اربعتهم للوفه ديره سالفة غيره اربعتهم اربعتهم عگدو الرايه گد | الشاعر كرار حسين الكربلائي

اربعتهم للوفه ديره سالفة غيره اربعتهم
اربعتهم عگدو الرايه گد الحچايه اربعتهم
خوش ربيتيهم
شيلي راسج بيهم اربعتهم
...
شمايلهم مراجلهم فعايلهم چبيره
وفو عهدچ زلم عندچ يواحدهم عشيره
ازمطت بيهم واسميهم يالضلوع الگصيره

چنتي گمره وتضوين سماهم
الدنيه تحچي برواية وفاهم
كربله كلها صلت وراهم ..وراهم

يُمه ولدچ سور لخيامي شدو حزامي يمه ولدج
يمُه ولدچ خدم صفولي مرايه صارولي يمه ولدچ
منهو يوصل ليهم
شيلي راسج بيهم اربعتهم
...
الارض ترتج عله الهودج اذا مرتني نسمه
عطر فاحو گضت صاحو گبل لا احچي كلمه
شهامه اتصب اذا اطلب ضوه يجيبولي نجمه

محملي كعبه حوله يحجون
يُمه بسمي ابد ما يصيحون
كلها تندهلي يانور العيون العيون

خطوه خطوه لناگتي اتراقب عين وي حاجب خطوه خطوه
خطوه خطوه بالمشي ترهب عالارض تحسب خطوه خطوه
واعتمدت اعليهم
شيلي راسج بيهم اربعتهم
...
وصلت الطف كأن مصحف يفهموني بسكوتي
بمخيمها وصوارمها تحجّب حته صوتي
الشمس تلبد اذا ترعد هنادي بچف اخوتي

طبو المعركه وصالت الشوس
والتلاگيهم اترد بلا روس
أدت الواجب وضحت انفوس ضحت انفوس

ثلاثه راحو ظل الي الساقي واحد الباقي ثلاثه راحو
ثلاثه راحو وانه بحزاني احسب اخواني ثلاثه راحو

فاطمه اتجازيهم
شيلي راسج بيهم اربعتهم
...
وابو فاضل علم شايل گمر حس بضمانه
أفه ايگلي يبعد اهلي عطشتي وعدل آنه
اخذ جوده وعله ازنوده كتب زينب امانه

من طلع ركضت اعيوني خلفه
رايته وروحي خذها اعله چتفه
بهامته وعينه وچفوفه وفه اچفوفه وفه

عالشريعه طاحت اچفوفه وانمرد شوفه عالشريعه
عالشريعه راح عباسي وشابت انفاسي عالشريعه

ولدچ وتدريهم
شيلي راسج بيهم اربعتهم
...
ارحلو عني بظهر محني حملت اشچم رزيه
ابو اليمه شفت جسمه تسحگه اخيول اميه
خلص صبري وعگب خدري بحبل مچتوفه اديه

بالسبي وروس اخوتي عله ارماح
يباوعولي اذا مدمعي طاح
مذبحين وعَلَي طافو ارواح

عاذرتهم صفوة النخوه واهل المروه عاذرتهم
عاذرتهم معذبه روحي وصاحت جروحي عاذرتهم

ربچ محييهم
شيلي راسج بيهم اربعتهم
...
خادم الحسين ( عليه السلام)
كرار حسين الكربلائي
( ابو كميل)