2023-05-15 08:51:11
ئیمڕۆ ڕۆژی زمانی کوردییە
نامەوێت بڵێم زمانی من شەرەفی منە و زمانی من چی منە
ئیتر با قسەی زل زل نەکەین
بەس ئەڵێم زوانی خۆتان بە سووک مەزانن
لەگەڵ مناڵەکانتان بە کوردی قسە بکەن
بە خالە و عمو بە خوا نابن بە تەیارە(فڕۆکە) میمی و مامە سەد شەرەفی هەیە
بە کوردی پەیام بنێرن بۆ یەک قەینا ڕێنووسەکەیشتان تۆزێ کێشەی هەیە
بە کوردی پۆست و ستۆری دانێن حەزتان کرد لە ژێریشیا فارسی و عەرەبی و ئینگلیسی و چینیش بنووسن قەینا وا ئەزانین دوو زوان ئەزانن و باکلاسن
ڕێکەوت و بیرەوەری و ئەوانەشتان با بە کوردی بێت
نامیلکەی قوتابخانە و زانکۆ و ئەوانەشتان با بە کوردی بێت تا شوێنێ کە ئەتوانن
ناڵێم گشتتان بە زاراوەیەکی ستاندارد و سۆرانییەکی ناوەندی و چی بدوێن نە باوان
سۆرانیت بە سۆرانی خۆت و هەورامیت بە هەورامی خۆت،
کرمانجیت بە کرمانجی خۆت،
کەلهوڕیت بە کەلهوڕی خۆت،
لەکی، زازای، لوڕی و....
هەرچێک هەی، خەڵکی هەرکوێ هەی وابە
سنەییت ئەردەڵانی قسە بکە بەڵام بە کوردییەکی ئەردەڵانی ڕەسەن
مەریوانیت بە مەریوانییەکی جوان.
کاکە خوشکە وەڵڵا بیللا تەڵڵا ئەمە
جوانترین و باشترین و درووسترینە
سادە، ئاسان
@Sarchy
47 viewsmahmoudi, 05:51