حصریا محرم 1445 قصیده للعباس {{گوم وداعت الله }} گوم وداعت الله ـــ حط ایدک بدیه گوم شمتت ناس ـــ یا عباس بیه ــــــــــــ ــــــــــــ گوم وداعت حسین لتخلیني محني ولتخلي دموعي تتگاضه ویه جفني موهینه یعباس اتعاله اعله حزني اول مره ینزل دمعي ویعله وني یسندني واسنده ـــــ ولحضاني ارده گوم اعیوني وشلت ـــ ودموعي جریه ــــــــــــ ــــــــــــ خویه یا عذر هاذ واقنع بي وردن وادري اباب الاخیام اخیاتک ینطرن اشلع فص العیون وبعیونک احطن وهدي اچفوفي عباس بیدینک یرکبن خل انطیک العیون ـــ بزینب لا یشمتون گوم ورد للخیام ــــــ وخلي الموت الیه ــــــــــــ ــــــــــــ گوم ورد للخیام ولا تحنیلي ظهري اسندني یعباس وخل یتگاوه صبري میت ریت گبلک ولا یبلیني دهري فوگ افراگ وجهک خیل ادوس صدري اشهگ من رفسهن ــ وبصدري احسهن الحوافر یجرحني ـــ ویدوسن علیه ــــــــــــ ــــــــــــ یا عباس تدري شوفي و حیلي انته حیلي اتبده چن ماي من طاحت یمنته عمیه اعیون الحسین ولا طایح نظرته شگت عینه السهام وتاخذ حیلي ونته فدوه اندارک کون ــــ واقبّل خویه العیون واشبگنه بالهفتي ــــ وتاخذني المنیه ــــــــــــ ــــــــــــ کون الموت یندار ومیته احذاک روحي وکون اجروحک اتصیر واخذاهه بجروحي کاسر گلبي الفراگ وماخذ حیلي نوحي موهینه یعباس اجلبنه مذبوحي لا یمنه ولا یسار ـــــ وبضلوعي دوت نار کون ابلحضه ونموت ـــــ ونتحاضن سویه ــــــــــــ ــــــــــــ تمت بعون الله تعالی کلمات یاسمین الشموسي نسالکم الدعاء للفرج عن اخي قناة دمع زینب حقيبتك بالمجلس کل ما تحتاجه تجده هنا قصائد نعي ابوذيات حديث فقط ابحث عن طلبك https://t.me/joinchat/AAAAAETnrgEL48UNnwdxcQ 110 viewsedited 10:00
