2023-06-01 02:42:10
جرح باجر )
ـــــــــــــــــــــــــــــــــــــــــــــــــــــــــــــــ
بعد رفسة ال وأن--تبكي بشده فاطمه
تبكي وتذكر يوم غد--يوم عاشر والضمه
.
فاطمه تون و تنوح--عللي سموها سبيه
صاحتلها بحزن نبره--ارد اوصيج بوصيه
.
فاطمه جابت لزينب-جابت نعشين و حصيره
كالتله ذني المن- جاوبته للعشيره
.
كالتله يمه باجر-انه اموت اونتي عدله
باجر اتشوفين كلشي-باجر اتصعدين هزله
.
كالتله اي وهذني-المن حصيره ونعشين
كالت قصتهن طويله-واطول وحده مال احسين
.
كعدي يمه خل نسولف شنهي ذني
النعش هاذه مال ابوج وهاذه لبني
كالت زينب و الحصيره شنهي يعني
.
جاوبتها بعين تبجي
تكله غيري هل سؤال
زينب دكول الا اعرف
ما اغيره لا محال
.
كالتله باجر ضيم-باجر عدله بشكل ميته
باجر خيل وباجر نار-وباجر اخو يعوف خيته
.
وباجر خيل ترض اضلوع-مو وحده سحكنه عشره
يتساوه ويل كاع الحسين-ويصير للطارش عثره
.
من نهدها يموت الحسين-وتطشر بلكاع نعمه الله
متانين عبدالله يكبر-يفزع لبوه بس مات گبلله
.
باجر يعني يمته باجر-باجر يعني عشره محرم
عرش الله يهتز بكبره-من يحاوطون ال مخيم
.
باجر نار التوصل سبعه-ومن اثرها الدنيه ضلمه
فرحانين بسبي زينب-الله يلعن هاي الامه
.
حضري روحج يمه زينب لباجر
باجر شيخ القافله بگبره حاير
باجر ايخلصون اهلنه بل حوافر
.
ديري بالج يمه زينب
وبالج خليه علهزيله
مايله يعثر مشيه
وانتي فوكاها عليله
.
باجر خرابه وباجر نوگ-وباجر سوگ وباجر شام
باجر تصيحين لحكو-من بعد حرب الخيام
.
الما شايفه عين الشمس-باجر تنام بخرابه
او فوك هاذه الضيم كله-يمها طفله اصيح بابه
.
بابه ترضاها عليه-كلما اذكرك يضربوني
مدللتك انه رقيه-ناگه هزله ركبوني
.
يمه باجر سوك يكسر-خاطر الما مكسوره خاطر
حجار لمولج يزينب-يضحك هاذه وهاذه يشامر
.
وشيصير ببنيتي باجر-بلسوك واحد من تسمعه
منزل بضاعات الجديده-للبيع محبس وي اصبعه
.
النوك حنت علزينب والحادي ما حن
مجتفه وتمشي اسيره وايديه راحن
طبت ابسوك الشماته واليمها صاحن
.
عيروني الشام كلهم
وين اخوتج يا سبيه
والمصيبه مو اهنانه
المصيبه خارجيه
.
باجر يخلص السبي الاول-وترحين انتي للمدينه
السؤال جا وين اخوتج-گولي راحو من ادينه
.
والمصيبه ام البنين-ما تعرفج من تسلم
اتعبرج تكمل خواتج-وبعينج الدنيه تضلم
.
ومن تكمل اضل تسأل-المتعوبه هاي منين
متوقعه منل دنيه كله-الا وحده ام البنين
.
اجاوب زينب دكله انه-خلصت عمري بدلال
مالت الدنيه ويزيب-فجئه مجتوفة بحبال
.
والشاعر هم ما قصر-كاتب بيت ايوصف حال
زينب هايه شو متغيره-نسمع هسه هوه شگال
.
يا اهل يثرب ماكو مثل هاي المصيبه
بت علي شيخ العرب صارت غريبه
الراحت وياها اخوته ردت وحده سليبه
.
يعينج الله بتي باجر
باجر الدنيه عجيبه
الضله ما شايفته هيه
اصير متعوبه وغريبه
.
ـــــــــــــــــــــــــــــــــــــــــــــــــــــــــــــــ
عبدالله الفاطمي
440 views23:42
ق
