* الزهره اتحب الاقرايه واتحب هاي ال | قصائد مكتوبه شور نعي

                          *
الزهره اتحب الاقرايه
واتحب هاي الاحجايه
عله المسموم وآ ويلي
عله المسموم وآ ويلي
...
ياناس ابمجالسنه..الزهره عادتاً تحضر
تلطم عالوجه واتكول.. آ يوليدي الاموذر
بس هالليله شو لزمت..بديهه الضلع الامكسر
وعله صوب البقيع اتصيح..آ اعليك ياجعفر

يم باب الحسينيه..تقره الزهره لطميه
عله المسموم وآ ويلي
عله المسموم وآ ويلي
...
يبني دارك المحروك.. ذكرني بهذيج النار
ومايفرق تره المسموم.. من الذابحه البسمار
أنته هدمو كبرك.. ومنعو تربتك تنزار
وآنه المهدي جن كبري..هم غايب عن الانظار

يالخامس ابذريتي .. حركو بيتك اوبيتي
عله المسموم وآ ويلي
عله المسموم وآ ويلي
...
صادق بالفعل والقول..  يالجرحك كُبر بيه
يسمونك بني العباس..جي روحك حسينيه
ابصلاتك جنت ياالله..هيج اتكول يوميه
إرزقني كبر يارب..بالغربه البقيعيه

حته اذكر مصيبتهه..المسبيه و خرابتهه
عله المسموم وآ ويلي
عله المسموم وآ ويلي
...
عمرك عبر عالسبعين..وأنته امعاشر الدمعه
عباده نصهن ونصهن..زياره بليلة الجمعه
طلابك تكللهم.. ياناس العمر شمعه
الماباجي عله العطشان..باجر محد ينفعه

عالمجلس توصيهم.. وعالضامي تبجيهم
عله المسموم وآ ويلي
عله المسموم وآ ويلي
...
اتوصي الكاظم اتكله.. يبني بآخر الانفاس
لفلي اعله الجسد رايه.. بيهه ريحة العباس
وتربه كربلائيه..حطلياهه جوه الراس
واريدك من بعد ماموت.. انته اتقود هاي الناس

واعله احسين تقرالي.. غالي ورايح الغالي
عله المسموم وآ ويلي
عله المسموم وآ ويلي
...
الصادق غمض اعيونه.. وموسى ايصيح وآ ويلي
مثل كبر الحسن هاليوم..يابويه انهدم حيلي
يابيت الوفه اللمني..وياخيمه التفييلي
ضهري انكسر ياهالناس ..شو محد يتجيلي

سلطان المذاهب مات.. الليله صاحت الحوزات
عله المسموم وآ ويلي
عله المسموم وآ ويلي
....



                    *---------------*---------------*