#حصريٱ لطمية لمسلم بن عقيل عليه السلام ( مو بثنين ) مو بثنين | قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

#حصريٱ
لطمية لمسلم بن عقيل عليه السلام ( مو بثنين )


مو بثنين ... ثارك ياخذه بميه
ابن عمك سبع واسلاح حربيه


ابن عمك سبع مايقبل بعطوه
لو يدري بمصابك چا فلك سوه
الكطعوا منحرك مابيهم امروه
سود اگلوبهم كلهن كراهيه
مو بثنين ... ثارك ياخذه بميه


سود اگلوبهم وافعالهم شينه
لو يدري السبع راسك امطبرينه
چا هز القصر والكون بيمينه
الهاي وغيرهه ضمته البدويه
مو بثنين ... ثارك ياخذه بميه


للكلفات گالت ضامه چفوفه
لو يدري السبع چا فلش الكوفه
ثارك ياخذه ويگول ماعوفه
لايرضه بفصل لايقبل المشيه
مو بثنين ... ثارك ياخذه بميه


ابن عمي شجاع يگول شيفصله
يرخصله الزند والعين ترخصله
اخلي الروس كل وصله تطگ وصله
دم بدم اريدن ماردت ديه
مو بثنين ... ثارك ياخذه بميه



رفض عباس كلشي يريد بس دمهم
مني يگول ياگاع وسمه اتضمهم
سل السيف والعدوان گاومهم
صاح الويل ليزيد وطواغيه
مو بثنين ... ثارك ياخذه بمينه


صاح الويل لبن ازياد واتباعه
موش بيوم ياخذ ثارك بساعه
نشمي وماتهمه اجيوش فزاعه
تعجب صولته وكله نماريه
مو بثنين ... ثارك ياخذه بميه


تعجب صولته وعالزلم يتچنه
موش انه الگلت گال النهر عنه
زرع بگلوب عدوانه الف ونه
خله اجيوشهم دنگت محنيه
مو بثنين ... ثارك ياخذه بميه


لشاعرة اهل البيت
الملة ام هجران العمارچية
غير مبري الذمه من يحذف اسم الشاعره اويغيره او ينسب القصيده لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ