Lombardia Incoeu

2022-08-02 17:44:49 Taiwan : l'è aterrada a Taipei la speaker de la Cambra di Representant Nancy Pelosi. Armada in allerta, i Stat Unid s'ceren quater nav de guerra, cacia chines in del Stregg.

@lombardiaincoeu Aprire / Come

2022-08-02 17:15:25 Taiwan, la China la sarra el spazzi aereo del Stregg a tucc i reoplan civil.

@lombardiaincoeu Aprire / Come

2022-08-02 17:00:22 Acord Letta-Calenda, la reazzion de la politega: per Italia Viva "el Calenda el s'è apena liad cont el Fratoianni e 'l Di Maio, la storia di collegi l'è una barzeleta, ma la fa no rider, quella che ciamen solituden per nunch l'è coragg, pront, ghe sem!"; FI: "Azzion l'ha mostrad de vesser la quinta colonna del PD, Calenda l'è tornad a cà", el Conte: "finida la telenovela, ma l'è 'na muggiada, de la Gelmini di taj a la scoeula al Calenda che l'è mai andad foeura de la ZTL".

In l'acord anca el no a candidad divisiv in di collegi, no ai ex Forza Italia e ai du leader. Partizzion 70/30 di collegi e del temp in di media.

@lombardiaincoeu Aprire / Come

2022-08-02 15:00:51 MINI-TG DEL DÌ 2/8/2022

Atualità
Lombardia, riven pussee di treni Donizetti, la Region: "con lor pussee de puntualità"
Tangent, menad via vun di manager de la Fera Milan
Svizzera, permess S per refugiad: "i abus se cunten in sui dicc de 'na man"
El gh'è l'acord RFI, Region e Provincia: via i passagg a nivell de la zona de Sondri
Mazzament del al-Zawahri, el Biden: "doperad un dron, nissuna presenza in sul territori" e 'l amoniss: "la soa presenza violazzion di acord coi Taleban"
El Cappato el nonzia che la dona che l'ha portad in Isvizzera l'è morta e che doman el se auto-denonziarà

Politega
Urne, Fratoianni e Bonelli pront a candidàss in del proporzional, inscì de fà no inrabì el Calenda
El Renzi: l'è no che me son spostad a destra, l'è la sinìstra che la s'è radicalizada
El Toti de Italia al Center: "voeuri i regassificator e i infrastruture"
La Castellone del M5S: "El governo Draghi l'ha piconad el redit de citadinanza"
El Giuseppe Conte: "el camp largh l'è deventad un camp de bataja"
El Crosetto: "el federalism l'è no fondamental. In Grecia l'è vegnuda su la mortalità di fiolit per respetà i parameter tecnegh. Mai stop a l'abort in del programa"
Autonomia, el Zaia de la Liga: "l'è in la Costituzzion, l'è no egoism. Gh'è de sortì de l'età de Mez centralista"
Noeuv adio in del M5S a la Cambra, la va via la Dieni. El Grup Messedad el riva a 100 member, l'è el segond grup dopo la Liga
El Scalfarotto de IV: "faroo campagna eletoral in Puja, a difender el TAP de Calenda e Emiliano"
Acord PD-Azzion, i ex FI sarann no candidad in di collegi

Esteri
Ucraina, el Trump: "gh'haveven de fà 'n acord per entrà nò in guerra. Con mì a la Cà Bianca la ghe sarìa no stada"
Kosovo, el Sánchez: "per nunch independenza contra el dirit internazzional", el Puigdemont: "la Cort Internazzional la pensa diversament"
Stat Unid, condanad a pussee de 7 agn quei che inn entrad al Congress armad a menascià la Pelosi
La California la deciara el stat de emergenza per el varioeul di simie
Israell, ciapad el leader de la Jihad islamega in Cis'giordania
El procurator del Belgi el farà no apell a la sentenza per i atach de Paris, che la deventa donca esecutiva

@lombardiaincoeu Aprire / Come

2022-08-02 14:36:46 Elezzion , el gh'è l'acord Letta-Calenda: Azzion e Pussee d'Europa nonzien che corrarann in coalizzion cont el PD.

@lombardiaincoeu Aprire / Come

2022-08-02 13:17:30 Acord PD-Azzion, el grop de desgropì el saria el posizzionament del Di Maio, che 'l volaria candidàss in d'un uninominal segur per ris'cià no de stà a cà.

@lombardiaincoeu Aprire / Come

2022-08-02 11:01:44 Aprire / Come

2022-08-02 00:32:04 Mazzad a Kabul de 'n atach american el leader de Al Qaida Ayman al-Zawahri

@lombardiaincoeu Aprire / Come

2022-08-01 22:40:10 Politega, el Renzi: el terz pol al 10% essenzial per governà, i moderad votarann mai Orlando, Fratoianni o Provenzano, che inn comunista. Cont el governo Draghi son no vegnud su in di sondagg, ma l'è vernud su el PIL. Se doman Letta e Calenda se acorden, Liga e Forza Italia brinden.

@lombardiaincoeu Aprire / Come

2022-08-01 22:01:26 MINI-TG 1/8/2022

Atualità
Porto Cervo, yacht contra i preje, mort un armator, ses ferid
Mazzament de Civitanova, el saltator l'haveva fad un TSO. La mam: "pensavi no che 'l rivava a tant"
Formula 1, l'Alonso el firma in l'Aston Martin
Campania, el De Luca el domanda el stop al sbarch di migrant de la Ocean Viking: "ris'c sanitari, fogolar de COVID"
Temp gram, el Fontana el domanda l'emergenza nazzional per Bressa, Pavia, Lod e Cremona
L'ex minister Pagliarini robad a Milan: "hoo localizad el PC, ma la polizzia l'ha ma did de andàgh mi"

Politega
El Beppe Grillo el dà foeura un album de foto di Deputad e di Senator che inn andad foeura del M5S
Center-destra, el gh'è l'acord: presidenzialism e autonomia in del programa
I Radicai tachen el Salvini: "el so acord con Russia Unida no domà de mesizzia, hann anca influid in su la politega nazzional, a proibì di scioperi: res'ciom de havégh un tirapè del Zar"
El Cappato l'ha portad in Isvizzera 'na sciora a morì: la po minga fàll in Italia perchè la gh'ha no i machine de sostegn de la vita
Elezzion, el Nino Spirlì el podaria vesser vun di candidad uninominai de la Liga in Calabria
Acord PD-Center, la Bonino: "el Letta n'ha no filad per 3 agn, a andàgh dree ai 5 Stelle, e poeu ne ciama el Franceschini. Gh'hann de capì che la nosta bas l'è contra del tut"
La Bonino: "farem nissun acord cont el Renzi"

Guerra in Ucraina
Incoeu el prim caregh de forment ucrain l'ha lassad el port de Odessa
L'IT army ucraina la revendica de havé blocad vari servizzi de home banking russ de la setimana passada
Gh'è mort el Vadim Bakatin, darrer diretor del KGB

Esteri
Pericol China, i aziende del Regn Unid preferissen tajà i investiment
El governo del Kosovo el scerniss de rinvià de 30 dì la lesg in sui passaport serb
Giapon, la và foeura de l'agua radioativa in del reator de Mihana, nissun ris'c per l'ambient
Pelosi a Taiwan, la China: "l'Armada la starà no a vardà". I Stat Unid: "la gh'ha el dirit de visità"
La Russia la nonzia che la jutarà la Serbia in cas de conflit col Kosovo

@lombardiaincoeu Aprire / Come