2023-05-01 20:17:23
#نصيحة_اليوم
طرق بالكـيماء خلتني أجيب 97 :أولاً :كل فصل نطيته حقة وذلك من خلال جدول المراجعة يعني مثلا شفت الفصل الاول احتاج اله يوم حطيت اله يوم شفت فصل ثاني احتاج يومين حطيت يومين وهـكذا وهـل شيء وضحته الكم هـنا
ثانياً : جبت ورق كبير او كراسة رسم وكل فصل ادرسه او موضوع بي قوانين اكتبهن واكتب الملاحظات عليهن وشوكت استعملة لكذا قانون
ثالثاً : دفتر خاص للشرحيات اي تعريف ، شرح ، سؤال يصادفني اكعد احفظه بعد ما انتهي افتح الدفتر واكعد اكتبه وحدي هـم يعتبر اختبار الي وهم الدفتر يفيد سواء مثلا بأي لحظة نسيت او صار عندي وقت او مراجعة ثانية او ليلة الامتحان اكعد اراجع بي
رابعاً: حليت اسئلة وتمارين الكتاب كله
بالنسبة للوزاري مقريت وزاري ! اعتمدت على منهـج فقط لان الوزاري بالكيمياء نسخ لصق لو يغيرون رقم لو ميغيروا
المهـم بكثر ما ضبطتهن الارقام تلقائياً حفظتهـن من يمي بحيث بالامتحان عرفت السؤال الي مغيرين والي ممغيرين والحلو من احل ويطلع نفس الناتج
والمحلو صادفني سؤال ومديطلع نفس الناتج ردت امسح واطلع ودمعه بطارف عيني رغم جنت متأكدة بقية الاسئلة صحيحة بس صرت ريلاكس ودعيت ومسحت سؤال كله ورجعت احل
الوزاري فقط حليت نسختين كاملة كـ تدريب يعني
خامساً:چنت واثقة ثقة عمية بنفسي واعرف بنفسي راح اجيب درجة كاملة لان درست وتعبت
تعب مال شخص فعلاً راح يجيب وثقتي بربي كذلك هـي هـاي مصدر القوة لان مؤمنة تماماً ان ربي ينطي على گد التعب (ومحاطه ببالي افكار سلبية ابد هـاي السوالف مال يظلمون بالتصحيح ويجيبون اسئلة صعبة لان الصراحة اعتبرهـا حجج للناس الفاشلة )
الانسان القوي الواثق من نفسه والواثق من ربه ثقه عمية يتوكل ويروح للامتحان هـو ومبتسم وخلو سوالف الظلم والاسئلة الصعبة لاهـل الحجج
اضافه لـ أيماني بقول أمير المؤمنين علي عليه افضل الصلاة والسلام كُل متوقع أتٍ
dr.shahad
قناة شبكة صناع الامل التعليمية:
¦ @IRAQEDU2019
7.6K views17:17