جميلات عندي لكم نصيحه في ترتيب المهام واليوم بتاعكم شوفي فككي | مملكة النور🕊
جميلات عندي لكم نصيحه في ترتيب المهام واليوم بتاعكم شوفي فككي وقسمي المهام لتاسكات وخلي الحاجه الي بتحتاج مجهود اكبر ووقت اكبر بالانجاز اول حاجه وحددي لها وقت والتزمي بيها وبعدها افرحي واحتفلي لإنك التزمتي واتنقلي لتاسك تاني لي هنا قسمناها لتاسكات لان احنا بنخاف ونتخض من كم الحاجات الي مفروض نقوم بيها في يومنا وممكن ساعتها ناجل ونسوف ولتفادي ده هنقسمها والاولي ال بتحتاج مجهود ووقت اكبر خليناها بالاول لاننا في اول اليوم نشيطين مرتاحين متحمسين والطاقه فووول كده هنستفيد اننا انجذنا المهمه وكمان احتفلنا بالانجاز وكافئنا روحنا بمج نسكافيه مثلا او شوكلت والعقل هنا ربط بين المكافئه والانجاز وافرز هرمون دوبامين وبالتالي بقا انجاز المهام مرتبط بشعور السعاده وبذلك قضينا علي فكره التاجيل والتسويف بنسبه 99,9% زي ديتول مع انها مزحه بس حقيقي وخلقنا عاده جديده وهي انجاز المهام بالوقت المحدد ومرتبطه بالسعاده طيب بعد الانجاز الاول نعمل اي ننتقل للتاسك التالي الاقل اهميه او الاقل مجهود المهم احدد له وقت ومسيبش يومي بدون ترتيب لان ده بيستنزفني ويستنزف وقتي حتي وقت الراحه والفراغ نظموه وحددوه وكده هنتحول لابطال خارقين منظمين مرتبين سعداء منجذبين ناجحين يلا جربوا وكلمونا واحكولنا تجاربكم #كوتش-شيرين-عمر
