قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

2023-07-11 09:32:13 فزاعيه للحسين ع


ذاك حسين عالتربان
وذيج الخيل داسنه


يون مكسره ضلوعه
من شافته المفجوعه
وذر من جسمه مشلوعه
(بايد حيله عالكاع يون)


صدره مكسر ومطعون
ابوجه حسين خافي الون
كاطع ركبته الملعون
( حزو راسه الكون اضلم)


زينب حظرت المصرع
شافت منضر المفجع
اشوف احسين متوجع
(مالوم يباوع للعيله)


يخيل شبيج ويه حسين
هذا الكون هذا الدين
بالحافر بسج اسحكين
( امطشراته ياجسم الدين)



زينب صرخت اعله الخيل
بسجل بعد مابي حيل
نخت يمته يجي هاليل
( اتريد اداوي اصواباته)


تمت بقلم خادمة اهل البيت
الشاعره
هيلين الساعدي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-11 09:31:36 فزاعيه لخوان زينب عليهم السلام

جاوينها وجوه اخوتي
بالتربان مدفونه



جاوين ذولاك الزلم
حسين ياخويه الشهم
والحيد شيال العلم
(وخلوني نامو عالكاع)


زينب تنادي يخوتي
يالماحظرتو نخوتي
كعدولي شوفو شدتي
( جرونه بحبال الخشنه)


جاوينهم عني بعدو
همه بختهم مادرو
حرم عافونه ومشو
(نسوان الضلت بالهيمه)


اطفال كاتلها الضمه
وينج ييمه فاطمه
زينب وحيده ولاطمه
( ياخواني عداكم بجونه)


لمتنه هيهات وترد
الراح ماناوي يرد
كلبي يخواني نمرد
(وحزنانه من يوم الشالو)

تمت بقلم خادمة اهل البيت
الشاعرة
هيلين الساعدي


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-11 09:31:05 فزاعيه للعباس ع


زينب تحشم بالكفل
يا صاكر العياله


زينب يخوها رادتك
النوم لا مو عادتك
حرمه وجيت بشيمتك
عذريني يختي وسمعتك
( و حميني عباس انهض)

عدوان غارت عالخيم
غربه يخويه هالزلم
ناديتكم يهل الشيم
جاوينه جفال الحرم
(وحركوها يبن امي الخيمه)


زينب عليكم هايمه
واليل ابد مانايمه
عالوجه كامت لاطمه
من ربها صارت عالمه
( المحزونه تدري بهاليوم)


طاحن اجفوفك عالنهر
ممدود وبحر الضهر
الوحده ردالي المهر
اطفالكم شبعت قهر
(امذرينه عباس الحيد)


السهم صايب عينه
تبجي وتون سكينه
منهو اليحامي اعلينه
لنهر كومي مشينه
( اطفال اتون وعطشانه)



تمت بقلم خادمة اهل البيت
الشاعرة
هيلين الساعدي


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-11 09:30:36 مربعه للعليه (عليها السلام)

هنيالــــه المـشه اوياكم يالاحباب
مهضومه العليله اتصيــح بالبـاب

=========================

هنياله الترافگ وي ضعينتكم
رحتوا وين يالعفتوا عليلتكم
ضلمه وتخمش بگلبي ثنيتكم
روحي امعلعله وماتحمل اغياب

=========================

روحي معلعله وافراگ ماتحمل
تدرون الابنيه ابغير اهلهه اتذل
دولبنــــي وكتلني امكدر المنزل
ويفتر عالمباني ايون الغراب

=========================

غراب البين ينغگ عالمباني ايحوم
احس حيلي تحطم والگلب مالوم
خاف بكــربله مايسلم المظلــــوم
واخاف بهامته العباس ينصاب

=========================

افكر گاعده وروحـي تهم بـيهم
وتــون وياي عالشالـوا مبـانيهم
لو يمـي الحياده سيـــرت ليهم
اگلهم عالألم يصعد ولا طاب

=========================

من جدمي الألم ضل يصعد لعيني
اصيــــح اهنا ييمه اشلون عفتيني
ردتـج لو ملــــت بيدچ تعــدلينـي
ماأعتب بعد شيفيد الاعتاب

=========================

أعتــب والمعـاتب بــــيش فايدني
فگـد اعــزاز گلبي اهــموم زودنـي
تبعت اضعونهم حادي الضعن ردني
ابدمع العين لكتب للولي اكتاب

=========================

اريد اكـتب كتاب وحالتي اشرحـهه
وعيونـي المـرض والنـوح مولحـهه
بويـه حسيــن بتك ليش تجرحـهه
ماعندي ذنب فهمني الاسباب

=========================

*بقلم ... خادمة اهل البيت ع*
*الشاعرة أم هجران العمارچيـه

غير مبري الذمه من يمحي اسم الشاعره اويغيره اوينسب القصيده لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-11 09:30:14 فزاعيه للسيده العليله ع


شال الكربله يحسين
وانه بنيته خلاني


خلاني وحيده اليوم
ابجي وكاظيه بالوم
متروس الكلب يهموم
اليش بداره عافاني


ماخذ عيلتها كلها
روحي اليوم جاشلها
رقيه وعمتي شايلها
زادت حيل يحزاني


زغيره البين هم طكني
ماواحد سأل عني
اريد حسين يسمعني
مريضه وتجوي نيراني


ابوي ضعونه ماخذها
بنيته اليش عايفها
بيده الروح دلالها
وحيده وابجي شافاني


يرد ياريتلي حسيني
وعبد الله يسليني
وكطع نوحي وونيني
ماخذ كلها خواني


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الثلاثاء2023/7/4
١٥ذوالحجه سنة هجري١٤٤٤نسالكم الدعاء
لي والوالدي اللهم عجل لوليك الفرج

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come

2023-07-10 16:13:14 الشاعر حسن لعيبي الحريشاوي
الرادود ستار الصالحي Aprire / Come

2023-07-10 16:13:13 بذكر عاشور واحزانه   روحي بهظم خلصانه
★★★★★
تهل دموعي مثل النار   من هل شهر المحرم
شذكر يانحر مگطوع     صدر الغانمه امهشم
وزينب تنظر العدوان        وصلوا يم المخَيَّم
بلاخيمه وأهل ظلت     عليها الليل من خَيَّم 

بذكر عاشور واحزانه   روحي بهظم خلصانه
★★★★★
شَذَّكْر من مصاب حسين   اجته الگوم  طَلَّابَه
ناده بالعده ياناس        أشمَعنَه الغدر واسبابه
شجنيت وَغَيَّرت بالدين  وأشحرفت بكتابه
اسهام الرد اجه ورماح   مطر نزلن على ارچابه

بذكر عاشور واحزانه.  روحي بهظم خلصانه
★★★★★
شذكر من حزن زينب   هظمها  ونار لوعتها
تطفي خيام لو تجمع   ظعون الگوم سلبتها
لوتمشي تودع حسين   جثه الخيل داستها
لويم الشريعه تروح   اهناك الروح  عافتها

بذكر عاشور واحزانه  روحي بهظم خلصانه
★★★★★
شذكر من الم عباس   ذخر زينب وحاميها
ما لحگ يجيب الماي   عطاشى اعيال يرويها
چفوف تگطعن والعين   سهم دزوه يطفيها
الساعه نكسر ظهر حسين   وقلة حيلته بيها

بذكر عاشور واحزانه   روحي بهظم خلصانه
★★★★★
شذكر لومشه الاكبر    وابوه حسين يبراله
تَصَدَّع  گلبه من شاهد    تأثر بالعطش حاله
نظر من كل كتر دارت   عليه جيوش خياله
شحال حسين من شافه   صريع امگطع اگباله

بذكر عاشور واحزانه   روحي بهظم خلصانه
★★★★★
شذكر من اجه القاسم   مثل نور الگمر مطلع
عمه  حسين.  يترجاه.    .  راده للخيم يرجع
يعمي كل عرس ماريد.  ومالي بالعمر مطمع
بالدم رايد اتحنه    ولجلك جسمي  يتگطع

بذكر عاشور واحزانه  روحي بهظم خلصانه

الشاعر حسن لعيبي الحريشاوي Aprire / Come

2023-07-10 12:48:20 فاطمة العليله (محرم1445)

كل البــنات اويه الابو  گعدن يلعبن
بس انه دمعـاتي على  خدي يصبن
يگولن.  هاي الماخـذوها
يگولن.  ماموجود ابوها
كل البنات
°°°°°°°°°°°°°°°°°°°°°°°°°

خيــــعون الابوهـا اويـاها ليليه
ويضمها اعله صدره الكله حنيه
الابو مثل الدعاء لوجبنه طاريه
خيمه وتســــتراح التگعد ابفيه

يوجعني گلبي اشما شفت اب وي بناته
چا ماخـــــذاني والدي اويه امــــدللاته
انوحن ـ  روحـي عـذبوها
انوحن ـ  والونه اسمعوها
كل البنات
°°°°°°°°°°°°°°°°°°°°°

اذا عـن الدلال ايســــولفن يمي
اذكـــر لمت اهلي اوالدي وعمي
يخلص ليلي بالون وغرگ بهمي
ليليه عليهم يحــــــــــترگ دمي

ياطفله مثلي اتعــــــذبت بفراگ اهلها
ومن شوفت عزاز الگلب گطعت املها
تناطر .. لكن ما اجــوها
تناطر .. بالدار اتركــوها
كل البنات
°°°°°°°°°°°°°°°°°°°°°

يجن يمي ويســـــألن عن اخياتي
وتكــبر حســـــرتي وتزيد لوعاتي
گلبـــي ايذوب امن اذكر عزيزاتي
ماضن طفله عاشت نص معاناتي

كل غايب الاهله رجـع بس انه أتاني
لارد ضعـــنهم لاخـــــبر منهم اجاني
يوحــشة .. داري المــا لفوها
بالاحزان .. مــن راحو ملوها
كل البنات
°°°°°°°°°°°°°°°°°°°°°°°

ما اطلــــــع والعب وي البحـــــلي
ماضل عندي واهس فارگت خلي
ارد مــــــن يستقر بينه الامر گلي
ولحد هسه ولا مرســـــال واصلي

ماادري شنهو العطله مرسال الاحباب
ضلـيت اركض عالهـوه لو حـرك الباب
يروحي .. حنت عل جفوها
يروحي .. كلش مرمــــروها
كل البنات
°°°°°°°°°°°°°°°°°°°°°

جفو نور البصـــر والدنيه خذلتني
على جمرة هجرهم امشي خلتني
تضعضع حيلي والحسبات سلتني
ومن كثــــر البواچي الناس ملتني

اتحير دليلي ونهظم عگب العزيزين
لايمي زينب لاعلي لا والدي حسين
بالوداع .. روحي حيروها
بالوداع .. عله چملـــــوها
كل البنات
°°°°°°°°°°°°°°°°°°

الخادم
كامل السعيدي Aprire / Come

2023-07-10 11:00:58 #وبدأ العد التنازلي لمحرم الأحزان
باقي (9) أيآإم فقط ...

#يا__أبا_عبد_الله Aprire / Come

2023-07-10 10:59:23 قصيده لبدايه محرم

كرب عاشور خل نتحزم احزام
نون اعله الذبيح ونلطم الهام

واجب نستعد ليوم عاشور
عالهامه ندك وفوك الصدور
اليبجي اليوم عالمظلوم ماجور
عالغبره بقه مطروح ايام

يحله النوح للماشاف تغسيل
نايم عالتراب ودمه ايسيل
واتكسرت اضلوعه ابحافر الخيل
ونبتت بالصدر اشكال الاسهام

تحضر بالمجالس امه وتنوح
وتنادي اوليدي مات مذبوح
كل ونه تونهه تذووب الروح
حكهه الوالده والله متنلام

حكهه لو بجت واتهل الدموع
عمت عيني وتدك فاطم عالضلوع
ياكلب الزجيه اشكثر موجوع
عالعاف العقيله وعاف الايتام

واجبنه يشيعه بشهر الاحزان
نعازي فاطمه وحيدر الريسان
حسين مصيبته بجت الاكوان
ماننساه ابد ليه احنه خدام

*بقلم خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ Aprire / Come