يابالفضل صـوت الفواطـــم ناداك زينب بقت وحــدهه وتريد احماك ** | قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

يابالفضل صـوت الفواطـــم ناداك
زينب بقت وحــدهه وتريد احماك
*****

صوت المسبيات اينادي .. انهض يا راعي النوماس
اعداكم سلبونه وضربونه .. وصحنه ادخيلك ياعباس
ابلا والي اخلافك ضلينه .. وأذتنه اسياط الارجاس
مهيوبات ابضلك عشنه .. ابعزه ومرفوعات الراس

رحنه غصب عنك وبالطف عفناك
يابالفضل صــوت الفواطـم ناداك
*****

تقبل بت حيدر مچتوفه .. بحبال ومسبيه اتروح
ياكافلهه انضر حالتهه .. مكسورة خاطر وتنوح
شدت ونهه ايعثر الناگه .. ونت ونات المجروح
راحت وي چتال اخوتهه .. وعافتك بالطف مذبوح

لمن طحت هضمونه ياخويه اعداك
يابالفضل صــــوت الفواطـــم ناداك
***

سكنه اتحشمك يابوالغيره .. وتشكيلك مــن الچمات
ترضاهه اخلافك نتلوع .. عالذله وعالهضمه انبات
شوف السوط اسوه ابمتني .. وسلبو مني الترجيات
عمي انهض مو وكت النومه .. ما هزنك هل چلمات

لو يحصلنه ابكربله انموت اوياك
يابالفضل صــوت الفواطم ناداك
***

كم ثكله وكم طفله التصرخ .. من ظلم العسكر والجور
ليل الطف اظلم ويخوف .. ماعدهن غيرك ناطور
وزينب محتاره ابشدتها .. وخاطرهه اعليكم مكسور
گوم وادرك ضعن الخدر .. يامن چنت الضعنك سور

يابو الشيم زينب غريبه وتنخاك
يابالفضل صــوت الفواطم ناداك
*****

اطفالك كلهه امتانيتك .. وين اوعودك يالوفاي
عطشانين ونطرو جودك .. يمته اترويهم بالماي
ضنو ترجع وتفرحهم .. ويسئلون اعليك اهواي
لاتتركهم يا كافلهم .. ماعدهم بالطف افياي

حسره وألم يابو المراجل فرگاك
يابالفضل صــوت الفواطم ناداك
**

الخادم
كامل السعيدي