سيد الحب والخلافه كعبتي الواجب طوافه يا علي يا علي ياعلي ... | الشاعر كرار حسين الكربلائي

سيد الحب والخلافه
كعبتي الواجب طوافه
يا علي يا علي ياعلي
...
عاشگ وانت الحب الاولي
اول عمري بايعتك ولي
شكراً يا رب خالقلي علي
لو ما هو ديني جاهلي

من الذر من آدم
لآخر شي بالعالم
ماكو ولي بس علي

انت الحب الاقدس
اهتف من اتنفس
ماكو ولي بس علي

حيدري وديني غديري
بدمي بايعتك اميري
يا علي يا علي يا علي
...
بخطك ثابت ما زل القدم
حبك نعمه حب غيرك وهم
اول كلمه بايعتك نعم
باچر غيري يعض اصبع ندم

يالشوگك ما ينضم
انت السر الاعظم
ماكو ولي بس علي

يالمتصدق راكع
اول ومو رابع
ماكو ولي بس علي

گلبي يم غارك حمامه
هالعشگ شاطي السلامه
يا علي يا علي يا علي
...
اشهد انك سلطان الفلك
مالك گلبي وغيرك ما ملك
انت الواحد ثاني ما إلك
فاز الحبك والضدك هلك

سرك جبرائيلي
عزمك اسرافيلي
ماكو ولي بس علي

يالماكو بأمجاده
حته الميت ناده
ماكو ولي بس علي

يا علي حبك نجاتي
بيعتك صومي وصلاتي
يا علي يا علي يا علي
...
خادم الحسين ( عليه السلام)
كرار حسين الكربلائي
( ابو كميل )