قصيده طور حيدري للقاسم ماكـو حنـه ولا عـرس ابنـي نـايـم بـالشمس ــــــــــــــ ــــــــــــــ يلا شيـلـن حنّـتـهَ ابنـي اتـعـنـه للحـرب ابني عريس المنـايـه گوي حيـلك يـاگـلب حنتـه مـن دم رگبته وخيمـته زاري التـرب هذا يوم الضيـج هاذ الربـتـه الهـاذ الـدرب لوعه گلبي منترس ماكـو حنـه ولا عـرس ــــــــــــــ ــــــــــــــ يلا طفنـها شموعـه عرسه مـابـيـن الرماح وبين السيوف ابني كاشخ كشخه المعرس جراح صوت السيوف ايتشاگف زيـد ابگلـبـي النيـاح گلبي يـايـمـه نـغـزنـي اخ اضنـه اوليدي طـاح گوه اجرنه النفس ماكـو حنـه ولا عـرس ــــــــــــــ ــــــــــــــ گلبـي يـايـيـمـه نغـزنـي وگلبـي اضننه علـم جاسم امـدمـه اويلـي وغافـي ابگلبـه السـهم ماحسبت احساب اضيعـك وگضـي عمري بلألم شابـت ارموشي يـيـمـه بفرگتـك حيلي انهـدم گلبي يايمـه يحـس ماكـو حنـه ولا عـرس ــــــــــــــ ــــــــــــــ هدمـت يايمـه حيـلي من شفـت دمـك يسيح معرس ابأرض المنـايـه عالترب نـايـم ذبـيـح يمـه يانسـمـة هوايـه بيـك اشمن احله ريــح حافي متعنيـه اجيتك ساعه اگوم وساعه اطيح يمـه موش ابحيل امس ماكـو حنـه ولا عـرس ــــــــــــــ ــــــــــــــ خـل اعلگهن شموعـك خـل اطش ليـك الورد وخل اضوي اشموع گبرك بدمع عيني المابرد مااصـدگ يمـه اضيـعـك لااصـد طـولك بعـد ورده يـا يـمـه تـذوبـل ويـنـك ويــن الحــد بالنبض هضمک یجس ماكـو حنـه ولا عـرس ــــــــــــــ ــــــــــــــ تمت بعون الله تعالی کلمات یاسمین الشموسي نسالکم الدعاء للفرج عن اخي قناة دمع زینب حقيبتك بالمجلس کل ما تحتاجه تجده هنا قصائد نعي ابوذيات حديث فقط ابحث عن طلبك https://t.me/joinchat/AAAAAETnrgEL48UNnwdxcQ 294 views16:45
