راح لؤي وخبر الشيخ . بس الشيخ ماحجه شي . لان علاقته مو مثل الاول بلؤي . بس اجت كلها النه .. ومامصدگين الخبر . باجي وفاء ورجاء وبناتهم . كلهم التموا يمنا بآخر ليله النا بالعراق ..
جانت لمه مليانا ضحك وسوالف . وبجي ووداع . ممزوجه بكل انواع المشاعر .3
والكل يوصي بينا . ولاتنسونا واتصلوا كل فتره .
شلون اگدر انسى هاي اللمه الحلوه الي بقت محفوره بداخلي . اباوع الضحكاتهم وسوالفهم . واباوع الؤي واعاتبه بعيوني . وهو يبتسم ويغمزلي .. اني اصلا زعلانه عليه من يوم الي گلي راح انسافر بس جنت اضحك واكابر ..8
وصارت لحظه الوداع . الساعه ستة الصبح . اجه الرجال الي متواعدين وياه ياخذنا .. الكل متواجد الوداعنا . دخلوا الجنط كلها بالسياره . وبديت اودع واحد واحد . المن اودع والمن اعوف . حتى نضال الي جنت مااحبها يمكن راح اشتاقلها . ودعتها كلها . وبقيت الحجيه وامي . حضنتهن اثنين وابجي واشهگ . الحجيه كابرت ومانزلت دموعها . بس توصي بيه . اصير گدها واحافظ على عائلتي .. فرقان ماتت وراي . وحسين يخاف عليها ويواسي بيها . لو اصيل الركضت وراي للسياره تبجي . وعاط بيها مرتضى ودخلها . لو مرتضى . الحضن اخوه وگعدوا بالگاع من البجي . ويگول الؤي .. المن عفتني وحدي . عود ردتكم اخوه توگفولوا . بس واحد راح للگبر وعافني . وانت سافرت وهم راح تعوفني . هي هاي الخوة عندكم ..92
بجونا كلنا ..11
صعدت للسياره . وعيني على واحد واحد . اولادي فرحانين ومامصدگين . جانت ملوكه من ايد الايد . كلها تبوس بيها . وهي حلوه ومدنفشه .
اخذها لؤي وصعد بالصدر وهي بحضنه . اني بقت عيوني على واحد واحد . امي دخلت مااتحملت .
حركت السياره . واني بقت عيوني مشبوحه لورى . الى ان ابتعدنا . السياره تمشي . واحنه ابتعدنا عن المحافضه وگمنا نمر ع الشوارع الي بعد اثار الحرب بيها . شفت مناطق بحياتي مشايفتها . وطلعنا ع الشمال يخبل . هيج گاعنا حلوه . جا وين دافنين ارواحتنا احنه . ملوگه تبجي . والتهيت بيها . رضعتنها ونيمتها بحضني . والسياره تمشي وماوگفت ابد غير بي بأماكن معينه . للحمامات . او من تغدينا بالمطعم ع الطريق .
تستمر القصة أدناه
قد يعجبك أيضاً
رفع رايه العشق 1.6M 39.3K الجزء الثاني من الذئب القاسي #سلسله_لعنه_العشق
انَـا و المشّوه 490K 2.2K التجارة بالنساء ، بيع الاعضاء جسديه، وابتزاز الأكتروني، وحباً في الغربه! يجتمعنّ في ( انا والمشوه ) بالهجه العراقيه..... "ممنوع سرقة الافكار ، وأي حـرف من روي...
ترانيـم ــ ( طريقي في الحياة ) 1M 108K فتاة مسيحية تتشتت عائلتها وتقع تحت بطش وظلم داعش لينقذها رجل من الجنوب لتبدأ رحلتها الجديدة .. فماذا سيكون مصيرها ؟؟
{ ابن الجنوب } 2.1M 99.1K اني ابن العشيره...الصاغة الفنجان واني ابن العشيره...السوت الدله واني ابن المضيف البي بخت ينزار ومايخلف الراي...وجلمة العدله واني ابن الرجال الشيخهم مهيوب المانكس اعكا...
عذراً لكبريائي 4.3M 230K _إن انقضت هذه الثلاثة أشهر دون أن أذرف دمعة واحدة بسببك يا كريس .. فسوف تعتذر لي ولعائلتي أمام باب منزلنا في مدينتي ، جاثيا على كلتا ركبتيك في حيّنا! ضاقت عيناه ولمعتا...
فصليتي طفلة (مكتمله) 1.2M 60K القصه حقيقية من محافظات جنوب العراق عن فتاة اسمها نسرين عمرها 13 سنة وابن احد شيوخ الجنوب المعروفة.... الكاتبة زوزو الربيعي ...... اني ماخذتلهم حلويات . وفواكه . والمعجنات الي سونهن البنات . يعني الطريق كله ياكلون وعينهم ع الشباك وفرحانين بالمناظر . صار الليل واحنه وصلنا لدهوك .. گال لؤي السايق تعب . خلي ننام كم ساعه ونرتاح . ونطلع . حجز بفندق . والمنظر ماينوصف . رغم حزني على فراگ ناسي واهلي . بس حسيت نفسي ارتاحت من شفت المنظر . والجو بارد جان لبستهم قماصل . وملوكه هم لبستها وگمطتها حتى تدفئ ..6
بتنا بالفندق من التعب نمنا بسرعه. حتى ملوكه طول الليل ماگعدت غير بس مره ماحسينا الا الفجر طالع . گعدني لؤي .. گعدت الجهال وبدلتلهم . ونزلنا . تريگنا وطلعنا . وكانت هاي اخر ليله بأرض عراقيه ..14
بدت رحلتنا بعد مادخلنا الحدود السوريا . سلمنا جوازاتنا . ودخلونا للتفتيش . فتشوا الغراض . وطلعنا .
