MINI-TG 25/7/2022 Atualità Riven i auto-pompista che parlen | Lombardia Incoeu

MINI-TG 25/7/2022

Atualità
Riven i auto-pompista che parlen in dialet, e 'n quajvun el ciapa el lombard per el portoghes
La Wikipedia in Lombard l'è rivada a 53'000 vos
Meteo, in setimana tornen pioeuva e tampesta in Altitalia
La denonzia de 'n prof de 'n ITE l'Altitalia: "el presid, de la Bassitalia, n'ha domandad de volzà i vot per jutà i student cont i concors publegh"
Covid, l'Rt italian el va sota a vun
Di pirata nonzien un atach informategh a l'Agenzia di Entrade: robad i dacc e domandad un riscat, ma Sogei la desmentiss

In Lombardia
Cadoragh, dona de 33 agn mazzada a cortellade, fermad el compagn
Quadruplegà de la ferrovia Milan-Pavia, la Region la dà el via libera al proget final
Vacin COVID, la Sgionta la aproeuva el noeuv pian de emergenza
Bloch del Passant, l'Assessora Terzi: "gh'hem minga una data che 'l derva ancamò"
Elezzion, el Gori: "onori ol mè impegn con Berghem e me se candide mia"

Politega
El Calenda l'insubiss una micro-taja in sui transazzion per ciapà 40 miliard, ma i cunt tornen no
El Speranza el nonzia che Articol 1 el corrarà cont el PD
El Crosetto contra el Tajani premier: "l'è minga el PPE a scernì el noster president"
El Rampelli de FdI: "i gay eren perseguitad in China e URSS, con nunch al governo gh'havarann i istess dirit e libertà de scerna"
La Meloni: "se troeuvom minga un acord in sul premier de center-destra el gh'ha nanca sens correr insema"
El Salvini a la Meloni: "lassom a la sinistra risia e partizzion, quell che 'l gh'ha un vot pussee el gh'havarà onor e oner de scernì el premier"
La Gelmini la nonzia la soa disponibilità a parlà cont el Calenda

Guerra in Ucraina
La Lituania la ativa ancamò i conligament ferroviari in tra la Russia e Kaliningrad
La Gazprom la volza i fornidure de gas a l'Italia del 71%
El Regn Unid l'ospitarà l'Eurovision Song Contest inveci de l'Ucraina
l'Armada informatega ucraina la nonzia de havé sbatud sgiò 750 obietiv in Russia

Esteri
Stat Unid, s'ciopetada a Los Angeles, almen 2 mort
Myanmar, giustizziad quater ativista
El Giapon el nonzia el so prim cas de varioeul di simie
S'ciopetada in la Colombia Britannega contra i barbon, vari mort
Stat Unid, la Ghislaine Maxwell l'è stada spostada in d'una galera de bassa sigurezza
Visita de la Pelosi a Taiwan: "ris'c de resposta senza precedent ma credom no a 'na guerra", disen i analista
El Papa in Canadà: "la Gesa l'ha collaborad al stermini di indigen, me se scusi"

@lombardiaincoeu