2022-08-31 21:00:49
MINI-TG CAMPAGNA ELETORAL 31/8/2022
Center-destra El Salvini in visita a sorpresa a Lampedusa: gram sovrafollament, la clandestinità l'è un riat, regojer quei che meriten. Con decret sigurezza tornarem pajes seri
El Lupi de Num Moderad: el sostegn del PPE a la nosta coalizzion el mostra che gh'è nissun ris'c cont el center-destra al governo
La Meloni la insubiss ancamò el licee del Made in Italy: schivà de pèrder un patrimoni de setor che fann ben a la nosta economia
Lavorà, el Lupi: grama inflazzion, detassà el lavorà e i bonus, svassà l'IVP in sui ben de mangià
El Berlusconi in sul Gorbaciov: "tucc i omen liber stasira inn in lut"
Center-destra, dad foeura i programa di Moderad e de Fradei d'Italia
El Salvini: "inviti tucc a mangià italian, bever italian e crompà italian"
El Tremonti de FdI: "son semper stad pro Europa. Hoo insubid anca la banconota de 1€. Semper stad contra l'austerità, s'inn pentid anca lor. In del 2003 hoo insubid i eurobond"
El Salvini: "mi al Viminal in cas de vitoria? Se i italian voeuren de Palazzi Chigi ogni tant ciamaroo quell che 'l sta al Viminal"
El Tremonti: "el Letta el sa benon che in del 2011 gh'è stad un golpe, l'era in quell sgir"
Center El Rosato de IV: "la destra la pensa de havégh la vitoria in sacoccia, el PD el se organiza a l'oposizzion, num se rassegnom no a dà l'Italia a la Meloni"
El Calenda: menter che prometen tusscoss la sanità l'è in genoeugg, besogna ciapà el MES sanitari per guarnàlla
La Carfagna de Azzion: comenti no quell che 'l capita in Forza Italia, ma incoeu la cà di liberai l'è stada ocupada di estremista
El Marattin: Gorbaciov l'ha cambiad el mond e l'è stad mitud via, quella roba chi l'è la politega, se te fee quell che i alter poden no te 'l perdonen no
La Carfagna: Italia Viva e Azzion defendarann ogni euro che 'l governo Draghi l'han dad a la Bassitalia, permetarem no de discut el 40% di resorse del PNRR al Sud"
Center-sinistra El PD el nonzia che del 1 de setember el sarà in su TikTok: el Zan el farà i prim video
In Vall d'Aosta la lianza inedita de sinistra con dent M5S e SI, menter che PD e Azzion se acorden in tra de lor
El Fratoianni de SI: gh'è mort el Gorbaciov, che 'l voleva pas e libertà senza socialism sovietegh e sirene del liber mercad. Purtrop hann vensgiud mercad e nazzionalism de destra
El Di Maio: di partid tachen la nostra proposta de tajà i bollete del 80%, se l'hann no capid sem in del mez de 'na crisi, o el Stat el paga o i imprese licenzien i lavorator
Pussee d'Europa la lanzia la campagna nazzional a favor del regassificator a Piombino
Europa Verda l'ha publegad una mapa di sit indova che 'l Salvini e Calenda volarien fà su i centrai nuclear
Alter El Marco Rizzo el tira el buscion del sciampagn per la mort del Gorbaciov, l'è polemica
Sicilia, la lista independentista di Sicilian Liber l'è stada no mituda in su la scheda per havé presentad i firme un quaj moment dopo di 16
El Conte: la destra la se bat se resonom de programa, no se parlom de pericol fassista
El Paragone de Italexit: no a lianze dopo el vot cont el center-destra, mai con quei che s'inn macciad cont el draghismo
Regassificator, el Conte: sem in emergenza e ok, ma che 'l sibia no un tornà a fossil e nuclear: gh'è de spiegà a la destra che 'l nuclear net el gh'è no
@lombardiaincoeu
289 views18:00
L
