میرزا سەعدۆڵڵای هەجیجی(سەعد)

2023-05-18 17:05:16 تصویری از خوانین رزاب و مشایخ نقشبندی درود با لباس زیبا و اصیل کردی در دهه ۱۳٤۰

از چپ:

شیخ مختار نقشبندی، شیخ نوری نقشبندی، حسن خان رەزاوی، شێخ زاهد نقشبندی، بایزید نقشبندی
‌‌‌‌‌ ‌‌‌‌‌‌‌‌‌‌‌‌‌‌
کانال مێژووی کورد و کوردستان
@kurdokurdistan Aprire / Come

2023-05-13 00:44:39 تافی دێوەزناو، تافی دێوەزناو
بولعەجەب تافەن ، تافی دێوەزناو

پەرێشان ، عاشق ، دەوەندەن بە تاو
بێ سەبر و ئارام ، بێ خورد و بێ خاو

نەلادێ قەرار، جە ئاما و لوان
نە دەمێ ساکن ، جە دەنگ و دەوان

مودام بە سەدٚ ڕەنگ نەغمە پەردازەن
مرواری غەڵتان پەی نسار سازەن

نەنیشۆ لەحزەی نەدٚارۆ درەنگ
موغەنی نەواز بە سەدٚهەزار ڕەنگ

من مودام حەیران جە پەشێو حاڵیش
جە بێ خاوی و شەوق، جەلائوباڵیش

پەرسام ئەر هەی تاف دێوەزناو مەکان
جە شێوەی دێوان گێرتەنت نیشان.!

دائیما سەرسام عاشق شێوەنی
جە عیشقی کێ‌یەن، بەی تەور لێوەنی؟

واتش هەی ئەبلە، کەم فامی سەرشێت
گۆش دەرە پەنەم تا بواچوون پێت

ئەی سۆز و سەودا، ئەی بێ قەراری
ئەی چەرخ و قسە ، ئەی بێ موداری

ئەی گەوهەر پاشی و  ئەی دوڕ ئەفشانی
مرواری سازی و نقێم نیشانی

جە شەوقی ئانەن  منیش کەرد پەیدا
هەر جە عەشقی وێش شێتم کەرد شەیدا

بەی گشت شێوەوە بێ قەرانەنان
پەی نساری ئەو منەت بارەنان

هەرکەس جەی دنیا عاشق سادق بۆ
سەرباز وێنەی باز ، دڵ موافق بۆ

#مامۆسا_بێسارانی

┄┄┄┅━❅❅━┅┄┄┄
┄┄┄┅━❅❅━┅┄┄┄
@siyawkam Aprire / Come

2023-05-11 21:38:47 ‍ ‍ ‍ (دەریای تەم)

دید٘ە دەریای تەم ، سینە سەحرای غەم
فێــــــراق فراوان ، تاقەت بییەن کەم

هانا یا ڪەریم ، ڪەرەم نمانای
پەی تەسکین دەرد ، شەفا کیانای

هەرچەن موستەوجیب سزا و زەحمەتم
مۆستەحەق لوتف بابی ڕەحمەتم

ئەرسەدٚ گوناکار وە بەهەشت بەردەن
جە بەحری ڕەحمەت هیچ کەم نەکەردەن

لوتف پەی مەعسووم عەفووت پەی عاسی
ئیمانم سابت*الەالناس*ی

قورئانم ئیمام ، ڕاهنمای ڕام بۆ
پەی وەختی مەردەن ، ئەویچ هامڕام بۆ

ئۆمێڐەن قورئان پەردە پۆشم بۆ
وەختی سۆئالات ئەگەرهۆشم بۆ

یا ڕەب زوانم کەلیمەی شەهادٚەت
جە دمای مەردەن بـدٚەری عادٚەت

سی جزمەی قورئان باوەرە وە بەین
تا نەجاتم بۆ نە دەس نەکەرەین

خودٚا بە ڕەحمەت بەخشۆم بەقورئان
ئامین بۆ یا ڕەب هەر لەحزە ، هەر ئان

(سەعدم) ئینتیزار ڕاهنمایی من
شەمعی دڵ قورئان ڕۆشنایی من



@saedollahkhadiri Aprire / Come

2023-04-16 03:44:33 تاق خانــــــەقای دڵ نە زەلزەلەن
تاس کەلەی پووت پەڕجە وەلوەلەن

فڪرم نە تەزهیب نەفی ئیسباتەن
خیاڵم مەشغووڵ شەرح سیفاتەن

عـەڪس تەجەلای مەشعل ڕووی دۆس
شەوق مەدٚۆ چوون شەم نە فانۆس پۆس

تـوور تەن شۆڵەی جەزبەی حەقیقەت
ڪەردەن وە سورمەی دیدٚەی مەعریفەت

دووربێنی ڕای ڕاس وەرنەدەی جەدەس
مەبۆ وە باعیس تــــــوغیان هەوەس

یەك ڕەنگی مایـەی ڕەستگارییەن
ساقی دەی جامێ دەردم کارییەن

دەمێ قەوی ڪەر زەعیفی ناڵەم
بەڵ دەمێ کەم بۆ ناڵەم نە عاڵەم
----------٭٭٭٭٭٭-----------
شێخ موستەفاو تەختەی


@saedollahkhadiri Aprire / Come

2023-04-03 11:33:47 ئەیاز هەمڕاز ناڵە و ئاخ و دوود
عەرزش هەن وە خاک ئاسانەی مەحموود

یاوا ، وات ، نامەی شیرین ئینشادٚت:
نەی ڕەمەزاندا نەشوون جە یادٚت

نە کەردەن ئیفتار ، دۆسەکەی کامڵ
سیوای وە مەی کووس خەیاڵەکەت،دڵ

فاتێحەی کتاب دوعام ، شەو ئەر رۆن
ئیلتیماس حوسن خاتیمەکەی تۆن

حەق وە لوتف وێش باوەرۆ ئەوڕێت
سوود سەرمایەی عەقیدەکەی وێت

وەرنە من لافاو تاوانان بەردەم
دۆعا ڕای دەرگای قەبووڵ گوم کەردەم

نەی چی! من پەنجەی پای ناڵەم سفتەن
تۆ دەی چون تەئسیر وە ناڵەت جفتەن

چەند فەرد"مەعدووم"دەروون نە وەی دا
باوەر جە تەنخوای ناڵە وە نەی دا:

من وێم مزانوو کام تۆمم کاڵان
یاران پەی هیممەت وەنەم مەلاڵان

کەرەم دەر نە دەس رجای ئەو گاران
ببەخشەم وە ئەشق مەزەننەی یاران

وەختێ گۆشەی شار خامۆشان بۆ جێم
نەبوون وە تەسدیع هامسایان وێم
‎‌‌
┄┄┄┄┅━❅❅━┅┄┄┄┄
┄┄┄┄┅━❅❅━┅┄┄┄┄‌
#مامۆسا_مەولەوی‎‌‌ ‌

@saedollahkhadiri Aprire / Come

2023-03-25 03:12:40 ‌ ﺇِﻧَّﺎ ﻟِﻠَّﻪِ ﻭَﺇِﻧَّﺎ ﺇِﻟَﻴْﻪِ ﺭَﺍﺟِﻌُﻮﻥَ
﷽
ﻗَﺎﻝَ ﺍﻟﻠﻪ ﺗَﻌَﺎﻟﯽ
‏( ﻛُﻞُّ ﻧَﻔْﺲٍ ﺫَﺁﺋِﻘَﺔُ ﺍﻟْﻤَﻮْﺕِ ﻭﺇﻧَّﻤﺎ ﺗُﻮَﻓَﻮﻥَ ﺃﺟﻮﺭَﻛﻢ ﻳﻮﻡَ ﺍﻟﻘﻴﺎﻣﺔ ‏)
‏( ﻭَﺑَﺸِّﺮِ ﺍﻟﺼَّﺎﺑِﺮِﻳﻦَ ﺍﻟَّﺬِﻳﻦَ ﺇِﺫَﺍ ﺃَﺻَﺎﺑَﺘْﻬُﻢْ ﻣُﺼِﻴﺒَﺔٌ ﻗَﺎﻟُﻮﺍ ﺇِﻧَّﺎ ﻟِﻠَّﻪِ ﻭَﺇِﻧَّﺎ ﺇِﻟَﻴْﻪِ ﺭَﺍﺟِﻌُﻮﻥَ ‏)

#حاج_ماموستا_کاکەشیخ_فاروقی بزرگ خاندان فاروقی پدر گرامیِ ملاصلاح،محمد،عبدللە و برادر عزیزان حاج باباعلی و #ملاجمیل فاروقی به دیارحق شتافت

درگذشت ماموستا کاکەشیخ فاروقی  را خدمت خانواده ،اقوام ، و بستگان تسلیت عرض می نمائیم و از خداوند متعال برای آن مرحوم علو درجات و مغفرت'و برای بازماندگان صبر و شکیبایی مسئلت داریم.
ــــــــــــــــــــــــــــــــــــــــــــــــــــــــــــــــ
شەریکوو خەمیتانمێ،خود٘ا عەفوەش کەرۆ، ماواش بەهەشت بۆ


@saedollahkhadiri Aprire / Come

2023-03-23 17:07:17 بە خیاڵ کەی بۆ؟ بە خیاڵ کەی بۆ؟
مڕیاو تاسەو تۆ، بە خیاڵ کەی بۆ؟

ئازیز تا کەی دڵ، بێ یانە وەی بۆ
گوڵم بۆ، با دڵ، زکرش ئۆخەی بۆ

بێ تۆ، شەو و ڕۆ وەنەم شیویان
وەشا ئەر پەی تۆ ناڵەم چوون نەی بۆ

مایەو تاقەتوو دیدٚە و دڵیەنی
عومر هەر ئانەن چەنی تۆ تەی بۆ

جە وەرەتاوو تەنیایی سۆتا
مەیلی دووراودوور کەی تاوۆ سەی بۆ؟

ئاے چن خیاڵت ئاما و لواشا
بەتاڵا، ماچا، هام دەردت مەی بۆ

«مەجنوون» هەتا تۆ خیاڵ وەی کەری
کار و کردەوەت واوەیلا و وەی بۆ

#یاسر_ڕەشیدی _مەجنوون

@saedollahkhadiri Aprire / Come

2023-03-20 21:30:15 وەهار

فەرمانڕەوای فەسڵ ئامان وە ڕووی دەور
سپای گۆراڵان تیپ تیپ چەنی هەور

نیشانەی گەرمای هەوای دەماسەنج
وەهارەن جەنەو ساڵی حەفتاوپەنج

شکۆفەی داران ئێعلامیەش کەرد
پەرچەمی شاد٘ی سوور و چەرمە و زەرد

تەم و تەمەلوول جە سەر دیاران
زەمین ئەتڵەس پۆش جە لانساران

کرێڵەی کاوان ڕای عوبوور بەستەن
چوون تاقی کیسرا بە هەم شکەستەن

مەغاران نمناک ، شەتاوان بە جۆش
بوڵبوڵان بە شەوق ئامان نە خرۆش

قاز و میشەی قۆڵەنگ چوون جارجاران
باربەندیشانەن ڕوو بە کۆساران

ژەرەژ نە کۆسار موانۆ بە سۆز
مۆژدەی وەهارەن پێشوازی نەورۆز

نە تەنیا ئینسان، مەل و مۆر و تەیر
فەسڵی هەوای وەش شەوق و سەفا و سەیر

حەیوانانی کۆ، وەحشی و جانەوەر
موانان سروود ڕەهایی خەتەر!

مەردمان مەلان هەر یەک پەی کارێ
بەعزیۆ جە دێهات، نیمێ جە شارێ

چوار فەسڵە کیتاب، وەهار دیباچەن
مەردی بێ هەرمان بە دەسەپاچەن

تەوەککول یەقین ئایەی قورئانەن
شامل و قابیل، بەهری ئینسانەن

(سەعد)پیرەمەرد هێمای نە ڕەنجەن
ها نزیک ئامای حەفتادو پەنجەن



#سەعدوڵڵا_خەدیری_هەجیجی
ساڵەو۱۳۷٥ی مانگوو سیاوکامی

@saedollahkhadiri Aprire / Come

2023-03-20 21:25:25 نەورۆز مەبارەک

نەورۆزەن ئازیز بۆی وەهار مەیۆ
بۆی عە ترو گوڵاو جە گوڵ زارمەیۆ

هاژەو وەرواوان جەشاخان مەیۆ
دەنگوو بڵبڵان جە باخان مەیۆ

مەبارەکتا بۆ نەورۆز و وەهار
بە سەر بەرزی بۆ بێ دەرد و ئازار

بە وەشی گێڵۆ جەژنوو نەورۆزی
پەی کوردەواری گرد گەل و هۆزی

با بەیۆ ساڵێ تازێ جە ڕاوە
شادٚیش پەنە بۆ دڵێ بسیاوە

بێ پەروا ویەرد چەرخوو دنیایی
دەی با پێوە بۆ واڵە و برایی

چن یەکترینی سەفا بۆ شاۮی
پێوەرە کریۆ مەبارەک باۮی

یانەو وەڵاتما مێهرەبانی بۆ
دوورجە مەینەت و سەرگەردانی بۆ

پەناو خودٚاینە عەمری بێ بەڵا
ڕەنگین بۆ پێسەو گوڵزار و گوڵا

#ئۆسمان_ ڕەحیمی_ هەجیجی



@saedollahkhadiri Aprire / Come

2023-02-25 21:49:59 ـ
ـ
ـ
ـ
پەپـوولێ سـەر بەداریشا فرێنێ
چەنی شەمعێ قەراریشا فرێنێ

ئەگەر تاوێ نـەسۆچانێ بە ئایر
ئەسیرێ چەم خۆمارێشا فرێنێ


#خه‌میار_هه‌ورامی




‎‌‌ ‌‎‌‌
┄┄┄┅━❅❅━┅┄┄┄
┄┄┄┅━❅❅━┅┄┄┄‌
@saedollahkhadiri Aprire / Come