محرم فاطمه اجانه يا مهدينه نصبنه بخدمتك عزانه يا مهدينه بحزنك | الشاعر كرار حسين الكربلائي

محرم فاطمه اجانه يا مهدينه
نصبنه بخدمتك عزانه يا مهدينه
بحزنك نتشارك
ومجلسنه بدارك
...
هل شهر الحزن ودموعنه هلن
السنه عن السنين المضن يختلفن
جبتنه لدارك انواسيك الف شكراً
الأمان بمجلسك والخايف اتطمن

عظيم المجلس بحظورك يا مهدينه
بلطمنه نندعي لظهورك يا مهدينه
الخدام انصارك
ومجلسنه بدارك
...
محرم يا بو صالح خيمه يجمعنه
نصرخ يا حسين وانت تسمعنه
يالغايب بچفك لم مدامعنه
ضمنه بصايتك غيرك يضيعنه

بعيد وبالگلب مكانك يا مهدينه
نعيش بعطفك وحنانك يا مهدينه
تضوينه انوارك
ومجلسنه بدارك
...
من عالم الذر هالعشگ مو توّه
الدنيه بغير هاي الخدمه ما تسوه
الحياة بدونكم مولاي مو حلوه
اليعطش من نهر عاشور يتروّه

نودي بالدمع رساله يا مهدينه
نفارگ خدمتك مُحاله يا مهدينه
نتبع آثارك
مجلسنه بدارك
...
المجلس رحمة الله العافها يخسر
تره نعمه چبيره خدمة المنبر
جرح الطف يظل بگلوبنه يكبر
وهذا الثوب الاسود لحد ما تظهر

رفعنه بمجلسك ادينه يا مهدينه
نگلك عالعهد بقينه يا مهدينه
صيحة احرارك
مجلسنه بدارك
...
يبو دموع الحنينه التبچي يوميه
وجروحك عددها الف وتسعميه
اصعب جرح عندك يبو الحنيه
دم تبچي اعله زينب مشت مسبيه

جرحها ايهيّج بحنينك يا مهدينه
عليها ينسمع ونينك يا مهدينه
من تطلب ثارك
مجلسنه بدارك
...
خادم الحسين ( عليه السلام)
كرار حسين الكربلائي
( ابو كميل)