قصائد مكتوبه شور نعي

2023-05-06 00:06:03 قصيدة بحق النبي (ص)

بوية خذني وياك ما احمل بُعد
من مشيت الروح ممرودة مرد
--------------------------------------------
يانظر عيني يســــــباح الكَلب
دمعي من فركَاك مابطل يصب
ماخذتني وياك يا بوية شعجب
تدري بي كَلبي حنين ومو جلد
-------------------------------------------
تدري بي كَلبي حنين اعلى الاهل
والابــــو لو راح الـــمدمع نزل
يا مُحمد چا بعد المــــــــن اظــل
حزني بوية عليك ما شافة احد
---------------------------------------------
حزني بوية عليك ما شافة بشر
الدمع نهران عالوجنة انحــــــدر
من ونيني عليك دلالي انفطــــــر
من رحت لليوم كل ساعة نشد
---------------------------------------------
من رحت لليوم كل ساعة اون
ليل وي نهار ما ابطل الحــــــــزن
وياك يابوي تمــــنيت اندفــــــن
بوية من تغيب ماشــــوفك بعد
----------------------------------------------
بوية من تغيب ما شــــوف الفرح
من الحزن والنـــوح دلالي انجرح
عليك بس بيت الحزن بيتي صبح
كَمت اشوفك كل كتر لاوين اصـد
-----------------------------------------
كَمت اشوفك كل كتر وبكل مچان
بوية يل كلك على كبــــــرك حـنان
اشــهدُ أَن محــــــــــــمد بـــالاذان
تمرد الروح وتــــــفت مني الچـبد
----------------------------------------
تمرد الروح وتفتت مهــــــجتي
بوية يا ذخري بدنيتي وسلوتي
من رحت عني شسوي بدنيــتي
حالي حال الضيم للهم اســــتعد
----------------------------------------------

أسالكم الدعاء رائد الاسدي Aprire / Come

2023-05-05 20:33:43 الشَيخ مُحَمّد شَراࢪة!.
عليْنَا أن نُمهّد الطَريق لَـهْہُ وࢪودًا. Aprire / Come

2023-05-01 21:51:25 (عمت الساده)


صـعـدت فـوگ هَـزلـه عـمـت الـسـاده

*----------------------*-------------------*

هــاي الـچـان عـبـاس الـيـبـاريـهـه
ضلـت بالـدمـوع وحـيـل مـابـيـهـه
اديهه امچتفـه والـشـمـر سـابـيـهـه

اسيـره مـچـتـفـهـه للحـره مـوعـاده

*--------------------------*------------------*
مـالـومـه الـيـنـوح الـيـوم مـا لـومـه
زيـنـب يـاخـلـك بالضيـم مـهـضومـه
كـافلهه واخـوهـه امسلـبّـه اهـدومـه

طـلـوعـوهـه سـبـيـه الـعـدو نـاده

*-------------------------*------------------*


عـافـاهـه الكفـيـل وضـلـت بـحيـره
شـيـرده خـدرهـه وراح ابـو الـغـيـره
مـجـروحـه العقيله وشوفـهـه اديـره

اذاهـه الـضـعـن الـشـمـر مـن گـاده

*-------------------------*--------------------*

مـايـبـرد گـلبـهـه ويسـعـر ابـنوحـه
عـگـب حسـيـن والعباس مجروحه
مثلهم بـالحـزن يـاحيـف مـذبـوحـه

راح الـخـدر ذاك وراحـت امـجـاده

*---------------------------*----------------------*

كافلهه انـكـتـل والـرايـه مـلـفـوفـه
مـاترجع بـعـد الـجـربـه وچـفـوفـه
مشـاهـه الـوكـت مسبيـه لـلـكـوفـه

وعلّيهه الشـامـت بكلمات يـتـمـاده

*------------------------------*-----------------*

تـالي الشـيـب بالحسرات مـحـتـاره
لـلـمـوت وگـلـبـهـه مـاطـفـت نــاره
ويـمـهـه أتــذبحـو حسيـن ونـصاره

ويـتمـرجـل  عـدوهـه ومـالـه رداده


*----------------------------*--------------------*

خـادم زيـنـب ع
الشاعر رعد الجريخي Aprire / Come

2023-05-01 01:52:14 قصيدة حب واشتياق ل مولانا الضامن موتني واعدل بالصحن وابابك ارتاح تعبني شوگك والچم من كض الاصفاح حت لو اطب لحضرتك راسي اعله الارماح اقبل حتى لو ميت اجي هناك يالضامن تعب گلبي من الافراگ الوادم تعتني لو مرهم الشوگ بس انه اموتن لمن اشتاگ اخذني دخيلك خذتني… Aprire / Come

2023-05-01 01:52:14 قصيدة حب واشتياق ل مولانا الضامن


موتني واعدل بالصحن وابابك ارتاح
تعبني شوگك والچم من كض الاصفاح
حت لو اطب لحضرتك راسي اعله الارماح

اقبل حتى لو ميت اجي هناك
يالضامن تعب گلبي من الافراگ
الوادم تعتني لو مرهم الشوگ
بس انه اموتن لمن اشتاگ

اخذني دخيلك
خذتني الفرگة
اعله بابك روحي
تضل محترگة

يامولاي ياضامن دموعي
-------------------------------------------
باچيلك بگد الهلا بگد اليحبون
تستاهل اسهرلك عكس كل اليسهرون
مجنون اصيرن بالعشگ هنيالي مجنون

سواد بعيني  صاير من الادموع
يمتئ عيوني تتحكل واشوفك
مو كعبه انت بس امن اوصل هناك
حالف يالرضا ازحفلك واطوفك

يضامن روحي
دمعتي بعيني
اريد البابك
مشي توديني

يامولاي ياضامن دموعي
-----------------------------------------------
يمتئ اعله بابك سيدي تعودها الاجدام
ومن التعب يغفه الجفن وبصفك ينام
احلامي كلها بحضرتك حققلي الاحلام

يخلص تعبني بس اوصلك بخير
حضرتك مثل گلب امي وحنانة
كل زاير يكض شباجك ارتاح
هو الماشي بس اليتعب انة

شوكت ترزقني
واطب للحضرة
واصيرن زاير
علي ابن الزهرة

يامولاي ياضامن دموعي
-----------------------------------------------------
گد ما حجي بگلب اليحب يخلص بالاعتاب
هيج انه تعبي بحضرتك يخلص ع الباب
اسباب اكو بموت البشر وانت من الاسباب

حبك سبب موت الخادم يصير
موش بخير بس بصفك بخير
انه اتمنئ موش جفوف جنحان
واوصلك مثل مايوصل الطير

حياتي ببابك
واموت بغيرك
گبل مازورك
غرگت بخيرك

يامولاي ياضامن دموعي
------------------------------------------------------
لو ينحسب حبك ذنب من عدة ماتوب
ياخذني شوگ الحضرتك لو صار الغروب
المايوصلك يگضي العمر مولاي مطلوب

احبك گبل لا اسمع حچي الناس
وگبل لا اقرة عنك بالرواية
نهاية تصير للحب لو شخص مات
ومتت بس ما وصل حبك نهاية

سلام عيوني
وصل ل اعتابك
اخذ دلالي
اسير ابابك

يامولاي ياضامن دموعي
--------------------------------------------------
علي حالوب Aprire / Come

2023-04-30 01:12:47 مجلس عزام
بين الضريح و الجدران
بين النطق و الصمت
بين الضروف و المئواه
كم انهاا مؤلمه لمن رءاها بقلبه
اخخخخ Aprire / Come

2023-04-29 13:30:45 #شور

بداية خلق الأرواح،،، أنكتب أسمي الخدمتك
يمولاي العمر راح،،، فدة الوحشة غربتك
نذرت أسنيني،، ومحاجرعيني،، قبل تكويني
ألك ياسيدي
وعيت وهايم،، لگيت الوادم،، تجل الخادم
وصرت من مولدي

عبد عندك وأخدمك
عطر رباني أشمك
شحلات الگعدة يمك00 بوسط ذاك الصحن

قريت أجمل عبارة
بمراسيم الزيارة
اليحب حر بقرارة 00 الگلب بيك أنفتن

يا لذة الحب الصدگ بيها أشعر وياك
دلالي ينبض بالعشگ لو جاسة طرواك
وبناأددم شما يحترگ بجنونة يهواك

حسين،،،،حسين

ألك مخلوقة الأكوان،،، وتسير بضل رحمتك
تروي وأنتة عطشان،،، حنين أبگد نعمتك
يساقي وضامي،، ملكت أحلامي،، شلي بأيامي
بسبيلك هالعمر
بعذابك روحي،، تواسي جروحي،، ألبواچي ونوحي
اعلة ذكرك تستمر

يحزني المالة چارة
الگلب لاهب حرارة
مشي بلا أستخارة00 أعلة دربك ما أزل

ألك كلشي أضحي
واذا يلچمني جرحي
لگيتك أنتة ربحي00 علي زيد الحمل

أسهر وأضحيلك عمر يا أغلى محبوب
يا أول وأخر سطر بعيوني مكتوب
ياذيني ياذاك الظهر البيه أنت مسلوب

حسين، ،،حسين

سماحة عشگي يحسين،،،يمرجع لليخدمك
الگلب ما يوسع أثنين،،،ونقشت بگلبي أسمك
سرة بشرياني،،وملك وجداني،،مصير أحزاني
مزجتة وي الضعن
الضعن وا أهاتة،،وأثر خطواتة،، تظل مئساتة
جرح طول الزمن

الضعن يشرح عذابة
فگد ذيچ المهابة
حدي الغربة وعتابة00 على النوگ الهزل

ضعن حرمة ويتامة
الرماح ألهن علامة
أحملن روس الشهامة00 واحس راسك عدل

راسك يسير وي الضعن فوگ اعلة الارماح
شفت الرمح شايل وطن لارض الغرب راح
هناك المشاعر يلتقن مابين الارواح

حسين، ،،،حسين

أنطلق مشوار الأحزان،،،بمسيرك أنت للطف
هدوئك چنة قرأن،،، لسانك كلة مصحف
حنينك عابر،، حدود العاشر،، وطن ومسافر
الى طف العشگ
خيامك رحمة،،ڤياي ونعمة،، پأيادي الغشمة
وسافة تحترگ

يمولاي الگلب هام
جمرتة من الخيام
رماد اخيامك شضام00 أثر دوسة طفل

أثر بي للنساوين
أنطفة برجل الميامين
جمر ذيچ الصواوين00 لچن ظل مشتعل

انطلقت حرارة بكل گلب مستعرة لليوم
والعين مو دمعة تصب جمرات وهموم
وحشة وكلف ليل الغرب بي كلشي معدوم

حسين،،،، حسين

طفت كل القناديل،،، وگمر ضاوي كمالك
درب أحزانك أطويل،،، اليحب يرغب وصالك
وصالك نسمة،،وضياعك لچمة،،قبول الخدمة
أذا أنت أقبلت
وگفت أبابك،، طحت بعتابك،،ابوس أترابك
مدد منك ردت

ترابك بيه مشاعر
هواجس للخواطر
عطر دم المناحر00 اليشم بي ينتعش

هواك ينقي ريتي
بعد صفيلي نيتي
يظل أسمك هويتي00 وحروفك تنقش

نفحة ترابك بيها أشم عطر السماوات
دم تضحياتك بي رسم ستر الحجابات
الماشافك بيقضة وحلم شافك حضارات

حسين، ،،،،حسين

حسين حمدان الدلفي Aprire / Come

2023-04-29 13:25:39 السماح السماح .. يا عزيزَ فاطمة

كلبـــك خيـمه ونار اذنـوبي
تحرك صـدرك يا محبـــوبي
اندم واغلـــط وارجع تايب
بس هم ادري لكلبك جايب

مو امان الدنيا وعيـــــونك امــــــان
بين كلبــــــك وايدك انطيني مكـان
كبـــل لا دنـــــيانه تاخــذنه بعـــــيد
خل نكض بيدك قبــل فــوت الاوان

جيتك بتعبي ارد اطيح
نادم لعــالمـــــك جـــاي
ادري هـم اتلمـــني راح
غير اضل بمســتحاي

الـسّـمـاح الـسّماح ..يا عـزيـزَ فاطمه

بفيــك كاعــــد والجم روحـــك
تمــسح دمــعي وارضه بنــوحك
وبــلا عيــــــب اجرح بحساسك
وجزِي ولا جن شيّــــب راســك

انــــت ذاك الـمــاله خيــــمه ولالـه راس
التحــترك خيــمــة بناتــه لخاطــر الناس
ليش ما حاركها روحي من البجي ويـاك
والله مولاي اعتـرفلك ناقــص احــساس

المثلي هسـه بكلبه نار
تحترك ما تطـــفه دوم
وانا ناسي ابجي عليك
خلصتها ايامــي نـــوم

الـسّـمـاح الـسّماح ..يا عـزيـزَ فاطمه


ادري الحــبك كون يضـحـكي
وانته اشـايف منـي بجرحـي
مو مـــن كلبي وياك محـــزم
جذبة دموعي ولاني المهتم

اني كل عــام اليـــمر طــالب رضاك
لجن ما مره صــــدك كلبـــي شفـاك
بيك اردن للعطش والجــــم اجروح
انت يمي ادواك واني اجـفي بدواك

ادري جرحك ما يطـيب
وانا المزيـــدك عــــذاب
كون غاسل كلبــي زيــن
جان جرحك هسه طاب

الـسّـمـاح الـسّماح ..يا عـزيـزَ فاطمه



جيتك نــادم كــــاســر كلبــك
جيـت وادري تلمــني بدربـــك
ادري تسامح بــس الصـــعبـه
الزم روحـــي وكلبـــي وذنبـه

وياك جم مره الكلـت بيها ارد اتـوب
وبعد ما اغلط وكافــــي من الذنـوب
وانسه والدنيا خـــذت بيدي ونسيت
هناك عود اصحه واريدن بيك اذوب

عيبي وياك من اتـوب
هم ارد واغلط واجيك
والتكـتلك يا حســـين
ما تــــرد اليعـــتـنـيـك

الـسّـمـاح الـسّماح ..يا عـزيـزَ فاطمه

ادري بكلشي وكلشي اتصور
تسامح ادري وكلبك اخـضـر
اطلب منــك اخـــــر مــــره
تسامح كلبي وتجـبر كســره

راح اجــيك بـــروح مالـــيها الغـــرام
تنسه اخليـــها بــــــعد تاكــل حـــرام
وراح اضل امشي برضاك ومو رضاي
بشر ثانــي ويــاك راح ابـــدي بهــيام

ما يهمــــني رضــا النــاس
راح اضل امشي برضــاك
كلشي اهجره بروحي راح
وامشـي اضــلن بس وراك

الـسّـمـاح الـسّماح ..يا عـزيـزَ فاطمه


حيدر عبدالله السعيدي Aprire / Come