Lombardia Incoeu

2022-07-24 14:12:10 Imigrazzion: incoeu riven in Italia pussee de 1'000 migrant, gh'è almen 5 mort in sui barche.

@lombardiaincoeu Aprire / Come

2022-07-23 22:02:01 MINI-TG 23/7/2022

Atualità
Varioeul di simie, l'OMS: "el revarda soratut i mas'c gay"
Fiolina lassada morì a Milan, el GIP el convalida el ferm de la mam e la manda al camuscion
Formula 1, el Charles Leclerc el ciapa la pole position al GP de Franza
Scoeula, in Bassitalia record de 100 e lod, in Calabria quater voeulte quei in Lombardia

In Lombardia
Rapina e rissa in stazzion Central a Milan, ferid vun de 17 agn, el video el finiss in red e 'l vegn foeura un pien
Caos Trenord, squasi senza servizzi el Passant. La Region: "RFI e Trenord gh'hann de intervegnì"
Tragedia in su l'A4 vesin a Trezz, tirad sota de 'n TIR un sgioven la che machina la s'era fermada in mez a la strada
Partidelle, el Milan el perd 2-3 cont i ongares del Zalaegerszegi

Politega
El Marco Cappato el nonzia de regoeujer i firme per presentà una lista in di elezzion che vegnen
El Beppe Grillo: "i du mandad inn lus in di teneber, gh'hann de deventà lesg del Stat"
La Meloni: la politega foresta de 'n nòst governo la restarà quella d'incoeu, per mì l'è una condizzion. Se desmetom de mandà armi ne considerarann poch seri
Anca el Luca Palamara el se candidarà: "parli cont el center-destra, ma minga domà con lor"
El "pian" del PPE: fà andà su el Tajani a Palazzi Chigi

Guerra in Ucraina
La Russia l'ha sbarad di missil contra el port de Odessa, al center de l'acord in sul mandà foeura el forment. Kyiv: "hann spuad in facia a l'ONU"
Fitch el declassa a C el rating de l'Ucraina
Missil in sul port de Odessa, la Turchia la se dis "preocupada"
La Russia la nega de havé tacad el port de Odessa

Esteri
La China la menascia "mesure de forza" se la Nancy Pelosi la visita Taiwan
Wrestling, el se retira el Vince MacMahon, storegh diretor de la competizzion
China, onda de calor 'sto weekend, se speten temperadure de circa 40°
New York, agent penitenziari ghe spara in la facia a 'n sgioven che 'l sgiugava con la pistola a agua: arestad
Stat Unid, un giudes el sospend la proibizzion de l'abort: "probabel che la viola privacy e autodeterminazzion"

@lombardiaincoeu Aprire / Come

2022-07-23 17:17:26 Varioeul di simie, l'OMS la deciara l'emergenza sanitaria internazzional.

@lombardiaincoeu Aprire / Come

2022-07-22 22:00:16 MINI-TG 22/7/2022

Atualità
La se strengg l'economia europea in luj
Svizzera, el governo el sbassa i riserve obligatori de petroli

In Lombardia
Metropolitana: a Milan la M2 l'andarà pussee pian se i rodaje inn trop calde
Lundì el Fontana, la Moratti e 'l Bertolaso farann el pont in su la campagna vacinal
Caos ferrovia per el cald, l'è squasi descomparid el passant de Milan

Politega
El Ziccheri, ex numer 2 de la Liga a la Cambra, el se sgionta a IV: "el Renzi el m'ha guarid del popolism"
El Calenda: "pensi che ai urne rivarem al 20%, tant 'me a Roma"
El Partid Popolar Sudtiroles el s'cepa i lianze: "in di elezzion che vegnen corrarem depernunch"
El Berlusconi: "volzarem i pension a 1000€ al mes e piantarem un milion de albor ogni ann". Se pensa che 'l sarà capolista al Senad

Guerra in Ucraina
I separatista in Ucraina blochen el Google
Cacia NATO, i Stat Unid discuten la possibilità de consegnàj a l'Ucraina
I Stat Unid nonzien 270 milion de jut a l'Ucraina, inclus di missil

Esteri
Atach del 6 de sginer al Congress, la comission: "la gh'ha de vességh responsabilità sota la lesg"
La Germania pronta a ciapà el 30% di azzion de Uniper, azienda de gas mituda mal
Belgi, el governo el dà el via libera per tegnì verte 2 di 7 centrai del Pajes fina al 2036
Stat Unid, la giuria la deciara el Steve Bannon colpevol de oltragg al Congress

@lombardiaincoeu Aprire / Come

2022-07-22 17:23:16 Ankara: firmad el tratad in sul formenton ucrain in tra Turchia, Nazzion Unide, Russia e Ucraina.

@lombardiaincoeu Aprire / Come

2022-07-22 14:37:58 Varioeul di simile : l'EMA la recomanda el vacin per el varioeul classegh 'me prevenzion

@lombardiaincoeu Aprire / Come

2022-07-22 11:01:43 Aprire / Come

2022-07-21 22:00:38 MINI-TG 21/7/2022

Atualità
L'economia la paga el borlà del Draghi: el spread el cress, a superà quell de la Grecia.
Svizzera, ok al sistema cargo sota terra
I prezzi del petroli se sbassen del 4%
Greva di mez, a Milan el va inanz el servizzi, sarren domà i ATM point
Borlà del governo, el Draghi: "gh'è guerra, pandemia e crisi energetica, gh'hem temp per saludàss, adess lavorom"

Politega
El Lupi (NcI): "gh'è mort nissun, a otover ghe sarann i Cambere noeuve"
Se lavora al decret concorrenza, a toeu via i pont indova che gh'è minga acord: vers el scassà de la norma in sui tassì
El Berluscon: "pront ancamò a andà in camp, andaroo in TV"
El Sgarbi: "el Draghi el sarà el candidad del center-sinistra, el sarà un sconter Draghi-Meloni"
Governo, al studi el decret jut bis: via i mesure-bandera di partìd, in tra i che el salari minim
El Fontana l'esclud de dimetés per fà un dì eletoral unegh a setember

Crisi de governo
El Conte l'haveva acetad de tirà via i minister e sostegnì l'esecutiv de foeura, ma l'ha cambiad idea quand che el Draghi l'ha tacad i grillit
El Conte: "ne voleven foeura IV, IpF, Liga e Forza Italia"
El Di Maio: "me 'n son indad del Moviment perchè hoo vest l'imbasciator russ vegnì a poggiàll"
El president di Socialista e Democrategh Europee: "borlà del Draghi tragedia per tuta l'Europa"
Anca la Mara Carfagna la ciapa i distanze de Forza Italia per una riflession
Soldo (PD cremones): "la Liga l'ha tradid el Nord e i lombard"
El Giorgetti de la Liga: "el borla sgiò el governo e tucc darann la colpa a mì"

Guerra in Ucraina
La Banca Central de l'Ucraina la devaluta la so valuta del 25% per via de l'invasion russa
El Putin malad? El diretor de la CIA: "el sta fin trop ben"
Incoeu el minister di afar forest ongares l'è stad a Mosca a domandà pussee de gas russ
Domani Mosca e Kyiv firmarann a Ankara un acord per el forment
El Nord Stream el derva ancamò dopo de la pausa de manutenzion

Esteri
La Tesla la vend el 75% di so Bitcoin
Amazon l'entra in del setor sanitari a crompà i clineghe One Medical per 3,9 miliard de dollar
El leader bieloruss Lukashenko: "sem autoritari, ma gh'hem no presoner politegh"
El Biden dopo havé ciapad el COVID: "stoo propi ben!"

@lombardiaincoeu Aprire / Come

2022-07-21 19:22:37 Ofizzial: se votarà el 25 de setember, l'ha scernud el Consili di Minister.

@lombardiaincoeu Aprire / Come

2022-07-21 18:50:25 El Mattarella: hoo firmad el desligà di Cambere, la darrera scerna de fà, ma la situazzion politega l'ha menad a quella roba chi. In Senad ciar el calà de 'na magioranza noeuva, hoo rengrazziad el governo che 'l s'è dimetud, che 'l sarà limitad ma el gh'havarà i strument per intervegnì. El period ne permet no pause per afrontà la crisi social e se po minga desmentegà el dover de fermà la pandemia e 'l PNRR l'è una priorità. Me se auguri che, anca in campagna eletoral, la vegn prima l'Italia.

@lombardiaincoeu Aprire / Come