انصار عالعهد عالعهد نبايع انصار للابد للابد نبايع هاليله نكتب | الشاعر كرار حسين الكربلائي

انصار عالعهد عالعهد نبايع
انصار للابد للابد نبايع
هاليله نكتب بالدمه
لبيك يا بن فاطمه
...
هذي فرصه وبالعمر شارينها
اليوم امك فاطمه انگر عينها
اگلوبنه اعله دروعنه مخلينها
خل تجي السبعين الف چا وينها

هالصوت حيدري حيدري الهويه
ونفوت نشتري نشتري المنيه

صوت اليهز ارض وسمه
لبيك يا بن فاطمه
...
يا نبضنه وانت اغله من النبض
نصرتك مثل الصلاه واجب فرض
كربله نطبگها سماها اعله الارض
انت قائد خل يجينه اليعترض

ناداك كل شهم كل شهم موالي
هيهات ما نذل ما نذل يغالي
انت العذب وكت الضمه
لبيك يا بن فاطمه
...
جينه يمك والشهاده نريدها
وشكو صوله حيدريه نعيدها
هالجيوش بساعه وحده نبيدها
بلايه روس نردها يم ايزيدها

رايات تعتلي تعتلي بسماها
عشاك يا علي يا علي نداها
جينه لعمرنه انقدمه
لبيك يا بن فاطمه
...
الدنيه من دونك ظلام بلا ضوه
سيدي نتنفسك ويه الهوه
بكربلاء انموت جدامك سوه
اوياك يا محله الشهاده بنينوه

احرار وافيه وافيه بعهودك
قائد صحبتك صحبتك جنودك
هذا النداء انترجمه
لبيك يابن فاطمه
...
دمنه ما ينعز اذا تنخانه
حاضرين بخدمتك تلگانه
الله والزهره وعلي ويانه
ربنه لجلك سيدي سوانه

منريد هالعمر هالعمر بدونك
ارواح حاضره حاضره لعيونك
بيديك امرنه انسلمه
لبيك يابن فاطمه
...
ساعه وحده وتنتهي هذا الامر
ساعه وتلاگينه ونضحيلك بكل العمر
ساعه والخياله تلعب عالصدر
والمصيبه عيالك تروح بيسر

زينب تنسبي تنسبي اويلاه
وتصيح واحسين واحسين حسيناه
انت البدء والخاتمه
لبيك يا بن فاطمه
...
خادم الحسين ( عليه السلام)
كرار حسين الكربلائي
( ابو كميل)