مكفوفةً صارتْ من البكاءِ للحبيبْ ما حالُها لو شاهدتْ قميصَهُ ا | الشاعر كرار حسين الكربلائي

مكفوفةً صارتْ من البكاءِ للحبيبْ
ما حالُها لو شاهدتْ قميصَهُ السليبْ
قدِّيسةُ الوفاءْ...مليكةُ العزاءْ
..
هلْ أدَّعي بأنني البكَّاءُ في العزاءِ
ولمْ يُغيِّرْ لوْنَ جفني دمعُ كربلاءِ
للهِ ما أحكي إذاً عنْ جمرةِ الوفاءِ
مَنْ عيْنُها قدْ عَمِيَتْ من كثْرةِ البُكاءِ

أمُّ البنينَ هذهِ واهبةُ البنينْ
رُتْبَتُها بينَ العبادِ "مَرْجِعُ الأنينْ"
في حزنِ كربلاءْ...مليكةُ العزاءْ

...
مرجع بچي واهل البچي منطيها اعلميه
لهل المجالس واللطم نحسبها مرجعيه
تنطي بحث خارج نعي فتوتها عالميه
الاحوط وجوباً تنعمي عينك عله السبيه

عندي ابن عينه انطفت قدمها للحُسين
وآنه گلت من البچي ما خلي عندي عين

انسميها بالبكاء .. مليكةُ العزاء
..

يعقوبُ شَابَ جَفنُهُ ينتظرُ البشيرا
حتَّى قميصُ يوسفٍ أعادَهُ بصيرا
يا لوعتاهُ للتي إنْتَظَرَتْ كثيرا
لكنَّما الناعي نعى حسيْنَها عفيرا

قميصُهُ مُخَرَّقٌ بوابِلِ النُّصُولْ
ووزَّعتهُ في الثرى سنابِكُ الخيولْ
صبَّتْ لهُ دماءْ...مليكةُ العزاءْ
...
ام موسى ذبت بالبحر موسى وگلبها خايف
وام البنين اعله النهر انطت بحر مواقف
كل چف وگع من الگمر ينعد سبع مضايف
ام الوفه اتخلّف وفه مملوحة السوالف

من تنكث اطراف الردن يوگع الف نجم
بطاري الوفه من ينحچي خل تسكت الزلم
بالغيره والإباء .. مليكةُ العزاء
..
عُيُونُها كُفَّتْ مِنَ السَّمَاعِ بالرزايا
لهفي على من قدَّمتْ بكفِّها الضحايا
وبعْدَهَا قدْ أُركِبتْ هزيلَةَ المطايا
يقودُها شِمْرُ الخَنَا للشامِ في السبايا

يا عجباً من صبرِ بنتِ أصبرِ البيوتْ !
تاللهِ غيرُ زينبٍ في كربلا يموتْ
حيَّرتِ البلاءْ...مليكةُ العزاءْ
...
سدرة حزن فَيها انكسر عطشت تتاني غيمه
من سمعت احترگت خيم سوت گلبها خيمه
صاحت وحگ الي گضت فوگ النحر يتيمه
يحسين الا اكسر ضلع لضلوعك الهشيمه

اللطامه احنه بكل زمن نحسبها النه أم
ام البنين الأسست سفارة اللطم
معروفه بالسماء .. مليكةُ العزاء
...
خادمي الحسين ( عليه السلام)
الاديب الاستاذ علي عسيلي العاملي
كرار حسين الكربلائي