درت العين ياطوعة ونت الليل مسموعة محتار ادير العين | قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ
درت العين ياطوعة ونت الليل مسموعة محتار ادير العين غربة ومشيتي منين ونت الليل مسموعة ========== بالكوفة وحيد بليل ياطوعة گبر همي غريب وماإليه انصار واصيحن ياعلي عمي أنه بديرة غرب محتار ماواحد عرف يمي ليل الغربة ماينراد لكن ماضعف عزمي
ذاك الليل والغربة ياطوعة وتظل صعبة حاير مااليه امعين. غربة ومشيتي منين ونت الليل مسموعة ========== اتلفت يمين ايسار صورة ابالي مطبوعة انرسم طف ورمح والليل خيل وناس مجموعه اشوف حسين ذاك حسين بس امكسرة ظلوعة گلبي لحالته مكسور ابگلبي مخضرة اللوعة
صحت بصوت يالغالي. راسك عالرمح عالي عالرمح راس حسين. غربة ومشيتي منين ونت الليل مسموعة ========== مااندل صرت محتار ازقت الكوفة بس ظلمة وحشة ومظلمة بهل الليل الكوفة مسلم اتهضمه عليه اتحالفوا ياحيف وادم باعت الذمه كلهم كالوا انطيحة لامير الكوفه انسلمه
طوعة الحال مايخفه. بله شتنفع الوسفة بهاي الناس ماتدرين. غربة ومشيتي منين ونت الليل مسموعة ========== اخذوني ورحت ياحيف بولية ناس ماترحم هاي الناس ضد حسين باجر تحرگ امخيم ضيف ومارعوا للضيف حرمة ولابشر يهتم عطشان وذكرت حسين وإعليه الگلب سلم
دم العين تبجيله ذاك حسين والعيله عياله حسين محتارين. غربة ومشيتي منين ونت الليل مسموعة ========== من فوگ القصر مكتوب مسلم ينكسر ظهره من دفعوني شفت حسين لنه طاح من مهره نفس الايد هاي هناك باجر توصل لنحره مثل مسلم وحيد حسين بالطف محد اينصره
عنه تروح كل ناسه. ذيج ارماح يم راسه حاير يتجه لاوين غربة ومشيتي منين ونت الليل مسموعة ========== لبنيتي الگلب مشتاگ بجمرة الروح مجويه واسيت الحسين جروح وهيه تواسي لرقيه من دمي جره اعل الكاع هيه تروح مسبيه ابجي اعل الحسين دموم وهيه تونله ليليه
ابجي ادموم بالكوفه. فوگ النوگ مجتوفه فوگ النوگ مجتوفين غربة ومشيتي منين ونت الليل مسموعه ========== الشاعر/ علي النائلي
