اللهم صل على محمد وال محمد وعجل فرجهم الشريف السلام عليك يا بق | قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ
اللهم صل على محمد وال محمد وعجل فرجهم الشريف السلام عليك يا بقية الله في أرضه
قصيدة لمولاتي فاطمة العليلة عليها السلام
دار أهل المحنة اليوم حزنانة راحوا كل اهلنة الجانوا ويانة مشوا عباس وحسين عليهم تعمة هالعين راح حسين ابوي الجان رجوانة دار أهل المحنة اليوم حزنانة
عافوا دارهم بيهة العليلة يبوية حسين همي من يشيلة وتدري افراكم مابية حيلة والاصعب بعد عمتي العقيلة مشوا عني الغوالي وضل البيت خالي عافوا دارهم والعين عميانة دار أهل المحنة اليوم حزنانة
اعاين دارهم وحشة وخلية عافوني ومشوا اهل الحمية بگيت امحيرة واصفك بدية ونيني اعليك كل صبح ومسية اتنطر يرجعون عليهم تبجي العيون انهد حيلي يبوية وروحي نحلانة دار أهل المحنة اليوم حزنانة
لحكت اضعون اهلنة وراحت الروح گلبي عالاهل ياناس مجروح نحيلة ابداركم والدموع مسفوح ومن كثر البواجي صوتي مبحوح حزينة وتعمي هالعين اه يادار الحسين ونت فاطمة والدمعة جريانة دار أهل المحنة اليوم حزنانة
يبوية وياكم امشي واسرج الخيل وأحط افراشكم لو جلجل الليل تدروني عليلة وگلبي انحيل وهمي من بعدكم صبح ثگيل منازلكم خلية بوكت المغربية يكتل يومكم يابوية اذانة دار أهل المحنة اليوم حزنانة
بقلمي المتواضع العلوية والشاعرة ام حسام الغرابية الفاتحة لشرف النبي ولال بيته الطيبين الطاهرين والى رؤح ابنتي الشابة سلوى بنت علي ذمة عدم مسح الاسم
قناة دمع زینب حقيبتك بالمجلس کل ما تحتاجه تجده هنا قصائد نعي ابوذيات حديث فقط ابحث عن طلبك https://t.me/joinchat/AAAAAETnrgEL48UNnwdxcQ
