فرقان .. اكيد تعرفوني .. اني اصغر اخت الهدى .. ابوي من اجنه صغار طمس شحصيتنا . وكلما تكبر وحده زوجها وخلص منها . الا اني . گمت ادعي ليل نهار مايجيني واحد واكمل دراستي . جنت مااريد اتزوج واتعذب مثل خواتي . وجن الله استجاب دعائي ومااجه احد خطبني . وكملت دراستي . وصلت للاعداديه .. ومات ابوي . وبقينا وحدنا . اخذونا بين عيال هدى يمهم على مانشيل ببيت جديد . وسوالنا عمهم الشيخ عشا . رحنا يمهم . وهناك شفت ولد يخبل . وشخصيه وجامعي صدگ جذبني . واني هم ماقاصره . بس خفت لان ابن شيوخ ومايعاين عليه .7
بس هو اكلني بعيونه من اول ماشافني . وبقينا كم يوم ببيت عيال هدى . وهو رايح راد الهم . بحجة بيبيته . ومرات افتح الباب . يسلم ويبتسم ويدخل . اخذ گلبي بأبتسامته . بس هدى ماگلتلها استحيت . خفت تحجي عليه .. بقيت هذا الشي بيني وبين روحي .4
ورجعنا البيتنا .. وگلت هاهي بعد مااشوفه ولايشوفني . بس الله راد يجمعنا مرة ثانيه . وصار الحرب . وجان فرصه ذهبية بالنسبه الي .. الناس تبجي . وضايجه . وهدى خطيه ماكلها گلبها على لؤي . واني فرحانه بالحرب . شايفين هيج .27
هنا گمنا نطلع للبساتين وي البنات . لان هدى ماتقبل تطلع . واني صارت علاقتي قويه ببناتهم . ياخذني ونروح . بس مو وحدنا . لا حسين ومهمين ويانا .. حسين اجه من بغداد بعد ماگعدت الدوامات كلها .3
وهنا نضراتنا صارت متبادله . صحيح مانحجي لان اخواته وبنات عمه ويانا . بس عيونه تحجي وابتسامتنا .. وحسيت گلبي تعلگ بي ..
هدى… مر شهر ع الحرب . وبدأت المحافضات تسقط وحده ورى الثانيه . مااتوقعنا بهيج سرعه تخلص الحرب ويسقط العراق .6
الشيخ انطى انذار الكل الولد . وگاللهم تفگكم ماتفاركوها . الوضع راح يتأزم اكثر . وتصير فوضى . لازم نسيطر على قريتنا ومانخلي واحد يدخللها ..9
هذا كله واحنه ماكو خبر عن لؤي .. گلبي وحضني مشتاقيله . الغرفه موحشه وضلمه بدونه .. جنت دووم ادعي ربي يرجعه الي سالم ومايحرمني منه .
دموعي مافارگني . واحس روحي رجعت ذيج الطفله الضعيفه . الي كبرت وقوت بوجود رجال يحميها ويصونها بس بعده حسيت بالضعف والالم والوحده ..
الى ان بوحده من ليالي الظلمه بعد الحرب .. بالليل وقريب الفجر. سمعنا صوت هوسه وعياط ..2
خفنا نطلع .ومرتضى گال اني اطلع انتن ابقن وقفلن الباب لاتفتحنها لمن تسمعن صوتي . #بقلمي_الكاتبة_شمس يتبــعـ
