الـقُـرآن نـور الـقـلـوب

2023-03-29 12:31:38 سووڕەتی حوجورات
«کۆکەرەوەی ئاداب»

پێشەوا تەبەڕی بە قوتابییەکانی فەرموو: "ئایا ئامادەییتان بۆ تەفسیری قورئان تێدایە؟" وتیان: "ئەندازەکەی چەند دەبێت؟" فەرمووی: "٣٠ هەزار لاپەڕە"، وتیان: "ڕەنگە پێش تەواوبوونی لەناو بچین و بمرین!" ئەویش فەرمووی: "پاک و بێگەردی بۆ خودا، کۆشش و هیممەتی پیاوان نەماون!"
هەربۆیە لە سێ هەزار لاپەڕەدا پوختی کردەوە.

سەردەم و ساڵەکان تێپەڕین و ئەوانەی ڕێنموون بووبوون بە قورئان، هاتن و وتیان: "ئامادەییمان بۆ هەزاران پەڕە تێدایە!"

داواکارین لە خودا کە دامەزراویان بکات و سوودیان پێ بگەیەنێت. هیچ شتێک بەوێنەی چێژی ژیانکردن لەگەڵ قورئاندا نییە، ئێمە لێرەین بۆ ئەوەی بارەکانی ژیانمان بەسەردا بدەن، نەک بێهوودەیییەکی نوێ زیاد بکەین.

ئەم سووڕەتە؛ بەشێوەیەکی سەیر سووڕەتێکی وێژەیییانەیە بۆ باوەڕدار کە واتای سەرەکیشی بریتییە لە: «باوەڕ باشترین وێژەیە، قورئان پەیوەستییەک لەنێوان باوەڕ و ئەدەبدا دروست دەکات، بەرزترین پلەی ئیمان، پلە بەرزەکانی ئەدەبن».

سووڕەتی حوجورات مەدەنییە و لە دوای فەتحەوە دێت، ئەم سووڕەتە کۆکەرەوەی ئادابە، وێژە لەگەڵ: «خودا، پێغەمبەر، دەروون، ڕکابەر و هاوڕا». ئەدەب جەمعێکە بەش بەش ناکرێت، مەنزومەیەکی ئیمانی گشتگیرە کە بە پاکێجی باوەڕەوە پەیوەستە.

باوەڕدار بە ڕۆحێکی ڕێکخراو و کاریگەربوونێکی ناوازەوە لەم سووڕەتەوە دەردەچێت! قورئان فێرت دەکات کە ئەدەب پەیڕەوی ژیانە، هەر لەسەرەتای قورئانەوە بە ئەدەبەوە پەیوەستت دەکات، هەر لە تەوحیدەوە، بۆئەوەی خودای گەورە بەوپەڕی ئەدەبەوە بپەرستیت.

#ئاستانە_Astana
#ڕەمەزانی_ئاستانە
#حجورات_فێری_کردم Aprire / Come

2023-03-29 12:31:33 Aprire / Come

2023-03-25 08:02:50 وا راهاتوين خۆمان بدەينە دەست خۆمان، پێمان وايە چاكەى خۆمانمان دەوێت، راكەراكى ئەوەمانە كە ئەمانەوێت، نەوەك ئەوەى الله پێى باشە، زمانمان گەرمە بە دەقەكانى تەوحيد و ئيستيعانەو تەوەكول و ناخيشمان چەشنى شەقشەقەيە لەئاست خۆدانەدەست خوا.
هەردەم هەڵوەداى خەم و پەژارەين، بەدووى دەرچەكانى خەم و خەفەتدا وێڵين، سەرمەستانە رێگەى كزيى دڵ و دەروون تەى دەكەين، بێمنەتانە دەروازەكانى دنياى غەم دەشكێنين وپڕتاو دەدەينە ئەو جيهانە، كاتێكيش خەمەكان يەخەمان دەگرن، پرتەو بۆڵە و گلەو گازندەمان نێوانى ئەرز و ئاسمان دەبڕێت، چاكەكەمان ئەوەيە كە داواى دەربازبوون لە پەروەردگارى دەكات، لەرزۆكەكەشمان ئەوانەين بە زمانى دڵ پرتەو بۆڵەمانە (خوايە بۆ؟) بەدەكانيشمان ئەوانەن دەكەونە عينادى و هەندێكيان بەرەو ئيلحاد پەلكێش دەبن.
ئەگەر كەمێك هێواشتر بڕۆين، گوێمان لە پەيامى روونى خوايە بۆمان، ئەو نايەوێت ئێمە رووەو خەم و خەفەت هەنگاو بنێين، رێنماييمان دەكات خۆنەدەينە دەست ئەو دێوەزمە ئازاربەخشە،

خەم مەخۆن بۆ ئەوەى لەدەستتان چووە (لِكَيْلَا تَحْزَنُوا عَلَى مَا فَاتَكُمْ وَلَا مَا أَصَابَكُمْ)

كێبڕكێى بێباوەڕى خەڵك خەمبارت نەكات (وَلَا يَحْزُنْكَ الَّذِينَ يُسَارِعُونَ فِي الْكُفْرِ)

تەنانەت قسە و قسەڵۆكيشيان بێتاقەتت نەكات (وَلَا يَحْزُنْكَ قَوْلُهُمْ)

نيشانمان دەدات پەنا بە زاتى خۆى بگرين لە خەم و خەفەت، ئەگەريش لەپاى هەڵەى خۆمان، يان بەرەنجامى ئاكار و گوفتارى چواردەورمان تووشى بووين، دڵ بدەينەوە بە الله، ئەو مەبەستيەتى خەممان لەسەر هەڵگرێت، بێئاگا نيە لە پەژارەى ئێمە، دەستەوسانيش نيە لەئاست گۆڕين و نەهێشتنيدا، دەست و دڵ و زمانى خۆمانى دەوێت وەك كەرەستە، (إِنَّمَا أَشْكُو بَثِّي وَحُزْنِي إِلَى اللَّهِ)
بەوەشەوە ئەگەر خۆ لەشايستەبوون نەبوێرين، بێ ئەو داخوازيەش هەر خۆى دێت بە دەممانەوە.
خۆ دايكى مووسا ئۆقرەى لێ هەڵگيرابوو بۆ كۆرپەكەى، لەولاشەوە الله بڕيارى دابوو شيرى هەموو ميسر لە مووسا حەرام بێت شيرى دايكى نەبێت، تەنها و تەنها بۆ دڵدانەوەى دايكى، بەس ئەوەش نا، دەبێت ساواى نێو نيل ببێتە پێغەمبەرێك و فيرعەون لەكۆڵ ميصر بكاتەوە.
زۆرجار خەفەتەكانمان پاداشتى خەمێكى ديكەمانن كە رێمان پێ نەدرابوو خۆبدەينە دەستى، جارى وايش هەيە خەمێكى گەورە كراوەتە قوربانى خەفەتێكى بچووكمان، بەڵام چاو و دڵى ئێمە نەيتوانيوە سنوورى خەفەتەكە ببڕێت هەتا غەمە گەورەكە ببينێت، لەم لاوازييەى ناخمان لەنێو ئەو هەموو جەنجاڵى و تاڵاوانەدا، جێى خۆيەتى بۆ رزگاربوون خۆمان تەسليمى ميهرەبانێكى زاناى بەهێزى بەخشندە و بەئاگا بكەين (اللهم لا تكلني الى نفسي طرفة عين)


نهاد جلال Aprire / Come

2023-03-25 08:02:36 Aprire / Come

2023-03-24 00:37:43 خولی ڕەمەزانی ئاستانە
ڕامان لە سوورەتی «الحجرات»

وانەی یەکەم
م. نوورەدین وەڕازی





#ڕەمەزانی_ئاستانە
#ڕامان_لە_سوورەتی_الحجرات Aprire / Come

2023-03-22 00:42:13 خولی ڕەمەزانی ئاستانە
لە ژووری دڵتەوە بۆ دونیا!

گەشتێکی ئیمانی لەگەڵ قورئانی پیرۆز،
گەشتێکە بۆ تێگەیشتن و تێڕامان لە وتەی خودای مەزن.
بەڕێزان و قورئاندۆستان پێکەوە لەم خولەدا دەچینە خزمەت قورئانی پیرۆز و مودارەسەکردن و ئاشنابوون بە واتا و هیدایاتی و ڕێنمایی ئایەتە پیرۆزەکانی.

لەم خولەدا جەخت دەکرێتەوە لە:
- تەفسیری ئایەتەکانی سوورەتی حوجورات.
-پەرتووکێکی ناوازە و تایبەت لەسەر پەیوەندی مانگی ڕەمەزان و قورئانی پیرۆز
- تەدەبوور و ڕامان لە مەغزا و مەبەستی کۆی گشتی سوورەتەکە.
- ئاماژەدان بە هیدایات و ڕێنمایی ئایەتەکان.
- چۆنیەتی ژیان لەگەڵ قورئانی پیرۆزدا لە مانگی ڕەمەزان
- مامەڵەی هاوەڵان لەگەڵ قورئانی پیرۆز.
- دیارترین نەخۆشییەکانی نێو کۆمەڵگە، لە: «گاڵتەکردن بە خەڵکی، ناو و ناتۆرە، غەیبەتکردن، گومانی خراپ، جاسووسی کردن، منەتکردن، و... چەندانی دیکە».

گرنگی ئەم خولە:
خودای باڵادەست فەرموویەتی: {کِتابٌ أَنزڵناهُ إِلێکَ مُبارَکٌ لِێدَّبَّروا آیاتِهِ وڵِێتَذَکَّرَ أۆڵو الأڵبابِ} [ص: ٢٩] «پەیامێکی پیرۆز و پڕ بەرەکەتمان بۆ ناردوویت بۆئەوەی لە ئایەتەکانی ڕابمێنن، و خاوەن بیر و ژیرەکان پەند و ئامۆژگاری لێ وەربگرن».
- ئەم خولە جێبەجێ کردنی فەرمانی خودای مەزنە بۆ تەدەبوور و ڕامان و بیرکردنەوە لە ئایەتە پڕ بەرەکەت و پیرۆزەکانی قورئان.
- ئەم خولە دەروازەی ئاشنابوونە بە کۆمەڵێک واتا و هیدایەتی قورئانی پیرۆز کە پێویستیی ژیانی هەموو باوەڕدارێکە.
- ئەم خولە حوجرەی تێڕامان و ژیانکردنە لەگەڵ وتەی خودای بەرز و بڵند.
- ئەم خولە بەرجەستەکردنی داخوازی و داواکارییەکانی قورئانی پیرۆزە لە ژیانی ڕۆژانە، هەروەک دایکمان خاتوو عائیشە (ڕەزای خودای لەسەربێت) لە وەسفی پێغەمبەری خۆشەویستمان (ﷺ) دەیفەرموو: «ڕەوشتی ئەو قورئان بوو.»

خولەکە پێشکەش دەکرێت لەلایەن:
- مامۆستا نوورەددین وەڕازی.
- مامۆستا حەسەن حوسێن.
- مامۆستا مەڕوان کوردی. Aprire / Come

2023-03-20 19:30:29 ئەگەر توانای خوێندنەوەی تەفسیرێکی ورد و درێژت نییە ئەوا ئەتوانن ئەم کتێبەیە بەناوی ( القرآن تدبر وعمل ) بەدەست بخەن بەراستی جوهد وکاری ناوازەی تێداکراوە

ئەم کتێبەیە کە پێکهاتوە لە قورئان بە کاملی لەگەڵ تەدەبورکردن لە گرنگترین ئەو ئایەتانەی لەلاپەڕەکەدا هاتوون و شێوازی وردبونەوەت فێرەکات لەسەر مەنهەجی ئەهلی سونە

ئەم کتێبەکە کراوە بە چوار بەش

بەشی یەکەم : بڕگە و بەشی وردبونەوە تەدەبورکردن لەمانای ئایەتەکان کە تیایدا بۆ ۱٦ تەفسیری سەرەکی گەڕاونەتەوە

بەشی دووەم : مانای ئەو وشانەی لەو لاپەڕانەدا هاتوون و ڕون و ئاشکرانین بۆ هەموو کەسێک .

بەشی سێهەم : کارکردن بەئایەتەکان و پێتەڵێ داوای چی دەکات و چۆن کاری پێدەکەی

بەشی چوارەم : دەرس و پەند و سودی پەروەردەیی و عەقیدەی و فیقهی لەهەر وەجهێکدا کە هاتووە

لەهەمووی گرنگتر هەر لاپەڕە و بارکۆدێکی لەسەرە تاوەک لەڕێیەوە گوێت له قورئان خوێنێک بێت و وەجهەکەت بۆ بخوێنێتەوە Aprire / Come

2023-03-20 19:30:24 Aprire / Come