يا بوية اليتم ما ينحمل دوم و الابنية تحن للوالي كل يوم ليش اتروح يا شيال الاهموم تتركني حزينة وگلبي ملجوم يضل گلبي يبوية اعليك يوجعني
يضل عيزان گلبي رايد احباب انتظرك تجيني و تطرگ الباب لتيتم حميدة اعليك ابو اتراب يضل ثوب الحزن للوالي جلباب يضل حزني عليك وما يفل وني
اونن و الونين ايزود بليل بعدني صغيرة بوية وماالي حيل يبو طاهر دمعتي دومها اتسيل كون الشال ابوها تمشي واتشيل ما احمل افراگك بوية يهضمني
يهضمني غيابك ما احمله گلي شلون اسد بيمن الخله منو الينشد شحالي ومنهو اگله من بعد الابو نشبع مذلة الابنية تذل و انته امدللني
بوية امدلله جنت اني ابجالك ليش اتروح و اتيتمهم اطفالك ابقة اعليك اونن دوم وانعالك مثلك ما يصح لا شفت انه امثالك صعب يفراگ شخصك حيل يكتلني
مشدوهة اضلن و اهمل العين و ليل الفاگدة يخلص بالاونين باجر حافية اركض و الملاعين يضربوني و اشوفن ذبحت حسين و بسوطه الشمر كلساع يضربني
------------------------------------------------------- *بقلم خادمة اهل البيت ع آلــشــا؏ـرة وآلمـلا رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له
قناة دمع زینب حقيبتك بالمجلس کل ما تحتاجه تجده هنا قصائد نعي ابوذيات حديث فقط ابحث عن طلبك https://t.me/joinchat/AAAAAETnrgEL48UNnwdxcQ
