مات الامان يا سيد الكوفه تدري الزمان وداني مچتوفه مسافر لديره بعيده وانسبت بعدك حميده والله حيره .. والله حيره ... تثگل دموع المحنه تحني جفني وانت غايب وين اشوفك حته اگلك شيبت گلبي المصايب انه بغربه وانت مسافر واحتاجيتك يوم العاشر عطشانه لملگاك بحيره وعني بعيده الكوفه ما تندل روحي وملهوفه لشوفة وجهك ذاك كلمة اجيت اشريها بسنيني لمن مشيت ما غمضت عيني دمعاتي كتبتلك قصيده وانسبت بعدك حميده والله حيره .. والله حيره ... حسين خيمه لليتامه وطاحت الخيمه عليه شگد ركضنه شگد بچينه انه وابنيته رقيه حافر يسحگ فوگ اعضامه والثاني ايدوس اعله ايتامه هيمه وحر ونار بين خيامه وما بين التل اسأل من عنك ما اندل تدري بحال شصار بجمر الخيام يتچون جروحي طير بظلام بعدك صفت روحي بعالم احزاني وحيده وانسبت بعدك حميده والله حيره .. والله حيره ... الليل اجاني واجت زينب تگلي اخوتچ وين عمه ضيعتهم ما شفتهم وين اروح الدنيه ظلمه محمد وابراهيم اخواني واحد لازم ايد الثاني فرو من الموت اثلاثتكم عفتوني بغربه خيل خوف وظلمه ورهبه وما اسمع كل صوت ضيم السنين محنيه خلاني وگلبي الحنين يسأل عله اخواني مَر عليه الما اريده وانسبت بعدك حميده والله حيره .. والله حيره ... شفت حادي حبل بيده بناگه هزله چتّف ايدي الحبل اخشن من اديه طلّع الدم من وريدي من يشتموني يبچوني وكلهم بالسوط يسكتوني طفله بولية جيش انظر للعباس اگبالي يمه حسين برمحه العالي محد يفزع ليش ما مش رفيج وعيوني ملهوفه طول الطريج اسأل عله الكوفه يا نبض گلبي ووريده وانسبت بعدك حميده والله حيره .. والله حيره ... من وصلتك سولفولي رمو جسمك من قصرهم ما كفاهم گطع نحرك بخيل سحبوك بغدرهم تحچيلي اعله مصابك طوعه گالت كسرو كل ضلوعه وهم ميت عطشان عاش الطف ما بين انفاسك مثل حسينك گطعو راسك راسك عالي الشان بنت السفير بعدك يسموني عايش امير بعيوني يعيوني كل مجد انت نشيده وانسبت بعدك حميده والله حيره .. والله حيره ... خادم الحسين ( عليه السلام) كرار حسين الكربلائي ( ابو كميل ) 3.5K views13:13
