Canale de Sardware -:|:-

2021-11-16 19:05:57 Salude! S'iscuadra de Sardware est traballende a sa localizatzione de su navigadore lìberu Mozilla Firefox.
Amus traduidu bastante pro otènnere de publicare su traballu giai fatu in Firefox Nightly, una versione "pre-alfa" chi serbit mescamente pro fàghere is proas de totu is isvilupos in antis de ddas pònnere in su Firefox istàbile comente atualizatziones.
Tenimus bisòngiu de gente chi dda proet e chi nos sinnalit faddinas eventuales, tràmite su canale Telegram de Sardware o is redes sotziales.
Pensamus chi potzat èssere un'ocasione bella pro ònnia utente pro bìdere su traballu fintzas una manera pro passare a un'aplicatzione lìbera e a còdighe abertu che a Firefox!
Pro installare Firefox Nightly in s'elaboradore tuo, sighi custa ghia:
1) Bae a Firefox Nightly;
2) Dae su primu menù a cortina, seletziona Firefox Nightly; dae su segundu, seletziona su sistema operativu tuo; dae su de tres, chirca "Sardinian - Sardu" e seletziona·ddu;
3) Incarca "Download Now" pro ddu iscarrigare, e a s'acabu installare! Aprire / Come

2021-10-04 00:05:17 Adrià Martín, de Sardware, chistionat de lìnguas, de Sardigna e de s'assòtziu nostru in s'ispetziale de Vilaweb "Connòschere s'Alighera, connòschere Sardigna" (in catalanu). https://histories.vilaweb.cat/Alguer-Sardenya/index.html Aprire / Come

2021-09-30 12:22:12 In sa Die internatzionale de sa tradutzione presentamus s'agiornamentu nou de Telegram! Immoe si podet seberare unu tema pro ògnia tzarrada, impreare carigheddas interativas, bìdere is cunfirmas de letura e registrare is diretas.
Pone #TelegramInSardu e festa paris cun Sardware custa die! Aprire / Come

2021-04-28 21:07:08 Salude! Oe, pro sa Die de sa Sardigna, amus isseberadu de publicare una tradutzione noa, chi bos batimus in paris cun sos augùrios mannos nostros: Mastodon !

Mastodon est una retza aberta federada a còdighe abertu e de propiedade comunitària, chi bos permitit de amministrare sos datos bostros in sa manera chi preferides. Bos podides registrare in una "istàntzia" o nde podides creare una bois, e gràtzias a sa federatzione ais a pòdere interagire cun totu sos contos in totu sas istàntzias, comente chi siant in su matessi situ.

Registrade·bos e proade·lu oe, e ammentade·bos de nos sighire fintzas in cue! Su contu de Sardware est "@sardware@mastodon.social"! Aprire / Come

2021-03-25 01:17:16 "Torra a ti pigare sa fache".
Sighit sa petitzione contras a sa possibilidade de èssere connot* dae sistemas automàticos aunde si siat s'agatamus.
https://www.sardumatica.net/node/109 Aprire / Come

2021-03-08 18:40:31 Leghe puru s'intervista chi FeminismoINC at fatu a Flavia: https://feminismoinc.org/2021/03/feminismo-en-sardo-una-causa-importante-y-urgente.html Aprire / Come

2021-03-08 18:37:09 Iscàrriga·ti de badas «Valores Feministas 2021», su calendàriu de Feminismo Inc. (feminismoinc.org) chi amus bortadu in sardu! Bonu 8 de martzu de luta! Aprire / Come

2021-02-15 21:20:35 Aprire / Come

2021-02-15 21:20:23 Sàbadu 20 de freàrgiu, s'assòtziu Sardos in Paris (Sardos in Parigi) presentat s'eventu "LINGUA SARDA: IDENTITÀ E CONDIVISIONE". Gianfranco Fronteddu (Sardware) at a faeddare de s'importu de sa tecnologia pro sa tradutzione pro s'amparu de sa limba sarda, de Apertium e de Sardware. Cun issu, ant a intervènnere Maria Luisa Mura e Alexis Barranger. Pro partetzipare tràmite Zoom, imbiade unu messàgiu de posta eletrònica a sardiaparigi@gmail.com
Acudide in medas! Aprire / Come

2021-02-06 21:20:43 Cras (7/2), in Nùgoro, ùrtima puntada de Adrià - Beni cun me (RAI3, 9.30 h). Luca Meloni, Gianfranco Fronteddu e Lisandru Beccu (Sardware) amus a chistionare paris cun Adrià in pitzus de sardu e tecnologia: Apertium, Wikipedia, Ubuntu Touch, Telegram, DuckDuckGo, Jitsi e meda àteru! Aprire / Come