الشاعر كرار حسين الكربلائي

2023-07-15 13:22:43

Aprire / Come

2023-07-14 15:19:11

Aprire / Come

2023-07-14 00:34:27

Aprire / Come

2023-07-11 12:48:04

Aprire / Come

2023-07-11 12:47:53

Aprire / Come

2023-07-08 10:21:37 ليلة عرس
ولزفتك شمعاتك بإيدي
ليلة عرس
ليش الدمع بعيوني يوليدي
زفة شباب .. ترسم عذاب
بعيوني يوليدي
...
حلم كل ام بعمرها تفرح بزفة ولدها
وتحضر بعرسه عمامه واعله راسه اتطش وردها
ليش بس امك ييمه بعرسك الدمعه اعله خدها
بلا فرح هالليله روحي وحسبه تاخذها وتردها

يمه الولد
حلم العمر بوداعك تذبحه
يمه الولد
بدموعي ليش اتبدل الفرحه
كلمة عتاب .. ترسم عذاب
بعيوني يوليدي
...
ما جنت احسب ليالي لزفتك احسب ثواني
من بعد تعبي التعبته لكلمة عالخير اتاني
حته بحلامي جبتلك حنه وشموع وصواني
عرسك امنيتي بحياتي الطف ييمه منين اجاني

ضاع الامل
ما ظل امل يبني بگلب امك
ضاع الامل
واتبدت سنين التعب يمك
سنين السراب .. ترسم عذاب
بعيوني يوليدي
...
وجهك شمحله جماله مثل وجه الحسن چنك
اوگف اگبالي اعله طولك خلني اشبع شوف منك
انت اقرب من خيالي وخايفه يبعدوني عنك
ادري ما مقسوم اليه گلبي حس من زغر سنك

بليل السهر
حته النجم يغفه والوليلك
بليل السهر
حد الفجر يوليدي ادعيلك
دموع المصاب .. ترسم عذاب
يوليدي بعيوني
...
الموت بسنينك رساله وشايل بچفك وصيه
السالفه وما بيها انت من الحسن لحسين اخيه
والدك رادك ييمه اتمثله بالغاضريه
حسين محتاجك واودعك حته لو غالي عليه

حان الوفه
يا بوالوفه لهاليوم ربيتك
حان الوفه
وگبل العرس بحسين وصيتك

حروف الجواب .. ترسم عذاب
بعيوني يوليدي
...
وليدي يا جاسم اريدك تكشخ بثوب الشهاده
الضحه لجل حسين يبني ينمنح تاج السياده
هالعرس ما منكتبلك ما يتم بارينه راده
زفتك للجنه احله الاخره هيه السعاده

يبن الحسن
تلگه الحسن بالجنه منتظرك
يبن الحسن
ويخاطبك وفيت الي بنذرك
وبإنتخاب .. ترسم عذاب
...
باچر يطفون شمعه وتطفه كل ايامي يمك
آه يا ريحة الغالي يصيح لو رد بيك عمك
بمعصبي جرحك اشده وشيبتي يحنيها دمك
مغمض عيونك يجاسم حگها تعمه عيون امك

من تنذبح
ساعة زمن هم ينذبح عمك
من تنذبح
تمشي تره بدرب السبي امك
حنتك خضاب .. ترسم عذاب
بعيوني يوليدي
خادم الحسين ( عليه السلام)
كرار حسين الكربلائي
( ابو كميل) Aprire / Come

2023-07-08 10:02:10 ما هم بالگلب إن ضاع ونتاه
بحبك ينسمع بالكون ونتاه
آنه اشلون اطب للنار وانت
قسيم النار والجنه سويه Aprire / Come

2023-07-06 09:53:26 هذا البيان اتصدر من الاله
ايخص الغديره وغيره لا ما يخص
اليوم اكملت لكم دينكم
معناها ديني بلا علي بي نقص
...
عيد الاضحى من الفطر يسأل سؤال
يا هو منّه الوادم تسمي چبير ؟
وچن نزل جبريل وحچه وحل النزاع
اثنينكم فدوه لأسم عيد الغدير
...
يل تريد اعجاز إنصتلي شأگول
عالشفايف معجزة حامي الحمه
اشلون تنطق يا علي وثغرك زغير
وهيه چلمة يا علي بگد السمه
...

اتنفس علي بهذا الهوه من يفوت
الهوه المابي علي سچينه بالريّه

بوكت ما بي امان وناس تاكل ناس
الگاك انت خيمه وكلها حنيه

دخيلك يا علي عكست الدنيه وياي
اعمه وماكو غيرك يلزم ايديه

حط عينك عليه امروتك مولاي
اضيعن اذا متحط عينك اعليه

يالمغرگني خيرك وانته كلك خير
لو ما خير چفك خير ما بيه

عيد الله الچبير اولايتك معروف
بحبك دوم اعيّد بالغديريه

طبع الابو لولده ينطي عيديات
وانه رايد يبو الحسنين عيديه

وعيديتي اموت بخدمة اهل البيت
لخاطر فاطمه ناديني مگضيه

...

مده
اعله اباب الصحن ريت انفرش مده
وعليه تسحگ الزوار مده
چفك لو يمر بعوز مده
لعلي وحاشاه يرد ايدك خليه
...
‏بدرب حيدر تعب ماكو ولَـ عْنه
‏تولعنه وشرف إلنه وَلعنه
‏عله العاداه الف لعنه ولعنه
‏عله أُمه وخالته وعمته وابيه
‏.. Aprire / Come

2023-07-06 09:48:00 انت الامير انت الامير غيرك فلا واحد يصير
يوم الغدير حيدر حيدر
بيعة ضمير حيدر حيدر
...
اخذ مني العهد هاك
اظل للموت وياك .. علي حيدر

بغديرك يا علي جاي
ابايع وانت مولاي .. علي حيدر

يا امير المؤمنين انت امامي الاولي
من گبل ما ألفظ اسمي گلت اسمي يا علي
حاضر افديك بوجودي وكل حياتي وكل هلي

يا حيدر
حبك امان حبك امان
يوم الحشر انت الضمان
بي نستجير حيدر حيدر
بيعة الضمير حيدر حيدر

...

مثل حيدر اكو وين
فداه الروح والعين .. علي حيدر
مثل نبض الگلب صار
احبك يا حمه الجار .. علي حيدر

يا إمام الدنيه كلها من الاول للأخير
هذا مو طاهر ولاده الي نكر يوم الغدير
كلمتي من الطفوله بس علي عندي امير

يا حيدر
انت الحبيب انت الحبيب
لجرحي تظل دوم الطبيب
لا ما احير حيدر حيدر
...
علي حُبه الي بيت
اَنه يا ناس حبيت .. علي حيدر


اله مرهون هالكون
اباهي آنه مجنون .. علي حيدر

يا علي حبك هويه ووطن للماله وطن
ثابت بهذا ولائي ما يغيرني الزمن
بايعت إشهد عليه يا علي يا بالحسن
يا حيدر

حبك امل حبك امل
حي على خير العمل
للحب سفير حيدر حيدر

...

گمر يضويني بالليل
يبوس اچفوفه جبريل .. علي حيدر

يگلبي لحضرته فوت
وآخِبره اوياك للموت .. علي حيدر

حيدر بروح الموالي وكل گلب عنده مزار
واعله باب جنه نلگه الله كاتب هالشعار
لا فتى الا علي الا سيف ذو الفقار

بماي الذهب بماي الذهب
اسمك علي بگلب انكتب
بخطك اسير حيدر يحيدر
....
علي مثل الشمس لاح
شكثر بسمه النبي صاح علي حيدر


وليٌ لمن والاه
عدوٌ لمن عاداه علي حيدر

بآخر الدنيه انادي وصوتي يوصل للغري
حيدري وللموت ابقه انه شيعي وحيدري
هذي بيعه وقعتها للولي بدم منحري

من المهد من المهد
ما لك ابد كفواً احد
انت الچبير حيدر حيدر
...
خادم الحسين ( عليه السلام)
كرار حسين الكربلائي
( ابو كميل) Aprire / Come

2023-07-06 09:47:15 سيد الحب والخلافه
كعبتي الواجب طوافه
يا علي يا علي ياعلي
...
عاشگ وانت الحب الاولي
اول عمري بايعتك ولي
شكراً يا رب خالقلي علي
لو ما هو ديني جاهلي

من الذر من آدم
لآخر شي بالعالم
ماكو ولي بس علي

انت الحب الاقدس
اهتف من اتنفس
ماكو ولي بس علي

حيدري وديني غديري
بدمي بايعتك اميري
يا علي يا علي يا علي
...
بخطك ثابت ما زل القدم
حبك نعمه حب غيرك وهم
اول كلمه بايعتك نعم
باچر غيري يعض اصبع ندم

يالشوگك ما ينضم
انت السر الاعظم
ماكو ولي بس علي

يالمتصدق راكع
اول ومو رابع
ماكو ولي بس علي

گلبي يم غارك حمامه
هالعشگ شاطي السلامه
يا علي يا علي يا علي
...
اشهد انك سلطان الفلك
مالك گلبي وغيرك ما ملك
انت الواحد ثاني ما إلك
فاز الحبك والضدك هلك

سرك جبرائيلي
عزمك اسرافيلي
ماكو ولي بس علي

يالماكو بأمجاده
حته الميت ناده
ماكو ولي بس علي

يا علي حبك نجاتي
بيعتك صومي وصلاتي
يا علي يا علي يا علي
...
خادم الحسين ( عليه السلام)
كرار حسين الكربلائي
( ابو كميل ) Aprire / Come