2023-03-28 10:06:01
رحنا كلنا لهناك ..
ورحبوا كلهم بأمي . الا نضال . احسها تستنكف من امي لان جانت تشتغل عندهم قبل .
وهسا جايه تاكل عندهم .
جانت تگول لو مااني مااتساوت الروس .14
جانت باجي وفاء . حايره شطابخه.
وگالت سويت طرشانه الحسوني اليوم يجي ويحبها .20
طبعا ماعرفتكم على حسين ..
حسين اصغر من توته بسنه يعني بگدي عمره 21 سنه
يدرس جامعه ببغداد ..
ماذكرت سابقا . لان ماجانت اكو احداث تخصه .
باجي وفاء تحبه حيل .
ويمكن لان اول ولد عندهم .
توته هم جايه . تزوجت واني حزينه وماحضرت زواجها .
طالعه تخبل وحليانه وهستوها حامل .24
وصل حسين . ودخل امه تحضن بي وتبوس .
وعبالك جان عمر مو يمها .
ولو الضنا غالي .
هسا اني مااگدر ابعد عن جهالي اليوم واحد .52
سلم علينا كلنا . وشفته صدت عينه على فرقان .
ويحجي ويباوعلها .
سلم عليه ويگلي . شأكلح بله وانتي بگدي ومرت خالي .
گتله گول ام حمودي احسن .17
اجتمعنا ع الاكل . النسوان وحد والزلم وحدهم .
خلصنا ردنا نرجع .
گالت باجي وفاء . هاي حلويات جايبهن حسوني من بغداد الكم ..
رجعنا للبيت. طلعت الحلويات بماعين وزعتهن .
وكعدنا بالصاله ناكل . الولد بعدهم ماراجعين .
امي والحجيه مااكلن .
گالن سكر بينا .
فرقان . انطيني خيه انطيني . اني اكل . تاكل وتگول والله ماشايفه حلو ويجيب حلويات .
اصيل خربانه من الضحك .
واني مصدومه. معقوله هاي الطفله كبرت وهيج گامت تحجي .17
گلتلها .. ولج هاي شوكت كبرتي انتي .
فرقان .. يااا هستوج شفتيني . ابنج راح يصير بطولي جا ترديني ابقى صغيرة دووم .
طبعا فرقان صارت بالاعداديه . وهاي اول وحده بينا تكمل وتوصل الهيج مرحله .2
وصدگ صدمتني هالفرقان مااتوقعتها هيج . وحجايه والثانيه وتنكت وماتضحك .
وتخلينا نموت من الضحك .
وهي ولؤي تراهمهم بهاي الشغله ..
#بقلمي_الكاتبة_شمس
……………………………………13
وهي ولؤي تراهمهم بهاي الشغله .
واخذت عليه بسرعه .
وضحك وسوالف . ويلتفت عليه . يگلي ماطلعتي مثل اختج بس تضحك .
مو دمعتها بطرف عينها .
گتله .. ها يعني هسا اني صرت كوخيه ومتريدني بعد .
خوش . جا من تشيل امي اروح وياها بعد شلي هنا .17
لؤي .. ههههه تگدرين . لو ترحين العرعر وراج وراج
انتي الي بعد وماانطيج ابد .
انسي حبيبتي نتفارگ هيهات .21
خلص البيت وامي رجعت . وبقى مكانهم خالي .
كم يوم گعدوا وياي ملوا حياتي بيها ..2
مرت كم سنه ولؤي ماكو خبر عن ابنه ..
تالي .. گال هدى اني راح اسافر للاردن ..
انقبض گلبي . شعندك هناك .
گال ماكو خبر عن مهند . وبعد مااتحمل . بلكي سناريا من تعرف بيه رجعت للعراق .
ترجع . لازم اروح ادور ابني ..4
ضجت وانقهرت بس ماگدرت امانع حقه . ابنه وصار كم سنه ماشايفه .
حضرت غراضه .وهو جهز اموره كلها ..
وصار وكت الوداع ..
هاي اول مره راح نفترق . حضنته حيل وودي مااعوفه .
ووهو يطمني ويگلي راجع والله . شبيج الي يشوفج يگول راح ماارجع .18
حتى اولادي بجوا وراه .
اخذه مرتضى ووعدي . للولد الي يروح وياه .
هذا جان دوووم ياخذه ويجيبه من الاردن .
ودعته وشميته وراح . وگلبي ماكلني عليه .
وخاصه الوضع متأزم وگالوا بوش مهدد العراق .
واحتمال تصير حرب .5
وصار الي جنت خايفه منه .. صاحت الغاره بعد عشرة ايام من روحته ..هاي بسنة 2003
واني گمت الطم وابجي بيها ..
گلبي يمه شلون راح يرجع .
منعوا الدخول للعراق .. واني تخبلت من الشيخ گال .
بعدين هدأني مرتضى .
گال خليه هناك احسن اله . ع الاقل بأمان وتخلص الحرب ويرجع ..36
هدى .. شتخلص مرتضى هذا حرب . وبوش صدگت يستسلم بسرعه .
يعني الله اليعلم شگد تطول .
شلون اتحمل فراگه وغيبته .
الحجيه . گالت يمه اتهدي ولاتسوين هيج مايصلح عليه .
گلتلها . مو خوفي لا يجازف ويحاول يرجع بأي شكل ويصير عليه شي ..
رجلي واعرفه .
استمرت الحرب وجبت امي وفرقان يمي كلشي يصير عليهن .
كافي فراگ لؤي . ومااعرف مصيره .3
الولد كلها محظره تفگها . وناطره ليل ونهار .
كلنا خايفين وحزنانين .
الا فرقان .. الوحيده فرحانه بالحرب .
وتگول . لو هيج الحرب لو ماكو .
واني من حرگتي . طلعت قهري كله عليها .64
صرت على اقل شي ابجي واطلع حرگتي .
مااتحمل اي احد ..
الحرب استمرت . والخطوط انگطعت وماكو خبر عن لؤي .
واني كل يوم بسنه يمر عليه . الحجيه جانت قويه .
بس يوم عن يوم زاد خوفها وقلقها .
واخذتها الحسبات .
وتگول .. خاف رجع وحاصروه لو شو شصار عليه . ابن بطني وادري بيه مايصبر يبقى هناك واحنه ماعدنا خبر عليه ..
هدى .. اي والله يمه اني هم هيج حاسه . ابن گلبي واعرفنه .
وليل ونهار متگابلين على نفس السالفه ..
وامي بينا تهدي بينا ..3
طلعت السنه الثانيه الابوي .. وسوينا ثواب وزعناه الروحه . وماگدرنا نروحله بهيج وضع ..
3.4K views07:06
ق
