قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-13 08:30:05 قصيده لثورة الحسين عليه السلام
____
تسير الشيعه هاليوم .
على دربك يامظلوم .
سفينه تودي للجنه/..يمن بدمومه امحنه. .


فريضه حب ابو السجاد عقيدتنه ومننساهه.
ولا نسمح لاأين كان يشككنا ابن طه.
شرف النه ورفعة راس نحبه وبيه نتباهه.
نضحي لجله نتمنه /..سفينه تودي للجنه.

هاي الدنيه رمشت عين عبرة كنطره وتكظي ..
فهم معناها ابو السجاد طلع منها رضي ومرضي .

علامه ظل مده الايام شجرة وخضرة برضي .

منهل نغترف منه /..سفينه تودي للجنه.



علم رفرف شعار ايكول لاللذله ولرده.
على نهج الحبيب اليوم ماي ابكربله اتبده.
عاش وظل مدد للناس شط و فايض بحده .
بشربه الصافي نتهنه /..سفينه تودي للجنه.





شعار العزه للحرار ظل ومحد ينكره .
غرس بحبابه كلمه( لا )صنع هالمفرده ثوره.

بوجه كل ظالم وخداع كلناها الف مره .
شمس بشعاعه ضوه النه/ .سفينه تودي للجنه.




خالد تشهد الازمان يابو الاكبر يامولانا.
كل ظالم يجينا يريد ينسينا ما ناسانا .
راح المزبله تاريخ ومسه في خبر كانا.
اثر ماظل ابد منه ./سفينه تودي للجنه


*ناعية الخيام*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:29:33 #قصيدة جديد محرم الحرام


الدنيا من غير الحسين شبيه
لو تصير الجـنه ماهـــــم بيهه

حبه لضامي فـــــرات
ومجلسه يعني الحيات
جمرتي لمصابه شيطفيهه
ـــــــــــــــــــــــــــــــــــــــــــــــــــــــــــــــــ

الدنيا ماتسوه ولا بيها أمــــــــان
بغير الحسين الحبيب أبكل زمان
اليــــــــشبه ماكو اليشبه بالحنان
أبو الاكبر حبه جــنه من الجنان

ياسفــــــــينة للنجات
مجلسه يعني الحيات
جمرتي لمصابه شيطفيه
ـــــــــــــــــــــــــــــــــــــــــــــــــــــــــــــــــ

ياسفينتنا الــــــــوسيعه المـــاتضيق
البيه يتساوى العدو ويــــه الصديق
واليوالي حـــــسين ويحسبه رفيق
مايـتيه ولايضيـــــع أبهل الــطريق


نور مـــــــن الضلمات
مجلسه يعني الحيات
جمرتي لمصابه شيطفيه
ـــــــــــــــــــــــــــــــــــــــــــــــــــــــــــــــــ

أعرفت حب الحسين من الصغـــر
وبلمجـــالس خلـصت كــل العمــر
حسين للـــــمــهموم ولكـل منكـسر
دمـــعـة أمــصابه تـنــور بالگــــبر

أسمه يجلي النايبات
مجلسه يعني الحيات
جمرتي لمصابه شيطفيه
ـــــــــــــــــــــــــــــــــــــــــــــــــــــــــــــــــ

حسين للشـــدات بــــيبان الفرج
مصيبته تدمي المحاجر والمهج
وكل مـــــن يسير بطريقه والنهج
دوم بالحــــق يمشي عنه ماخرج

حسين كعبه للصلاة
مجلسه يعني الحيات
جمرتي لمصابه شيطفيه
ـــــــــــــــــــــــــــــــــــــــــــــــــــــــــــــــــ

مبــــــــدا الاصلاح چانت سيرته
درس للاحــــــــرار صارت ثورته
شـرف للخــــــدام تعني خدمته
بگلب كل شيعي وهج من جمرته

تستعر حد الممات
مجلسه يعني الحيات
جمرتي لمصابه شيطفيه
ـــــــــــــــــــــــــــــــــــــــــــــــــــــــــــــــــ
تـمــت بتـــوفيــــق الله

بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه

ونسال الله التوفيق والقبول
وٲسالكم الدعاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:29:09 #محرم_الحرام١٤٤٥ه‍
#للخدمة_الحسينية


❆خــــدمتك يا أبو علي تنجيني❆
❆هي ذخري وكل حياتي وديني❆

• ━━━━━━❪❆❫━━━━━━ •

خدمتك يحسين زادتني فخر
لمجلسك نذروني أهلي من الصغر
والله لو ما أنته مايسوة العمر
ولعزائك فدة كل سنيني

• ━━━━━━❪❆❫━━━━━━ •

نبقى خدامك يبن حامي الدخيل
لو يميل الهوه صَدك مانميل
ألك دمعات العزه حتمآ تسيل
مصيبتك ياسيدي تأذيني

• ━━━━━━❪❆❫━━━━━━ •

مانعوفك لاوحق رب السمة
وثوبك المنشور ظل ينزف دمة
بالخدامة أنواسي أمك فاطمة
بدفترج يم الحسن سجليني

• ━━━━━━❪❆❫━━━━━━ •

كل محرم نقرة ونقيم العزاء
بل المأآتم تعله صرخات النداء
أبد ماننسى مصايب كربلاء
ونار جمرات الخيم تجويني

• ━━━━━━❪❆❫━━━━━━ •

ما نعوفك لابدنية وآخرة
نواسي مولاتي البتول الطاهرة
وللمشت تنعاك تبجي محيرة
سيدي أسمك حرز يحميني

• ━━━━━━❪❆❫━━━━━━ •

سيدي ماينتهي هذا العهد
أحنه خدامك نظل هذا وعد
باب للحاجات والخالق شهد
خدمتك ماي العذب ترويني

• ━━━━━━❪❆❫━━━━━━ •


تمــت بعون اللــه..

آلّشآعرهً آلــــّعــلّويِـــه آلّمٌوسويِــــۿ
لاإجيــــز حذف الأسم


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:28:41 شده للقاسم ع
****
صواني القاسم العريس انظرهه
ألطم عالوجه وضلوعي اكسرهه
***
احضر بالمجالس اسجب الدمعات
وانثر دمعتي واطفيهه للشمات
نوحي عالشباب الماتهنه ومات
مثل نار الشموع لروحي وجرهه
****
إلمن هالعرس والحنه والزفه
طبروك العده يوليدي ياوسفه
ومن دم النحر حنيت إله جفه
وهدوم العرس إلمن احضرهه
****
آنه ام الذبيح الماشفت عرسه
مات وظل بعد شم الهوه بنفسه
بعد ماشوف وجهه واكدر اتلمسه
ارسومه باللحد التراب غيرهه
****
يبني لطولك اشتاك بكلب لهفان
بعدك مشبعت من رفجة الشبان
نايم عالتراب ومنذبح عطشان
امك يالولد كلي شيصبرهه
***
كلب امك عليك آمال ظل يبني
ماظنيت غفله تروح وتذبني
آ يبن الحسن فركاك شيبني
ليالي افراكك بحسراتي اسهرهه
****
راح الحيل مني بشوفة صوابك
محروم الهوه من دون اصحابك
عفت كلبي الحزين ينام بترابك
وامك للسبي عدوانك تجرهه
***
أم علي


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:28:18 لطميه   ثكيله للقاسم ابن الحسن عليه السلام

عن لسان حال امه رمله

بالكلب تلهب جمرتك...يمه يمه
ماشفت يمه فرحتك..يمه يمه


ماشفت عرس وفرح لامن تهنيت
صحت ريض يالولد شو ماتوانيت
نار بالدلال يمه اليوم خليت
بالكلب تجوي فركتك.  يمه يمه


بالكلب تجوي ونيرانك سريه
صحت يمه يالولد ريض اليه
ضيعت طولك يجاسم هالمسيه
شلون احمل غيبتك...يمه يمه


شلون احمل غيبتك حراكه للروح
يمه ضل كلبي يون مايكطع النوح
والكلب مصدوع يمه وكله اجروح
البين طفه شمعتك...يمه يمه


البين طفه شمعتك وطفالي عيني
يمه لغيابك فلا يبطل ونيني
ياحياتي وزهرتي وشمعت اسنيني
ياحسافه ضيعيتك....يمه يمه


ياحسافه ضيعيتك وين الاكيك
وين اشوفك وين ارد اسمع محاجيك
يمه لو تنباع يمه بعمري لشريك
اشبيدي يمه ماحويتك...يمه يمه


اشبيدي يمه والزمن مارحم حالي
اخذ مني فرحتي وضم الغوالي
يمه ياجسام ياعزي ودلالي
من المنيه وين اظمك...يمه يمه



تمت الشاعره والمله ام حسين العامري

من ديوان زينب ولطفوف الجزء السابع

غير مبري الذمه من يحذف الاسم اويغير كلمات

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:27:50 شده للعباس ع
**
اتصيح زينب والمدامع هامله
كوم ياعباس ابو اليمه انوله
***
كوم ياعباس انهض يالحنين
كوم ياخويه انكسر ظهر الحسين
حاطته جيوش آل اميه الظالمين
إبلا مناصر وحده ظل بكربله
***
كوم شوف الشمر حز منحره
شلون تصبر تبقه نايم عالثره
وانته ابو الكلفات سبع الكنطره
بالغدر لاحوك يابو المرجله
***
فوك راس الرمح راسه علكوه
خنصره بالأيد ياخويه اكطعوه
وبحوافر خيل صدره رضرضوه
امسلب وعريان نايم بالفله
***
انخيتك بهالساعه واسمع نخوتي
خويه ياعباس حركو خيمتي
ترضه هالايتام كلهه بركبتي
طاح حملي وبس يمينك يعدله
****
شفتك بياحال نايم عالترب
اعتب وشيفيد ياخويه العتب
ترضه ياعباس خدري ينسلب
اعتب وناديت دهري وأسأله
****
ودعت خوتنه يم المشرعه
من شفت عباس جثه اموزعه
اجفوفك الطيبات ليش امكطعه
يسروني اعداك حلهه المشكله
*
أم علي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:26:49 هوسات لعلي الاكبر عليه السلام


وين العنده دمعه اليوم بيهه يروح
للمظلوم ويصيح بحزن وينوح
الله يساعدك شفت الولد مطروح
(( وابنك غرگان بدم راسه ))


غرگ بالدم علي وانچتل واتوذر
وگلبك سيدي مهضوم يتعصر
مكسور الضهر وتگوم ماتگدر
(( واهواي اجروحك واجروحه ))


اهواي اجروحكم نفس الالم بيهه
اعتابك والدموع ولايداويهه
اشلون اتروح لم عون شتحاچيهه
(( يبن امي اتصيح ابنك وينه ))


ها يحسين وين ابنك علي اتنشدك
عفته بيانويه وجيتني الوحدك
وانصارك گضو ماكو زلم عندك
(( محنيه اضلوعك هالليله ))


محنيه الضلوع وحيلك امهدم
وحدك جيتني والعين تهمل دم
باچر ياعزيز الروح ماتسلم
(( راسي گدامي يگطعونه ))


راسك ينگطع يحسين گدامي
من هسه بدت تتراجف اعضامي
باچر لو طحت مابات بخيامي
(( واخيامي اعداك يحرگوها ))


لشاعرة اهل البيت
الملة ام هجران العمارچية
غير مبري الذمه من يمسح اسم الشاعرة او يغيره


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:26:28 فزاعية لعلي الاكبر عليه السلام (وانته الگلت ماعوفهه)


چا ليش عفت امك تون
وانته الگلت ماعوفهه


امك عفتهه شحالهه
يلهب جمر دلالهه
ترجع عدل حسبالهه
يالاكبر اگعد شوفهه


اگعد وشوف شلونهه
دم ودمع بعيونهه
ليش العده يفجعونهه
وسلت الگوم اسيوفهه


اعليك السيوف امسلله
وامك تون وناحله
فرگاك ماتتحمله
بيش الجروح اتروفهه


بيمن اتروف اصوابك
يصعب عليهه اغيابك
وحسين ميت جابك
وصعبت انوب اضروفهه


صعبت اضروف امك بعد
تلطم وصاحت يالولد
اشلون اعوفنك وارد
ابكربله وطفوفهه


لو بيدي اضل يم جثتك
يوليدي وامسح طبرتك
چا ليش عفت الربتك
امچتفات اچفوفهه


امچتفه وحالي صعب
وامرافگه اخلافك غرب
للجلسه گلي اشلون اطب
لازم الجلسه نطوفهه


لشاعرة اهل البيت
الملة ام هجران العمارچية
غير مبري الذمه من يحذف اسم الشاعرة او يغيره

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:26:09 نعي لعلي الاكبر عليه السلام


عله گلبي الفرح مايوم      عده
يعد بجروحكم ويضيع     عده
شفت نعش الولد عالباب     عده
صحت ريض ولاريض شويه


شو حملت وامك عفتهه
تفرفح وراك ولاشفتهه
وانته ضخرهه وعافيتهه


انته الضخر والعافيه انته
من شلت گلب امك شلعته
وياك گالت كون ميته


اتگول اريد الموت وياك
انته العزيز وصعب فرگاك
امك گلبهه شلون ينساك


امك گلبهه امعلم اعليك
عافتهه كلهه وزامطت بيك
للگبر ماقبلت توديك


مارادتك للمگبره اتشيل
ليل ونهار ادموعهه اتسيل
حمل وياك وغرب الحيل


الحيل شال اوياك عنهه
والصور واثيابك عمنهه
يسباح گلب امك وابنهه


يسباح گلب امك المفجوع
ليل ونهار اخلافك اتلوع
منك رجاها اليوم مگطوع


انگطع ضنهه وكل رجاها
بس الهضم بجفاك اجاها
مچانك وحش ضل وعماها


امك تصد لمچانك اشلون
اظلم وحش ويبز العيون
وجهك حلو وبالگبر مدفون


لشاعرة اهل البيت
الملة ام هجران العمارچيه

غير مبري الذمه من يمحي اسم الشاعرة او يغيره



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-13 08:25:49 لطمية لعلي الاكبر عليه السلام (هاي هيه وايست)


هاي هيه وانگطع ضني بعد
من شفت راسك تطبر يالولد


انگطع ضني ولاعندي رجه
راسك امطشر بعد شيعالجه
گوه يمشي حسين للصيوان اجه
والدك مهضوم ويريدك سند
هاي هيه وانگطع ضني بعد


والدك مهضوم هاليوم اوحيد
لاولد عنده ولاعنده عضيد
گوم انشده وسانده وگله شتريد
ياشباب وموش الك نوم اللحد
هاي هيه وانگطع ضني بعد



موش الك نوم المجابر والتراب
ياشباب ولايگ اعليك الشباب
امك امحضره دمعهه والعتاب
بالدمع تغسل اصوابك من ترد
هاي هيه وانگطع ضني بعد


ماي ماكو وحضرتلك بس دمع
حگهه ماتنلام ليله تنفجع
ياعلي تنادي يمزيون الطبع
وين اروح وطاح بيتي والعمد
هاي هيه وانگطع ضني بعد


طاح سگفي والعمود اوين اروح
براسك الطبرات وبگلبي الجروح
اشلون ابطل النوح گلي وماانوح
ضاع مني الخير واهلال السعد
هاي هيه وانگطع ضني بعد


انته وجه الخير واهلال العمر
مني ضايع وين ادورك بالگبر
فرگتك ماتنحمل نار وجمر
وهالجمر يچوي بدليلي ومابرد
هاي هيه وانگطع ضني بعد

ياجمر فرگاك بضلوعي يشب
طولك امن ايدي حسافه ينسلب
عوف نوم الگاع واكعد للعذب
مو گلت وياج اضل وين الوعد
هاي هيه وانگطع ضني بعد



شاعرة اهل البيت
الملة ام هجران العمارچيه
غير مبري الذمه من يمحي الاسم الشاعره او يغيره


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come