Lombardia Incoeu

2022-09-02 23:00:57 MINI-TG 2/9/2022

Atualità
Formula 1, l'Oscar Piastri el corrarà con la McLaren l'ann che 'l vegn
Scoeula, de la Region 1.3 milion per i esperienze foeura d'Italia per i student IeFP
Gazprom, fermad del tut i fluss in del Nord Stream per una falla
Folball, el president Fontana ghe fa i auguri ai squadre lombarde che doman sgiugarann la serie B
Formula 1, a ris'c la fan zone, l'è stada sequestrada
Om in Veneto el dis che 'l Cadorna l'era un sassin e 'n criminal de guerra, condanad a resarcì 10'000€. L'è polemica in sul stat de la libertà de espression in Italia

Crisi in del mond
Gas, la Von der Leyen: l'è temp per un tecc al prezzi del gas
Argentina, proeuven a sbaràgh a l'ex presidenta Kirchner, l'arma la sbara no. In piazza i peronista che griden al complot
Messagg del Zelensky a Cernoeubi: pront a volzà l'export de corrent in Europa
La Russia: "vendarem pu gas e petroli al Stat che meten un tecc ai prezzi"
Mosca: i Stat Unid voramai inn part del conflit in Ucraina

Esteri
La se bloca in del Bosfor la nav Lady Zehma, partida de l'Ucraina e destinada a Ravena.
Stat Unid, la resta incastrada 'n operadora de 'n aeroport in di machinari che la menen in sgir con violenza, l'è morta in ospedal
Liechtenstein, sentud un terramot ier in del prenzipad, propi menter che el Landtag el parlava de terramot
COVID, in di Stat Unid perdud vint agn de progress in l'imprender de la matematega per via di sarradure
Sri Lanka, l'ex president l'è tornad de l'esili

@lombardiaincoeu Aprire / Come

2022-09-02 21:00:36 MINI-TG CAMPAGNA ELETORAL 2/9/2022

Center-destra
La Meloni in su la soa eventual premiership: me tremen i polsi ma son determinada e gh'hoo coragg
El Nordio de FdI: tajà anca el trasà in la giustizzia, men intercetazzion e pussee de cangeler
La Craxi de FI: mi spostaria no l'imbasciada a Gerusalem, la gh'ha de vesser capital de tucc, 'me el Vatican
El Berlusconi: el Putin l'è andad in guerra con l'Ucraina perchè portad del Partid Comunista
El Pillon de la Liga: se divorzia mìnga di fioeu, afid compartid una lesg de civiltà
El Salvini: el governo in carega el gh'ha de aprovà un pian de 30 miliard per el gas
El Berlusconi: el center-destra el farà el pont in sul Stregg, saroo in Sicilia quand che meten la prima preja
El Brugnaro de Num Moderad: podom resolver i probléma domà a fà debit besogna tajà spesa e fàlla pussee eficienta
La Meloni: el tecc ai prezzi el voeuren no Olanda e Germania

Center
la Carfagna de Azzion: sarem la cà di italian che ghe creden a la politega, gh'hem de tajà i tasse, voeurom no el Sud 'me causa persa
El Renzi: la sinistra adess la voeur abolì la scioraria, cont el Dì Maio hann abolid la povertà
El Renzi: Letta semper pussee in dificoltà el cunta che votà num l'è votà Meloni
El Calenda: votà el terz pol l'è tant 'me votà la destra? Penser de mataj
El Costa de Azzion: pinole de CSM, el magistrad che 'l ciapa di ducument che 'l revarden l'è no castigad se l'éra turbad
El Calenda: el popolism in Italia l'è scominciad cont el referendum nuclear, che l'è l'unega roba a energia costant e emission zero
El Calenda: quest chi l'è el sit per quei che compartissen el penser de Sturzo, Rosselli e Einaudi, de dover civegh e no apena de dirit
El Renzi: ghe voeur subit el MES sanitari, femes trovà pront ai sfide del futur
La Gelmini: la Liga l'ha fad borlà sgiò el governo Draghi quand che l'éra pronta la lesg quader in su l'autonomia

Center-sinistra
El Di Maio: me despiàs che la destra la gh'ha no un pian in sul gas
El Della Vedova: El noster l'unegh vot europeista e liberal-democrategh che 'l juta no la destra
La Scarpa del PD: "volzà l'aliquota de l'imposta de la tassa de sucession", critegada per el so italian
El sindegh Sala: daroo el me contribut in di elezzion, a menà inanz el modell Milan
El Cottarelli: el saria stad mej liàss anca cont el Calenda el Renzi, ma con la lesg che la gh'è adess gh'è un premi a andà insema

Alter
Sudtirol, i sondagg: ben SVP, croden sgiò i partid italofen
El Moviment 5 Stelle: sem i unegh a lavorà per el salari minim a 9 euro l'ora
Contrapass Bonvesinian ironegh per la Cunial, finida vitima di complotista per un so salut, considerad massonegh
El Cappato el domanda un decret per i firme digitai e 'l da su recors d'urgenza al tribunal de Milan

@lombardiaincoeu Aprire / Come

2022-09-02 19:33:52 Emergenza gas, Gazprom la sospend i fluss in del Nord Stream a temp indeterminad per di guast e falle in del sistema.

@lombardiaincoeu Aprire / Come

2022-09-02 19:10:46 Pavia, doman el dervarà el noeuv Pont Ghisoni: l'éra serrad de milla dì.

@lombardiaincoeu Aprire / Come

2022-09-02 16:13:10 El G7 l'ha aprovad el pian per meter un tecc al prezzi del petroli russ. Mosca la menascia de vendél pu.

@lombardiaincoeu Aprire / Come

2022-09-02 11:01:24 Aprire / Come

2022-09-01 23:40:30 Folball: l'Atalanta la bat el Torino 3-1

@lombardiaincoeu Aprire / Come

2022-09-01 23:01:22 MINI-TG 1/9/2022

Atualità
Ok de l'EMA al vacin COVID mirad contra Omicron
El Cremlin el nonzia che 'l Putin el sarà no a l'obet del Gorbaciov, ma l'è andad a la Cambra Ardenta
Folball, mostrada la terza maja del Monscia, in onor de la soa storia
China, i Nazzion Unide: in del Xingjiang grame violazzion di dirit de l'om

Esteri
Russia, mort l'oligarca Ravil Maganov della Lukoil, l'è borlad sgiò de 'na fenestra in ospedal
La Polonia ghe domanda a la Germania i reparazzion de guerra, Berlin: "la question l'è serrada"
Giapon, el Yen el toca el minim in sul dollar de 24 agn
California, el Stat l'aprova de tegnì verte i centrai nuclear per pussee de temp
China, in 21 milion in lockdown a Chengdu, a ris'c l'economia
San Marin, ok a la lesg in su l'abort: el sarà pu riat, ma obligatori passà al consultori

@lombardiaincoeu Aprire / Come

2022-09-01 21:59:58 La Casazzion la ofizializza el process eletoral, ghe sarann apena do coalizzion: quella de center-destra e quella de center-sinistra. Insema a lor Italia Viva-Azzion, Moviment 5 Stelle, Italexit, Italia Sovrana e Popolar e Union Popolar, poeu varie liste locai

@lombardiaincoeu Aprire / Come

2022-09-01 21:00:00 MINI-TG CAMPAGNA ELETORAL 1/9/2022

Center-sinistra
El Di Maio: el Putin el va inanz a recatà cont el gas, tecc del gas l'è priorità ma per colpa de Salvini e Conte el mandad del Draghi l'è pussee debol. El Salvini el voeur menà i daner del Pnrr de la Bassitalia a l'Altitalia
El Letta: "descostament de bilancc una scerna de emergenza, podom minga fàll domà num. I sanzion a la Russia fonzionen, besognaria recordà pussee el Gorbaciov"
La Bonino la sostegn la legalizazzion de la cannabis: toeu via 7 miliard l'ann di mafie, l'è bonsens
El Letta: de Milan scominciarem la remonta che ne portarà a rebaltà i sondagg

Center
El Calenda: per el Letta l'è un cinema l'ideja de incontràss per fà la quadra in sui bollete, l'è l'unegh leader a refudà el confront. El so messagg l'è partì italian in bon e cativ, e i cativ inn quei che voten no el PD
La Pastorella de Azzion ghe respond al Rampelli in su Alitalia: "regordee che quei cont el programa pussee costos e descovert voeuren sutà a dà daner a Ita-Alitalia"
El Renzi: "la svolta sovietega del Letta in su tasse e proprietà del Letta l'ha fad el PD invotabel"
Nuclear, la Pastorella: in del mix energetigh ghe coeur el nuclear, senza podom no rivà al zero emission

Center-destra
El Salvini l'insubiss ancamò la castrazzion chimega per quei che violenten
El Speranza el sfida la Meloni in d'un dibat: "i to invetive paren quelle di no vax, fem un bell confront in su la sanità"
La Meloni: sem in quella situazzion chi perchè l'Europa inveci de pensà a l'energia la pensava a cusinà inset, quand che 'l disevom ne daven di anti europeista
FdI l'insubiss el fopon di bambin mai nassud, el center-sinistra: "proposta oscurantista"
FdI l'insubiss de recalcolà cont el metod contributiv i pension pussee volte
El Salvini: "el nuclear ghe voeur, el disen i scenziad, no Salvini o Fratoianni. Che lu el se met l'anema in pas"
La Meloni al comizzi: el disi ciar, sem mitud no ben, ma con coragg e bona volontà podom cambià tendenza

Alter
El Rizzo: "el me post in sul Gorbaciov l'è una provocazzion, l'è l'icona de la globalizazzion"
El Paragone: "voeuri andà via de l'Europa, che l'ha destrugad el tessud social italian. Cont el Rizzo gh'hoo in comun la lota al neoliberism"
La lista Vita, che la gh'ha dent la Cunial e 'l m3V, la corrarà in 20 circoscrizzion in su 27 a la Cambra
El Conte: "in l'Agenda Draghi gh'era no el confront, ma se scerniva in d'un quaj ministeri"
El Gran Nord el va inanz a dì de votà no: "'sta voeulta minga cont el me vot"

@lombardiaincoeu Aprire / Come