆☆

رجع عباس صوب الخیم اتلگته اعداه
وزینب علی التل واگفه وتتناه
چن حیدریطب للکون سیفه ابیمناه

((ضرباته وارث من حیدر))


☆☆☆☆☆☆☆

وصل للخیمه وزینب اتلگته
صاحت علی العباس و تنخته
شال ایده ویگلهایاهله بخته


((بیمینی //واگلب هل کون))


☆☆☆☆☆☆☆☆

تـــــمـت والحمـــــدللـــه
الشــــاعره ام آمـــنه

واسالکم الدعاء
شرعا"لایجوز حذف اسم خادمةاهل البیت علیـــــــهـم الســــــلامـــ
=======================

. قناة نداء الحسین علیه السلام
غیرمبری الذمه من یحذف اسم الشاعرة
شارك وانشر للأجر والثواب
رابط القناة القصاید للإشتراك اضغط هنا

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 13:18:26 (( نعي زينب لأخيها العباس عليه السلام))
***
جيناك خويه انريد نمشي
ردتك يخويه ماردت شي
كثر البواچي طاح رمشي

طاح الرمش والعين راحت
وحمول گلبي اليوم مالت
ماگلت اخيتي شلون صارت

يعباس ياراعي المروه
ذبيتني وبگاع شلوه
وممشانه عنك صار گوه

ترضه يخويه لو لا زعلان
ابمشيته يخويه ويه عدوان
اترخصون ممشانه يلحنان

ادري عليك اليسر ميهون
وجسمه رعد من طبيت للكون
ترخصلي بعد للكوفه يردون

عدوانك يخويه ذللونه
وعمد اعله جسمك يمرونه
وراسك علرمح تجدح عيونه

احتاريت بين الجسم والراس
اظل ويه الجسم خويه يعباس
وگلبي يريد اويه ابو النوماس

عندي عتب ويه چفيلي
هوه الچفلني وگال شيلي
على فراگكم ذايب دليلي
تسوه العتب واعاتبنك

(( لخادمة اهل البيت عليهم السلام ام رحاب { سعاد حسين}
لا أجيز حذف الاسم او تنسب القصيدة لغيري))


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 11:25:34 الشاعر تحسين الخفاجي

الرادود ستار الصالحي Aprire / Come

2023-07-25 11:25:20 شيخ الزلم عباس   خلاها راس براس
راضع وفه البدويه   شد حيله اخو العلويه
**
امن الخيمه اجه الوفاي   حالف يجيب الماي
صح وحده بس اهواي   عباس ابو الغيره

حي الله سبع الليل   شيخ وصعد عالخيل
طب شوفاها الويل   وخله العده بحيره

بعده الكمر ما صاح   والصف الاول طاح
وتوسط الحربيه   شد حيله اخو العلويه
**
رف اللوه بيمناه  وزينب تصيح الله
من يهجم اشمحلاه   سل سيفه ابو النخوه

سوه الدرب خطوات   عباس ابو الكلفات
واليمه يوصل مات   ما ينطي ابد عطوه

حسين الاذن منطي   والغيره صعدت بي
ومن عدل الخاجيه   شد حيله اخو العلويه
****






شال اعله متنه الجود   وبالجربه حط اجنود
راعي العلم والزود  ما يرحم العسكر

بجفوفه ذوالفقار   وعيونه تجدح نار
عالحومه هب اعصار   واعله النهر سيطر

غيره وعزم متروس   سواها تله الروس
ينضح وفه وحنيه   شد حيله اخو العلويه
*
للخيمه مد شطين   وجاب النهر لحسين
واحتارت السبعين   ما تكدر اتصده

اشبيها السمه ايكولون    عباس اجه ايصيحون
اشورطنه بينه اشلون   محد وصل حده

واختبصت القادات    بجاه بالصولات
وميه يذب عالميه    شد حيله اخو العلويه
*









للحومه طب زعلان   ونسحبت الفرسان
غيم كمر عدنان   وبرايته اتقدم

ما خله منها اسباع   وبرجله طك الكاع
والزلمه بيهم ضاع   يابه الفضل تسلم

والنشمي راد ايصير   عالشط ركبته اطير
وهاي الحرب منهيه   شد حيله اخو العلويه
****
حته بضهاري الصيف   دمهم جمد عالسيف
يذبح نزل بالكيف    وفنهم يلاكونه

ما يخطه دوم ايلوح   بجفه بعلي مملوح
والشمر وين يروح    لو صدله بعيونه

عالمشرعه امن ايصيح   حته السيوف اطيح
خزراته مو عاديه    شد حيله اخو العلويه
***
تمت
تحسين الخفاجي Aprire / Come

2023-07-25 11:01:24 #العباس_ع


قصيدة ندبه لابي الفضل #العباس ع للشفاء
تقرأ في
سفرة ابي الفضل
سفرة ام البنين
مجالس ابالفضل
بالاخص يوم السابع من #محرم


*ذبي ادواچ والعباس روحیله*

*ماينفع طبیبچ من برد حیله*

.........................................
وصفت کل طبيب الیوم شگیها
والدویات گومي ابساع بدیها
محد للمشاکل غير راعيها
*راعيها أبو فاضل گومي امشیله*
........................................
روحي امحزمه للبيه الهيابه
ودگي الباب يفتحلچ گُبل بابه
والعباس یمسح دمعة أحبابه
*مريضه وداعت إسكينه دگلیله*
........................................
گلیله مريضه والمرض سلني
لوله العافية ياهو ايتحملني
وانا ابشاربك بس لاتفشلني
*ياعباس بيدك هالولم شيله*
........................................
چف عباس بيه وصفات مو وصفه
اخو زينب حنين وگلبي ايعرفه
كل وگفه الوگفه اتصیر ألف وگفه
*حيد ويه الكرامه عشرته اطویله*

........................................
ثوبه المرجله واعمامته النخوه
چفین الكفيل انطاها للخوه
إذا تشكين حالاً يسمع الشكوه
*وچاره الحاير إبسرعه یسویله*

........................................

یتلگاچ والعله يشافيها
ياما امراض داواها وقضى اعليها
مايدري المريض ولايحس بيها
*ويطيبه الگمر ساعت الیحچیله*

........................................
*تمت*

خادمة الحسين
*ام علي رضا الشريفي الحسيني*

العمل مهدى إلى مقام حضرة ابالفضل العباس ع
نسأل الله تعالى القبول والتوفيق وحسن العاقبة


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-25 10:59:25 عندما ارد المبارزه ابا الفضل العباس ع فأتى إليه الشمر لعنه الله قال يااباالفضل اترك الحسين ع وانظم الينا نحن خوالك ياعباس

نظرت هذا الموقف سكينه بنت الإمام الحسين ع فألتفتت الى عمتها زينب ع تقول

طشر كل خواله فدوه لحسين
حگج يالعقيله من تزمطين

طشر كل خواله ولعب بالحومه
گال شلون اعوف حسين بدمومه
دخانه اصبحت والناس ملمومه
((عايف خاله//يحسين ابشر))

خال العار هذا وعيب احسبنه
اشگ حلگ الشمر لحسين هيبتنه
عگال حسين عالهامه لحطنه
((اعالهامه//عگال امفصل))


اسكت ياشمر لتمرهن احدودي
ولاتنسب العار البيك لجدودي
مابيك المراجل توصل احيودي
((ابعد واتكتر//من ذوله))


ابعد  لا اجر السيف واتعصب
واظنك تعرف العباس من يغضب
يشريها الطلايب سبع مايتعب
((ظل  يرجف رد//واسحب خيله))


رد بخيولهم. خايف وحسراته
وحاجه الگوم باليرهب وهداته
گللهم ترا العباس بالكصات ضرباته
((بالگصه ينيشن//ضرباته ))


تمت بعون الله وتوفيقه

بقلم
#الشاعرة_أم_ذوالفقار_إسراء_اللامي

غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come