Lombardia Incoeu

2022-08-20 21:00:00 MINI-TG CAMPAGNA ELETORAL 20/8/2022

Center-sinistra
Liste PD, el La Regina el se retira di liste, el Letta ghe domanda a l'Amendola de deventà capo-lista
El Di Maio: "du o trii euro l'ora l'è sfrutament, ghe voeur un salari minim, ma podom no fàll per lesg, perchè 'l pagarien i imprese"
I Radicai Italian sostegnarann el center-sinistra, ma senza dà 'n indicazzion de lista
'n oltra candidada del PD contra l'Israell: "un stat de apartheid". El Salvini: "vergogna"

Center
El Renzi: l'Israell el gh'ha el dover, oltra che el dirit, de esister. Ghe 'l disi a la comunità di sgiudee: ve par normal stà in d'un partid che 'l candida vun che l'è contra la legitimità del Stat ebraich?"
Pension, la Pastorella: in tra 3 mes la torna la lesg Fornero, per num la va ben quella

Center-destra
El Berluscon el rengrazzia el Giovanardi: "otim minister, num sem representant di valor cristian"
La presidenta del Senad Casellati la se candidarà ancamò in la Cambra Volta, a l'uninominal de la Basilicada
La Pravda la taca la Meloni: la scerniss la strada del caos e la menarà l'Italia in d'una crisi an'mò pussee granda
El Toni Iwobi el sarà no recandidad in Parlament

Alter
A Porta a Porta se sfidarann el Letta e la Meloni el 22 de setember, protesten i partid pussee piscinit: "voeurom vességh anca num"
Per adess nissun magistrad l'ha domandad l'aspetativa per candidàss in di elezzion
El Falasca el nonzia che 'l se candidarà no cont el Terz Pol: "Italia Viva e Azzion n'hann insubid collegi lontan di me territori"

@lombardiaincoeu Aprire / Come

2022-08-20 17:02:03 #LALENGUA | EL LOMBARD PER EL DANT

Al Dant ghe staven in sui balle un poo tucc i volgar de la soa epoca. Per dì che 'l lombard el ghe piaseva nò, l'ha tirad foeura una parodia toscana de milanes e bergamasch, o ben:

«Enter l'ora del vesper, ciò fu del mes d'occhiover.»

De 'na banda, l'è interessant che i habia tratad insema menter che, i academich d'incoeu, prometen che inn lontan tant 'me Roma e Lisbona.

De l'altra, in la fras, se troeuven di carateristeghe che inn lombarde de bon: per esempi, l'elision de tute i vocai atoneghe foeura che la A. Inoltra, la parolla occhiover la presenta di vesinanze cont el lombard oriental otover e soratut cont el lombard alpin occiover.

Pussee inanz inoltra el Dant el ne cunta su che anca a Padova se parla on volgar compagn de quell de Verona e de Bressa, segn che on temp in de la pianura veneta se parlava ona lengua compagna del lombard e che poeu, dopo de la colonizazzion veneziana, la s'è retirada semper pussee invers i confin del dì d'incoeu.

@lombardiaincoeu Aprire / Come

2022-08-19 23:00:39 MINI-TG 19/8/2022

Atualità
'N azienda famosa che la vendeva vin cont el Duce e 'l Hitler sora la scerniss de fàll pu
Dazn, rimbors dobi e automategh per i abonad

Crisi in del mond
I russ sarien pront a fermà la central nuclear de Zaporisgia
Ucraina, el Zelensky: "la guerra l'è scominciada con la Crimeja e la finirà con la soa liberazzion"
El Nord Stream el sarà fermad del 31 d'avost al 2 de setember per manutenzion

Esteri
Stat Unid, se s'centren du Cessna a San Francisco, almen trii mort
La premier finlandesa Marin la nonzia che la farà el rest anti droeuga
El jihadista Elsheikh, vun di "Beatles de l'Isis", l'è stad condanad a la galera a vita in di Stat Unid
S'ciopetada in d'un center comercial a Malmö, almen du ferid

@lombardiaincoeu Aprire / Come

2022-08-19 21:01:35 MINI-TG CAMPAGNA ELETORAL 19/8/2022

Center-destra
El Berluscon: saria content de jutà FdI e Liga a entrà in del Partid Popolar Europee, el sovranism l'è 'n ideja cioca
El Giorgetti el sarà candidad a la Cambra in del collegi Lombardia 2 (Valtolina, Volt Lagh, Sondri)
El Berluscon: "la guerra l'ha fada la Russia, a violà el dirit internazziona e la sovranità. Stem con l'Ucraina. Num sem garant de l'atlantism de la coalizzion"
El Carlo Nordio el se candidarà con FdI
El Salvini: "la Sanna Marin una bella dona, la gh'ha el dirit de ballà"

Center
In del programa del Terz Pol a gh'è la visita a gratis a Roma per i sgiovin
El Renzi: "el Letta a l'è mister IVP, el darrer a volzàlla"

Center-sinistra
El Morassut del PD: "El Salvini in sul nuclear el parla per slogan, un governo de destra el saria 'na catastrofe per l'ambient"
Istruzzion, el Bonaccini del PD el voeur la scoeula obligatoria sgiamò de l'ann zero
El Letta: "l'obietiv l'è fà che 'l PD el sibia el partid el pussee votad in tra i sgioven"
Scandol: el capo-lista del PD in Basilicada, vesin al Provenzano, l'ha fad di pòst contra l'Israell e la Merkel, che l'ha ciamad ditadora

Alter
M5S, el Davide Buffagni, fradell del Stefano, candidad terz in circoscrizzion Lombardia
Mi Dervi la s'cepa la lianza cont el Sgarbi: "podom minga stà con Forza Italia, che l'ha sostegnud di mesure che ne fann gomità"

@lombardiaincoeu Aprire / Come

2022-08-19 17:27:16 Zaporisgia, l'Elisee: ok del Putin a mission AIEA in la Central, el Putin al Macron: "ris'c catastrofe"

@lombardiaincoeu Aprire / Come

2022-08-19 11:43:46 Elezzion 2022, el Salvini el se candidarà al Senad 'me capo-lista a Milan.

@lombardiaincoeu Aprire / Come

2022-08-19 09:40:01 China, un tribunal el condana a 13 agn l'imprenditor sino-canades Xiao Jianhua. Per el Canadà l'è 'n cas politegh.

@lombardiaincoeu Aprire / Come

2022-08-19 01:49:22 Elezzion 2022, el Giuseppe Conte el sarà el capo-lista del M5S a la Cambra a Milan. El sarà anca prim in Sicilia.

Capi-lista in Lombardia al Senad Marton, Sironi e Bonettini

@lombardiaincoeu Aprire / Come

2022-08-18 22:59:59 MINI-TG 18/8/2022

Atualità
La vos "Charles Leclerc" la riva in vedrina in su la Wikipedia lombarda
People Mover de Bologna, ferma 'n oltra naveta, i passeger a pè tornen
Temp gram in Altitalia e Toscana, un para de mort: borlen sgiò di tochei del ciocher de San March a Venezzia
Basileja Cità, la scomincia la sperimentazzion per la marijuana per divertìss in farmacia

Crisi in del mond
Ucraina, el Zelensky l'esclud una pas con la Russia senza che i so trupe vann via
El Medvedev ai europee: "castighee i governi idiota ai urne"
Turchia: el Putin el podaria vesser pront a incontrà el Zelensky
Estonia, de incoeu stop a l'ingress di turista russ
Erdogan a Leopoli, el Zelensky: "un gran messagg de sostegn", el leader turch: "no a 'na noeuva Cernobil a Zaporisgia"

Esteri
Finlandia, la premier Marin la va a festegià e 'n quajvun el se domanda se l'ha ciapad di droghe
US, el sospet del cortellament del Rushdie el se deciara minga colpevol
China, epidemia de Covid a Xiamen, i autorità ghe fann el tampon ai pess
El consejer fiscal del Trump Weisselberg el se deciara colpevol de frode e de evasion fiscal: el gh'havarà de pagà indree pussee de un milion e fàss un quaj mes de galera

@lombardiaincoeu Aprire / Come

2022-08-18 22:31:57 Crimea, la penisola contesa sota atach: s'ciop arent a 'n reoport, sonen i sirene de defesa aerea.

@lombardiaincoeu Aprire / Come